影片
開飯介紹
裝修仿如一輛黃巴士，主打梳乎厘班戟，口感鬆軟，富空氣感，有多款創新口味選擇，更可選配雪糕，適合打卡。
繼續閱讀
營業時間
今日營業
14:00 - 22:30
星期一至日
14:00 - 22:30
以上資料只供參考, 請與餐廳確認詳情
相關文章
🚌油麻地裝修以黃巴士的《am.pm》係油麻地地鐵站A2出口前一條街站左好多年，係梳夫里班㦸的專門店，當初開的時候簡直風摩一時，排隊圍住門口等攞pancake的場面都幾震撼。📌熊妹成日食完飯路過，唸起軟綿綿的梳夫厘口感都好想食一啖，可惜太飽食唔落。今日終於忍不住下午過黎叫一份當下午茶食，止下口癮心癮！📌梳夫厘班戟有好多口味，經典口味有芒果、士多啤梨、抹茶、提拉米蘇、朱古力同黑糖，一件梳夫厘$35，兩件就$50，三件$65。另外，仲有新推出榴槤口味，每件梳夫厘貴$5，同招牌的布丁口味🍮加日本3.6牛乳雪糕🍦，$65一份兩件梳夫厘。📌另外，除了梳夫厘班戟，仲有雪糕、croffle同奶昔飲品🥤，全部甜品都好吸引🥳！📌隔著玻璃窗，望著店員烤焗一件件軟綿綿梳夫厘，為食樣都出哂黎。提拉米蘇梳夫厘（兩件），$50震騰騰的梳夫厘新鮮出爐，郁下佢真係有動L的動態。面頭鋪滿tiramisu 奶油同灑滿咖啡粉，一叉落去，真係好軟熟，蛋香味撲鼻，tiramisu同咖啡味都好出，啖啖cream加pancake 一齊食真係少女心💕都飛撲出來！一件又唔夠喉，三件又太多，兩件份量一人食真係剛剛好又大滿足！日本雞蛋焦糖布丁3.6牛乳雪糕，$40食完pancake 食開左個甜品胃，就試埋最愛的熊妹人生最愛的雪糕！雪糕用上日本3.6牛乳，牛奶味超香濃又creamy，雪糕質感濃稠唔係加水溝稀，啖啖雪糕放入口，真係滋味在心頭。再驚喜係食食下雪糕會筆到一層焦糖層，然後就有一大舊雞蛋布丁🍮，雞蛋同牛奶相融好夾，一次過食到兩款甜品，确實相當抵食。📌見到好多人買近期新產品croffle，下次黎一定要試下，再試埋杯奶昔，試勻晒成間黃巴士產品！
繼續閱讀
呢間Ampm係我每次行過都要幫襯吓嘅巨型黃巴士，食咗咁多次都係咁回味，連藝人周潤發同埋韓國綜藝節目running man都幫襯過佢哋，仲打埋卡影相做生招牌，次次都係咁多人排隊，但係唔使等好耐，製作時間唔超過10分鐘。芒果梳乎厘（雙塊）口感好豐富、梳乎厘的空氣海棉搭配芒果餡料，甜中帶酸每一口都能感受到芒果的香甜。焙茶珍珠牛乳（凍）甜度固定咗，有香濃嘅培茶味道，重奶味，珍珠係Q彈牙，份量都多，飲落好順滑，
繼續閱讀
旺角油麻地有架黃巴士長期泊喺度，主打梳乎厘班戟，另外亦有布丁燒、牛角包、窩夫、奶昔等甜品🍨 即叫即正新鮮熱辣辣，最緊要係大件夾抵食，甜品控一定唔好錯過🚌梳乎厘班戟有多款口味，店員推介黑糖厚鮮奶珍珠，甜度適中，旁邊仲有細細粒嘅黑糖珍珠搭配，有時飲厭咗珍珠奶茶食返款甜品都幾唔錯。梳乎厘口感鬆軟，空氣感十足，記得要趁熱食。飲品方面要咗芒果3.6牛乳奶昔，小朋友至愛，味道偏甜，好肥仔好邪惡，牛乳味突出，飲落質感綿綿哋，沙沙哋，裡面仲有真芒果，真材實料，足料又飽肚，會話似係甜品多過嘢飲🥭
繼續閱讀
喺旺角見到呢一間設計好特別嘅舖頭，一眼就俾佢吸引住咗，外型好似一架巴士，而且好colorful，加上又唔少人排隊，就過嚟試吓佢嘅嘢食⭐️奶油草莓梳乎厘係餐牌上見到呢一款新出嘅疏乎厘，就立即決定佢，嘢食嚟到果然冇令人失望，首先外貌已經好吸引，味道都一流，草莓味道完全融入咗喺疏乎厘入面，而口感都軟熟，加上奶油草莓，令到整體感覺更加Juicy⭐️D24榴槤 3.6 半乳雪糕榴槤味香而且濃，整杯雪糕都充斥着榴槤嘅香味，而雪糕都好嫩滑，食落有一種好舒服同好涼快嘅感覺，而榴槤加雪糕，簡直係Perfect match，鍾意榴槤嘅朋友絕對可以錯過
繼續閱讀
特濃香蕉朱古力梳乎厘🍫朱古力醬夠多，極香朱古力味3.6牛乳雪糕日本雞蛋焦糖布丁🍮雪糕好香唔再講，我成日都好驚焦糖會好甜，佢嘅焦糖口感好似蜜糖咁樣，淡淡地嘅甜香。總括嚟講食完簡直唔夠喉餐廳一個價錢，呢度可以食到兩款，簡直係平民美食
繼續閱讀