影片
港鐵銅鑼灣站 A 出口, 步行約8分鐘
繼續閱讀
營業時間
星期一至日
11:00 - 22:00
以上資料只供參考, 請與餐廳確認詳情
仲係叫蛇王易嘅時候，起碼幫襯過十次八次，除咗蛇羹，其他燉湯大部分都飲過，全部讚，燒味叉燒 雞，樣樣好味。啱啱再食，差到無人信，叉雞飯 嘅叉燒同雞都係霉嘅，燉湯飲落口，同招牌加咗龍記兩個字之前完全兩回事，飲咗菜膽燉豬肺湯，以前飲 豬肺係白色 係軟腍嘅，頭先飲 豬肺係淺灰色 係韌嘅，啖湯完全唔係嗰種清甜味，我唔係食家，唔識用咁多形容詞，總之 全部嘢都係差，失望。
繼續閱讀
前身銅鑼灣名物 - #蛇王二 🐍食嘅係人情味👨🏻🍳落單全憑好記性比起好多餐廳有電腦入單都成日漏單錯單🥇根本贏九條街💯仲有必飲#原盅燉湯💰心水推介 - #叉雞飯 + #菜膽燉豬肺湯 跟餐$85👍🏻蛇王易：👉🏻灣仔灣仔道218-220B號利昌大廈地下4號舖🚇銅鑼灣站A出口，慢步8分鐘；集成商場旁.__________#蛇王易 #叉雞飯呀dllm #半肥瘦叉燒 #燻蹄都好正 #燒味雙拼 #菊花蛇羹 #男人的浪漫 #碟頭飯精選 #開飯喇 #灣仔 #灣仔美食__________
繼續閱讀
叫左菜胆豬肺同天麻魚頭,一個蜜棗落太多變糖水,一係天麻落太多變二十四味,配料份量不知所謂,又話原班人馬,係貴左又差到死,一試無回頭,燒味飯正常,但無人會為個飯去
繼續閱讀
自己本身就好少專登去食蛇，唔抗拒，但亦唔算好鍾意，以前我哋一班死佬都曾經搞過啲蛇宴，一大棚人高高興興嘛。不過，有死佬唔老實呃兄弟，加埋疫情，我哋嘅死佬飯局（就算小飯局）都停晒，唔知何時先再搞番。早前，晌網上睇到銅鑼灣出名蛇店「蛇王二」嘅班底再出江湖，以「蛇王易」之名晌灣仔開咗新店，是夜無飯開，一支公貪得意過嚟幫襯吓。 比起「蛇王二」，雖然新店地方新簇咗，光猛咗，但就無咗蛇鋪嗰種韻味，望上去，就只喺一家賣燒味、賣臘味嘅中式小廚餐廳。當然，時代總會變！ 雖然枱上已放有餐牌，不過，好似跟牆上嘅巨型餐牌又有啲唔同，所以，都一齊貼晒出嚟俾大家參考。基本上，主打都喺燒味、臘味，仲有啲燉湯及套餐。因為得一支公，蛇羹定燉湯，臘味定燒味，只可以二擇其一。特價蛇羹套餐 $110嚟得呢度，相信有唔少人喺衝着蛇羹而嚟，所以，眼見唔少人都喺叫「特價蛇羹套餐」，已包蛇羹、飯及油菜，我亦唔使多諗揀呢個，只需要諗吓想食脆皮潤腸飯定喺臘味糯米飯。先嚟碗蛇羹，正如食火鍋，依家食蛇都唔分季節喇，碗蛇羹確喺幾足料，羹內有大量一絲絲蛇肉、冬菇絲、木耳絲、果皮絲，淨喺食碗羹都飽飽哋肚，再者，味道都幾香，質感又唔錯。 而飯品揀咗臘味糯米飯，覺得比起潤腸飯好似喺多啲料咁。除了飯面放咗兩截臘腸、潤腸之外，飯內仲有唔少臘肉、蝦米、花生，臘腸唔算肥，而潤腸真喺好食，咬落真喺有啲脆皮感，糯米飯雖然都軟糯，但個人覺得有少少爛。 碟蠔油生菜就無咩太多評語，喺淥得耐咗，完全無晒生菜嘅脆口感，唯一喺勝在大碟，平衡番啲臘味嘢。 再幫襯「蛇王易」，無對上一次感覺咁大，不過，上次喺飲燉湯，而唔喺食蛇羹，亦見唔少客人嚟飲碗燉湯，似乎，燉湯更勝蛇羹！
繼續閱讀
過往我會到銅鑼灣都會去食老店蛇王x, 一路都係佢捧場客之一，因我過年都會專登去買潤腸俾親友一齊品嚐😋聽說是老店原班人馬主理😅舖內裝修簡潔餐牌差不多，但只有以碟計算的份量（食過老店就知我講咩）而無左例湯都相當失望😭當然老套嘅我都一成不變，點我懷念多時义燒潤腸飯啦！只有碟的份量，我唯有點少飯。上碟飯時都已失望，賣相跟上要求低的燒味舖無分別，可以話更差。义燒超瘦🙄我本身都鐘意食瘦义，但不是這款，味道好一般。再試埋潤腸，好野😋尼個脆皮潤腸果然仍好脆皮，潤腸好甘香，重拾返些好感。杯奶茶雖然+2，但我以後唔會再加+2去飲🤫
繼續閱讀