蛇王易 (已結業)

仲係叫蛇王易嘅時候，起碼幫襯過十次八次，除咗蛇羹，其他燉湯大部分都飲過，全部讚，燒味叉燒 雞，樣樣好味。啱啱再食，差到無人信，叉雞飯 嘅叉燒同雞都係霉嘅，燉湯飲落口，同招牌加咗龍記兩個字之前完全兩回事，飲咗菜膽燉豬肺湯，以前飲 豬肺係白色 係軟腍嘅，頭先飲 豬肺係淺灰色 係韌嘅，啖湯完全唔係嗰種清甜味，我唔係食家，唔識用咁多形容詞，總之 全部嘢都係差，失望。

前身銅鑼灣名物 - #蛇王二 🐍食嘅係人情味👨🏻‍🍳落單全憑好記性比起好多餐廳有電腦入單都成日漏單錯單🥇根本贏九條街💯仲有必飲#原盅燉湯💰心水推介 - #叉雞飯 + #菜膽燉豬肺湯 跟餐$85👍🏻蛇王易：👉🏻灣仔灣仔道218-220B號利昌大廈地下4號舖🚇銅鑼灣站A出口，慢步8分鐘；集成商場旁.__________#蛇王易 #叉雞飯呀dllm #半肥瘦叉燒 #燻蹄都好正 #燒味雙拼 #菊花蛇羹 #男人的浪漫 #碟頭飯精選 #開飯喇 #灣仔 #灣仔美食__________

叫左菜胆豬肺同天麻魚頭,一個蜜棗落太多變糖水,一係天麻落太多變二十四味,配料份量不知所謂,又話原班人馬,係貴左又差到死,一試無回頭,燒味飯正常,但無人會為個飯去

自己本身就好少專登去食蛇，唔抗拒，但亦唔算好鍾意，以前我哋一班死佬都曾經搞過啲蛇宴，一大棚人高高興興嘛。不過，有死佬唔老實呃兄弟，加埋疫情，我哋嘅死佬飯局（就算小飯局）都停晒，唔知何時先再搞番。早前，晌網上睇到銅鑼灣出名蛇店「蛇王二」嘅班底再出江湖，以「蛇王易」之名晌灣仔開咗新店，是夜無飯開，一支公貪得意過嚟幫襯吓。 比起「蛇王二」，雖然新店地方新簇咗，光猛咗，但就無咗蛇鋪嗰種韻味，望上去，就只喺一家賣燒味、賣臘味嘅中式小廚餐廳。當然，時代總會變！ 雖然枱上已放有餐牌，不過，好似跟牆上嘅巨型餐牌又有啲唔同，所以，都一齊貼晒出嚟俾大家參考。基本上，主打都喺燒味、臘味，仲有啲燉湯及套餐。因為得一支公，蛇羹定燉湯，臘味定燒味，只可以二擇其一。特價蛇羹套餐 $110嚟得呢度，相信有唔少人喺衝着蛇羹而嚟，所以，眼見唔少人都喺叫「特價蛇羹套餐」，已包蛇羹、飯及油菜，我亦唔使多諗揀呢個，只需要諗吓想食脆皮潤腸飯定喺臘味糯米飯。先嚟碗蛇羹，正如食火鍋，依家食蛇都唔分季節喇，碗蛇羹確喺幾足料，羹內有大量一絲絲蛇肉、冬菇絲、木耳絲、果皮絲，淨喺食碗羹都飽飽哋肚，再者，味道都幾香，質感又唔錯。 而飯品揀咗臘

過往我會到銅鑼灣都會去食老店蛇王x, 一路都係佢捧場客之一，因我過年都會專登去買潤腸俾親友一齊品嚐😋聽說是老店原班人馬主理😅舖內裝修簡潔餐牌差不多，但只有以碟計算的份量（食過老店就知我講咩）而無左例湯都相當失望😭當然老套嘅我都一成不變，點我懷念多時义燒潤腸飯啦！只有碟的份量，我唯有點少飯。上碟飯時都已失望，賣相跟上要求低的燒味舖無分別，可以話更差。义燒超瘦🙄我本身都鐘意食瘦义，但不是這款，味道好一般。再試埋潤腸，好野😋尼個脆皮潤腸果然仍好脆皮，潤腸好甘香，重拾返些好感。杯奶茶雖然+2，但我以後唔會再加+2去飲🤫

蛇王二？蛇王易！推介指數 ❤️❤️❤️❤️❤️相信大家對遠近馳名嘅銅鑼灣蛇王二絕不陌生，就算唔食蛇，都對應該聽過佢哋出名除咗嘅燉湯，仲有臘味啦！早前話閂鋪令唔少粉絲傷心，而家返咗來灣仔叫做蛇王易，好近集成好方便！為咗想隨時食到煲仔飯，咗就買咗1斤臘腸膶腸。對1斤完全無概念，買完忍唔住打開個盒，謎底終於解開！有7條臘腸8條膶腸呀！臘腸 HKD188/斤膶腸 HKD188/斤顏色：像醃肉、啞色香：豉油味同酒味膶腸比臘腸濃.··餐廳：蛇王易 (灣仔)地址：灣仔灣仔道218-220B號利昌大廈地下4號舖

屹立銅鑼灣近48年的蛇王二，舊年 以為告別咗佢就唔會再返嚟。果日經過灣仔道，見到蛇王易，咪住，check 一check, 原來係原班人馬重操故業！ 所有回憶即刻返曬嚟，來吧， 呢晚就食返碟蛇汁浸雞燒味飯同蛇羹！蛇王二以 蛇羹和燒味飯馳名，一客燉湯套餐只係由七、八十元起，普通燉湯單售三、四十元，除了燒味飯，仲有 脆皮臘腸、潤腸 、油鴨等臘味；外賣同係到食都得，無得彈。蛇王易的蛇肉質素不用質疑吧，蛇羹湯頭 沿用老字號配方 ，用雞、豬肉、蛇骨蛇肉，仲有果皮及火腿，味道豐富材料十足，冬去春來 之際夏天則可健脾暖胃，連續6年獲米芝蓮提名， 點會浪得虛名！臘味糯米飯另外不得不提脆皮 臘腸 同鮮鴨膶腸。店裡掛著一孖孖的臘腸 總讓人想叫碗臘味糯米飯食 。 臘味飯糯米飯炒得 軟硬適中，有蝦米同臘肉油香不會膩，咔一聲將膶腸咬開，酒香及油香在口中 揮發出來 ，無得輸。除咗蛇羹臘味飯當然不得不提 燒味飯吧， 蛇汁浸雞， 雞肉嫩滑有雞味， 脆皮燒肉， 豬皮脆口鬆化， 腩肉 肥瘦層層相間， 滋味非常。仲有冬瓜燉老鴨湯，一聞就知係燉得較火喉 ，味道鮮美，湯汁濃郁。套餐仲送蠔油生菜一碟， 蛇羹配臘味糯米飯再配生菜，超

睇雜誌才知以前在銅鑼灣非常有名氣的「蛇王二」，最近捲土重來，由原班人馬在灣仔開了新店，不過，就沒有用回原名，取個諧音，名為「蛇王易」。來到這一區工作，就順道一會。始終是新店子，內裡裝潢自然新簇，而且，感覺店子比以前光猛，環境亦較闊落，整體是明亮潔淨。在門口已打量了一下菜式，不過，都沒有多想，已定意「特價蛇羹套餐」（$110），包括一碗秘製菊花蛇羹、脆皮潤腸飯或臘味糯米飯，以及蠔油生菜一碟。現在吃蛇，猶如吃火鍋，都沒有太分季節。先嚐嚐「秘製菊花蛇羹」，灑下幾瓣白菊花、薄脆，來得別緻，羹內用料十足，蛇肉既切得幼小，又份量足，此外，還有冬菇絲、木耳絲、果皮絲，可謂味道紛陳，而湯羹的質感又恰到好處。選了「臘味糯米飯」，因為，實在很久沒有吃糯米飯了，再者，「臘味」意思是多材料一點嗎，的確，除了臘腸、潤腸，還有臘肉、蝦米及香脆的花生，口感非常豐富，不得不提，潤腸外皮十分脆口，而糯米飯口感軟糯，加多一點豉油就更香口。要一餐吃得平衡，蔬菜類菜式又怎可缺少，簡單的蠔油生菜就可以了。用餐時，看到不少客人選吃燒味，從各人的燒味飯所見，其燒味看來也不俗，下次再來之時，也要試試其燒味飯啊！

銅鑼灣的蛇王二結業後，現在原班人馬移師到灣仔改名為蛇王易重新出發，當然要來支持一下這些老店吧。餐廳座位雖然不多，但乾淨企理。餐牌上除了蛇羹，還有糯米飯及燒臘飯。點了一個蛇羹套餐，$110有一碗菊花蛇羹，一碗臘味糯米飯及一碟生菜，比起單點較為抵食。菊花蛇羹材料十足，蛇肉份量都頗多，濃稠適中，味道濃郁，菊花及薄脆除了點綴，又可以增加蛇羹的口感。臘味糯米飯大大碗，糯米飯吸受了臘味的油香，另有蝦米及花生在內，增加口感。飯面上還配上餐廳出名的臘腸及膶腸，他們的膶腸是脆皮的，咬落有油香，但不會膩，還食到陣陣酒香味。另外要了一客雙併飯(切雞配膶腸)，切雞入味，但比較瘦，骨比較多。可加$45有個燉湯 ，他們的燉湯都頗為出名，有十多款選擇，點了川貝椰燉瘦肉，湯料十足，味道清甜。

這間小店由老字號蛇王二的原班人馬主理，以前這間舖頭日日差不多任何時間都會見到有客人在門口排隊，今次重開，一於來試試！話明蛇王當然係有蛇食啦，除左蛇，仲有燒味同埋蠟腸、潤腸食架！特價蛇羹套餐，這個套餐有蛇羹、糯米飯和生菜，蛇羹內有好多蛇肉，而且味道剛剛好，上面灑上菊花瓣同埋脆脆，令其口感豐富！臘味糯米飯，糯米飯入面有冬菇、蝦米、臘肉，味道香口得黎又唔會太咸，上面還有臘腸和潤腸，潤腸外皮脆卜卜，十分惹味！切雞潤腸飯，他們的雞用蛇汁浸過，夠哂補呀！雞肉嫩滑juicy，潤腸外皮脆卜卜，有口感又好味！菜膽燉豬肺湯，惠顧燒味飯就可以優惠價飲到美味的燉湯！湯非常鮮甜而且足料，有大量菜乾和豬肺，非常適常平時很少喝到湯的朋友！

今日同朋友去左灣仔買figure，之後係附近睇左有咩食，附近見到有間蛇羹店舖，發覺好耐冇食蛇羹！所以就同朋友去左食番個lunch！我地點左個蛇羹套餐$110再加一碟燒味飯$62。秘製菊花蛇羹：香港人都好中意食蛇羹，因為可以補血活氣、補身暖胃，蛇王易嘅蛇羹材料十足，味道非常鮮味及濃郁，加入肉絲、木耳絲令到口感細緻，味道甘香清淡，蛇肉都很肥美啖啖肉，唔會感到腥味，而且蛇羹表面放上幾片菊花及薄脆，增加清新既層次口感，唔怕熱氣既朋友可以加埋薄脆一齊食，非常之香脆！臘味糯米飯：食完蛇羹必定要配埋糯米飯，配有半條臘腸同半條脆皮膶腸，脆皮膶腸一咬落口都feel到脆皮口感，裡面仲好多肉汁，而糯米飯吸晒佢地既油香味，炒得乾身、粒粒分明，口感煙韌，臘肉、蝦米香口但不油膩，富有飽足感，另配埋蠔油生菜🥬，爽脆鮮甜！燒味單拼飯加$12轉切雞油髀：本身鍾意食雞脾，所以加$12轉雞髀，大大隻肉質結實豐滿，切件夠厚，口感彈牙加配薑蓉令味道更加美味，飯粒分明唔會太腍身，每一口都很滿足感，價錢尚算實惠！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

o係銅鑼灣屹立多年，因疫情影響致結業既蛇王二終於回歸，仲記得之前知道餐廳關閉嘅時候覺得好可惜，我同老公一路都好鍾意喺嗰度食蛇羹同潤腸飯，最近知道佢喺灣仔搵到新位重開，用上原班人馬，即時帶埋老公去尋找回憶味道！店舖格局四正光猛，設有卡座位，點上我倆最愛嘅蛇羹同菜膽豬肺湯，仲有糯米飯同四寶飯。一見到碗蛇羹老公就心心眼，配料十足又香甜，最緊要食落味道同以前一模一樣，味道依舊，功夫不減。鍾意呢度嘅菜膽豬肺燉湯夠清甜，燉盅入邊嘅豬肺湯料毫不欺場，夠晒大件，一碗夠補，一碗夠潤，兩樣食完都令人暖笠笠！臘味糯米飯夠煙韌，糯米飯沾滿雙腸既油香，仲有香脆嘅花生、蝦米、冬菇等，最最最欣賞夠晒甘香嘅潤腸，同外邊食到嘅完全唔同，最後忍唔住要買返一斤同屋企人分享。傳統小店，係要支持嘅！

近排天氣雖然已經暖返唔少，但係一到夜晚總係覺得陰陰寒寒，有人提議帶我去食蛇羹暖下身。原來有人收到風，知道去年結業的老字號「蛇王二」已捲土重來，原班人馬喺灣仔道開左間新店，並且取名為「蛇王易」。店舖嘅門面好光鮮，室內環境亦不俗，裝修骨子，加上燈光明亮，感覺乾淨企理。先睇下餐牌，有蛇羹、燉湯、碟頭燒味飯、臘味飯、蒸飯，另外亦有兩款套餐供應。點左個特價蛇羹套餐、燒味/臘味雙拼飯 同 一盅燉湯。特價蛇羹套餐 ($110)：套餐包一碗秘製菊花蛇羹、脆皮潤腸飯或臘味糯米飯及蠔油生菜一碟。先試下碗秘製菊花蛇羹，蛇肉切得很幼細，肉質軟滑，而且分量不少。配料亦下得很慷慨，有冬菇絲、木耳絲、薑絲、果皮絲及薄脆等。最鍾意就係面頭放左平肝明目嘅白菊花，吃來帶菊花嘅清香，可調和蛇羹的燥熱。另外碗臘味糯米飯亦是一絕，糯米飯粒粒軟糯，入口香噴噴、熱辣辣，加埋蔥花、臘肉、蝦米同香脆的花生，好有咬口。臘腸同潤腸都好正，前者三分肥七分瘦，而脆皮膶腸就帶有油光，外皮食落好脆口，味道甘香豐腴，不會很鹹，用來配糯米飯吃，很美味。套餐還有一小碟蠔油生菜，菜蔬灼得啱啱好，顏色嫩綠，入口爽甜，減卻膶腸的油膩感。雙拼飯點左蛇汁浸雞拼脆

第一次食蛇羹 愛上了蠟味飯～～～諗起之前話想同朋友一齊食蛇羹 但係一直都未食 冬天都就嚟過 所以我哋就決定捉緊冬天嘅尾巴 嚟咗灣仔呢一間朋友介紹 話係老字號原班人馬開嘅蛇羹店到食晚餐～～～話說我同朋友都未食過蛇羹 所以真係好緊張 睇完餐牌之後我哋叫咗 燒味雙拼飯油雞配燒鵝 菊花蛇羹 臘腸潤腸糯米飯 瑤柱雜錦冬瓜盅～～～期待已久嘅菊花蛇羹好快就送到 望落去非常精美 超級滿 係滿到就來滿瀉嘅狀態 正 本身驚食落去好腥 點知原來一啲腥味都冇 啲蛇羹其實個口感有啲似雞肉絲咁 而且好足料 我哋一路食就一路有客人入嚟 平日嘅夜晚都幾乎滿座～～～而燒味飯嘅兩款燒味裏面 個人就更加鍾意佢嘅燒鵝 肥瘦適中 鵝油甚香 不過燒味飯雖然好食 但係都冇潤腸臘腸糯米飯咁經驗 無論係潤腸定係臘腸個味都好重好出色 實身得來 又唔會太硬太乾 而且啲糯米飯超級香 食完一碗之後再打包左一碗返屋企俾媽咪食～～～最後佢哋嘅瑤柱冬瓜盅亦都好唔錯 清清地 有原粒瑤柱喺裏面 湯底清澈唔會油膩 飲落感覺養生有舒服～～～推薦度：🔥🔥🔥🔥🔥🔥🔥🔥蛇王易 (灣仔)灣仔灣仔道218-220B號利昌大廈地下4號舖

Knowing that 蛇王易 was opened by ex-staff of a famous snake soup restaurant, we decided to try it out tonight. 蛇王易 was located at Wan Chai Road, several minutes walk from Wanchai MTR.They served several types of herbal and snake soup, as well as roasted meat and drinks etc.Snake soup - This soup was very popular during winter time, and chrysanthemum bits and cracker were placed on top to go along with the soup. It was thick in texture and the chef was generous with the serving of ingredients. It w