Little Miss Cakey (已結業)

拍拖週年紀念想蛋糕方面比驚喜另一半，所以選擇咗呢間蛋糕店，落訂期間店主好好禮貌回覆有關既問題，最後訂了玻璃盒月亮蛋糕。😍 😍 😍取蛋糕當日，店員已為你分開存放好每樣東西 (玻璃盒、朱古力波、月亮)，重會講解保存方法。👍🏻 👍🏻 👍🏻玻璃盒用糖製的，成個都食得感覺好 Magical，內有四個可自選顏色既朱古力波，而朱古力波內饀是 Cream + 自選醬既蛋糕。月亮雖然唔食得，但可以留為紀念同做擺設，重可以影相呃 like 添。📸 📸 📸

特地為男朋友訂了一個月球蛋糕！個月球可以永久保架添！上網搵到呢間小店，經過whatsapp訂購，下單過程快靚正！最後就要去店裡自取啦！雖然店位置有點難找，但店主都會給客人發地圖！蛋糕有吾同顏色同口味選擇！切開出黎好有自家制的感覺，味道不會太甜，剛剛好！男朋友都表示滿意啊！👍🏻

非常欣賞這間小店店主的創作精神！讓蛋糕變成一件精美的藝術品👍🏻兩者溶為一體同時亦能帶來獨特的感覺吃過蛋糕後又可以留下一份紀念品送給朋友！！賣相十分吸引！！！

係傳說中嘅月球燈啦今次一定係小編第一次食到個咁貴既蛋糕，不過又真係確實幾靚既～😍首先個海綿蛋糕底的確焗得好好味，蛋糕軟熟得泥又夠濕潤。而海綿蛋糕同海綿蛋糕既忌廉雖然眼見既份量唔多但一樣都好漏，不過忌廉都打得幾滑下既。但係小編今次揀既藍莓芝士餡醬，個人覺得兩隻味唔多夾（藍莓同芝士明明係天作之合架😂）小編覺得隻藍莓味唔夠香，而芝士味又太突出，搞到隻味好似怪怪的。而蛋糕表面有一層脆口既朱古力淋面，加朱古力係面個目的係一尼會靚D，二尼口感會豐富D冇咁dry。留意番個月球係唔食得㗎，另外月球燈本身已經包左8組字。不過講真個人就覺得唔多值7XX😂性價比低。上面呢一張係蛋糕顏色同口味選擇，俾大家參考下。

話說呢間野嘅蛋糕係同事介紹影相一流咁我亦於5月份生日時俾左資料我外子叫佢選擇一下因為當時我仲俾左另一間IG SHOP佢揀但……最後佢又買一個TONG WONG俾我TONG WONG唔係唔好食咁既然食過, 當然想試下其他野啦 過左生日之後我就好似厲鬼咁不停話點解俾左2間佢一間都冇得試(其實間IG SHOP已經係同中學同學慶祝時試左, 真心好食嘅) 經過不停嘅咒怨之後外子決定訂呢個靚靚蛋糕做結婚紀念禮物但又係我去過數(因為店主只提供中銀戶口過數,而外子又冇中銀戶口)仲要我行過去店度攞蛋糕可見誠意多大 店位置唔難搵嘅係果欄入面我當時夜晚7點左右去攞大部份果欄店已關門一轉角就見呢間野好光 一望入去一堆未寫字既月球係度就知係呢間野嗱 店主好NICE咁提我上下托個蛋糕其實當時我心裡滴汗因為我要過尖咀食飯要咁托住行番去油麻地地鐵站, 再坐地鐵我已想像到….真係有衝動一出鋪就上的士但放工時間既NATHAN ROAD可以好嚇人地塞所以只好優雅地上下托住個蛋糕去坐地鐵 因為店主提我唔好連埋個月球放入雪櫃所以我地就麻煩食店幫我地雪蛋糕月球就跟住我地食飯 咁靚既月球當然要狂影相啦食到中途我影下個月球同鐵板燒師

我第一次寫食評，因為呢個蛋糕真係好出色，我揀咗嘅係榛子朱古力味，𥚃面有三層榛子朱古力醬，一層cream一層榛子朱古力醬，口感非常豐富，而且個蛋糕靚到不得了，個月球重可以keep黎做裝飾，真係好滿意。月亮蛋糕係$650，蛋糕直徑5寸，約1.5磅，2至5個人食都夠食。我自己揀岩左蛋糕就可以WhatsApp店主，，講埋交收日子，再係ig cap圖要邊款顏色，揀想要嘅口味，佢有，海鹽香蕉、奶油草莓、榛子朱古力、Blueberry cheese(+$40)（唔係cheese cake）、打埋想刻係月亮燈嘅字句、講埋whatsapp number(如果係Instagram/Facebook查詢)，最後講埋交收時間就OK啦。