影片
付款方式
以上資料只供參考, 請與餐廳確認詳情
仲以為呢間元朗合隆只係喺灣仔近住摩理臣山嗰邊得嗰一間，原來而家除咗灣仔呢間分店，喺港九各區都已經多咗好多間分店。不過我之前見到灣仔摩理臣山嗰間排晒長龍，排咗外邊又熱又曬，都不是問題，內裏入咗去，仲要搭枱搭上搭，就無謂。我點了個白胡椒湯，想不到是比起家中的胡椒豬肚湯或是酒樓的胡椒豬肚辣得多，非常辣😥。辣的白胡椒味道，辣到喉嚨有點兒嗆；不過由於它是潮州舖頭，這也是正常的，因此你都唔使再試佢嘅辣椒油都會估到辣椒油應該更加係潮州辣椒油咁辣；另外我是了它的菜譜，同樣亦都是，食一粒，好似「辣椒版嘅香口膠」，一野就上頭，然之後頭頂直冒汗。🫨不過佢嘅配料分幾多，因此容易受客人歡迎，例如我叫呢個豬心、豬肺及鮮牛脷，基本上每一樣配料佢都有五六件，因為你內臟其實本身非常便宜，然之後仲要切到薄薄的細細塊，🤤其實成本也不用太多銀針粉嘅份量其實都唔算太多，都只係剛剛吃到飽的那個狀態。😳豬肺細細件的，質感尚可，不算是有些酒樓見到那些大大塊厚實的豬肺，不過味道都算清新。🤓豬心就偏向細化，細塊得唔嚟質地就比較硬實，🙂↕️因此都要慢慢咀嚼。最美味的，就是意料之外，在粉麵舖吃鮮牛脷竟然那麼爽口彈牙，可能因為它是鮮牛脷的原因，🥹質地相當厚實，佢又切到夠厚，有些長條型，亦有呈正立方體，非常爽口，☺️味道香濃，帶點牛肉香氣，是令人意料之外那般具口感以及香味。不過，唔知道店員係咪慣咗繁忙時間快啲去收碗清早客人食完嘅嘢，我個碗其實只係表面上睇起上嚟沒有麵條以及配料在內，😝湯都有半碗，其實底下的銀針粉都有唔少，只不過因為銀針粉太碎以及沉咗底，😒佢就即刻沖口以及「衝手」過來幫你收咗佢，我也不客氣直說一句「未食完呀」
繼續閱讀
😎位置方面，喺灣仔站行過去大概2分鐘，方便而且喺皇后大道中，絕對唔難搵，大大個綠色招牌！😎食物方面，梗係要食佢嘅胡椒湯，同米粉配搭非常好，而家天氣轉涼，食胡椒湯個人成個人暖笠笠，非常好！揀咗牛舌，墨魚丸同埋支竹，三個餸都非常好食，支竹再加胡椒湯底吸入佢本身精華嘅味道😎服務方面，上菜時間都幾快，大概5分鐘，覺得可以接受😎價錢方面，有好多個餸可以選擇我揀咗三個，$53，如果食飯嘅話就加15！我覺得食米粉類別嘅會比較抵
繼續閱讀
呢間餐廳係食胡椒湯，如果冬天食嘅話一定暖笠笠，同事非常推介，所以就去咗試佢嘅三餸米～$53/3款, 佢嘅辣椒油同埋菜譜都好似好好食，嘢食未到之前就食咗佢嘅菜譜 味道都幾辣 不過我覺得都幾好食好開胃 碗嘢好快到咗 大概3分鐘 胡椒湯嘅味道非常香濃 飲啖湯先開始食 都好好飲 好暖個胃 佢嘅招牌牛肉餅原來可以外賣 下次打邊爐買啲返屋企食 味道非常好食 好似牛肉滑 爽口彈牙！牛舌就冇乜味道 不過勝在厚身 整體都可以嘅 米粉好大碗 我都食唔晒啲米粉 下次再返嚟試吓佢其他餸先 有好多唔同嘅選擇
繼續閱讀
同事呢一排都推介呢一間胡椒湯底為主嘅餐廳，佢係有幾間唔同嘅分店，咁啱就開咗喺皇后大道中，公司行過去大概都係5分鐘路程，新舖嘅裝修亦都非常簡約，空間感亦都比舊舖大，坐低堂食亦都唔會有好迫嘅感覺，今日就嚟試咗佢嘅三拼米🙈🙈 本身想食墨魚丸，但係賣晒🙈🙈芫荽牛肉餅係呢一間餐廳其中一樣特色嘅食物，喺出邊都好少有呢一個牛肉餅嘅配搭，係用新鮮嘅牛肉滑製造，所以食落去都非常爽口彈牙🙈 牛舌亦都非常有口感，佢同日式嘅唔同，佢比較厚身，所以咬落去有另類嘅口感🙈🙈 加埋米粉食嘅配搭都好，鍾意食辣嘅我，尤其我哋點少得㗎呢一間餐廳嘅辣椒油，餐廳自家製嘅辣椒油做得非常出色🙈 有衝動買一支返屋企🙈🙈
繼續閱讀
堂吃，冷氣未開，我要用点餐紙撥涼幾次，服務員先發現才開，唔夠要夠人數才可以開啟。😅另一男後生服務員，我已進食中，但不停比份餐同飲品我，我已說了兩次唔係我，又唔看單，又唔問人，其實我張檯有另一名食客，佢又唔問人。但付款單又識比兩份對方，我要問雙方取回。這位服務員比較👎👎。這位服務員好想快 d收工，北上嗎😅😅
繼續閱讀