影片
港鐵筲箕灣站 A2 出口, 步行約6分鐘
繼續閱讀
電話號碼
67747708
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
今天和住在筲箕灣的好朋友到筲箕灣這間新開的越南餐廳吃晚餐。餐廳面積不太大，佈置簡潔，牆上掛着一幅幅富有越南特色的相片，天花板上的吊燈，恍如越南少女的帽子一樣，讓我們暫時忘卻工作上的煩憂，盡情吃一頓特色的越南菜。碳燒豬頸肉配扎肉撈檬：豬頸肉經過碳燒處理，質地較為軟嫩，入口後嚼勁十足，還有濃郁的炭燒香味和爽脆的口感。搭配扎肉撈檬，增添了酸爽的味道，十分開胃。生牛肉河粉：生牛肉很鮮嫩，肉質厚實且絕不韌。河粉則柔滑口感，配以清淡的湯汁，入口爽滑。加上傳統的辣椒、香茅、香檸及香草等，吃後一種清爽又美味的味道在口腔內盤旋，傳統經典簡單又好味的一碗越南河粉。芥蘭苗飛天炒：芥蘭苗很鮮綠爽脆。以飛天炒的方法快速炒，搭配着蒜蓉和辣椒，炒熟後仍保持一定的嚼勁，並且與蒜蓉和辣椒的香味相得益彰。蒜蓉牛油香茅雞中翼：這道菜真是不得了！脆卜卜的外皮，搭配生熟蒜蓉、牛油和香茅等調味料，外層粉漿亦很薄，入口不會太油膩。雞中翼肉質鮮嫩多汁，並且吸收了蒜蓉、牛油和香茅的香味。蒜蓉味道濃郁惹味，牛油味香濃，吃後滿口香蒜味道，令人慾罷不能。蝦餅：蝦餅的外層酥脆，內部則充滿了鮮蝦的香味和彈性口感。咬下去仍吃到一粒粒的蝦肉，口感非常豐富。蝦餅調味佳又不油膩，實在好吃。總括來說，越南老街的食材新鮮，味道亦佳。回頭率甚高。
繼續閱讀
得閒冇事週圍捐下～總會搵到好嘢食！！🥰🤭今日同老細貢到嚟筲箕灣，竟然搵到間唔錯嘅越南菜～講真…門面就真係其貌不揚，不過估唔到真係有啲驚喜！！叫拼盤係我嘅習慣😅🤭因為唔使諗呀嘛～～越南老街小食拼盤（$138）：好豐盛！有越南春捲、雞串、牛串、素菜米紙卷同柚子沙律～全部都好美味，尤其牛肉串，非常juicy！！佢配埋花生沙嗲醬同埋酸甜汁，層次升呢！！😋👍🏻蝦餅（4件$48）：係老細至愛！🥰佢竟然讚不絕口🤭因為蝦餅彈牙，但係口感綿密鬆軟，配上泰式甜辣醬，十分惹味！！火車頭金邊粉（$98）：食材非常豐富！！生熟牛肉、牛筋、牛丸、牛柏葉～仲有牛骨湯底～粒牛丸非常不得了！！爽口！彈牙！牛筋炆得好淋，好軟熟～仲有一陣鹵水香味，配金邊粉真係一流！！馬拉盞炒芥蘭苗：好似啫啫煲咁～非常香口惹味！！芥蘭苗好嫩，好爽脆！飲品：咸檸七+青檸荔枝梳打地點雖然比較隱秘，但係難得搵到美食～我都搵到嚟，街坊街里就一定要嚟幫襯啦！！
繼續閱讀
介紹返💁🏻♀️。。🇭🇰 越南粉 在筲箕灣 🇭🇰。越南老街。鯉景大廈地下A號舖。香煎大蝦泰式柚子沙律。HKD108蒜蓉牛油香茅雞中翼。HKD68火車頭湯粉生牛肉。熟牛肉。牛丸。牛柏葉。牛根。HKD98鹹檸梳打。HKD38新鮮椰青。HKD48🤫 返嚟香港啦～第一擊係越南粉🇻🇳新鮮滾熱辣就係尋晚嘅事啫😌尋晚約咗喺筲箕灣蒲大嘅大V..佢話帶我去街坊越菜餐廳食吓靚嘅火車頭..唔係話好隱世..少少咁啦🤣🤫 哩間位於筲箕灣內街嘅越南老街舖頭唔大..陳設簡單溫馨..室內十零張二人枱可以靈活合併..外邊兩張四人枱有越南大排檔Feel🤫 細食嘅大V同我Share咗碗火車頭..再Share埋佢大推嘅蒜蓉牛油雞中翼同柚子沙律..一人一杯嘢飲..一個晚餐簡單成事～🤫 首先係萬眾期待嘅火車頭🚂原來叫一碗Share係啱㗎🤭份量都真係幾多..而且同出邊嘅火車頭有些少唔同..除咗生熟牛肉片同牛丸之外佢呢度仲有牛柏葉同埋牛筋..個人就非常欣賞嗰幾片生熟牛肉片..生同熟都好唔錯..生嘅質地就滑啲..熟嘅質地就彈牙啲..而且同樣牛味都好香..牛柏葉都係爽口彈牙嘅..牛筋正常味道啦..唯一係個牛丸唔係勁濃汁嗰種..但係個湯底先至係精華所在..真心香濃而且係會飲到見底嗰隻☺️🤫 然後嗰份蒜蓉牛油雞翼..四隻一份大大碟咁上枱..牛油雞翼個炸皮非常之香脆配埋面頭嘅生熟蒜非常之惹味..入邊雞翼嘅肉質都好Juicy..絕對係熱氣得嚟又必須要叫嚟食首選🤭🤫 我哋嘅第三樣嘢食就係健康又好味嘅柚子沙律..其實我都唔識分柚子沙律係泰式定係越式㗎啦..但係佢呢度個調味酸酸甜甜冇話辣就啱晒我..尤其是佢哋選用嘅柚子幾乎嚿嚿肉都多汁而且唔澀㗎..仲有面頭嗰三隻偏大Size嘅中蝦燒得好香呀～真係一放上枱就聞到嗰浸香味..連有海鮮敏感嘅大V都忍唔住要食一隻😅🤫 飲品方面..我就揀咗大路嘅椰青..椰青都甜喎～令到我覺得整體嚟講雖然越南老街係街坊小店..但係佢哋選材都會喺佢哋Budget以內一啲幾靚嘅貨色..咁樣我覺得對餐廳同食客都有好處..因為唔係下下都要啲餐廳蝕住做先至為之好㗎嘛😊🤫 總括而言越南老街係其中一間我覺得係筲箕灣嘅隱世美食..大家都知道筲箕灣好鬼多好食嘅嘢㗎啦～掃開街可以過埋嚟呢度試吓喎🤭。。翻兜指數：🙆🏻♀🙆🏻♀️️🙆🏻♀️ （5個🙆🏻♀️為翻兜爆燈）。。
繼續閱讀
越南老街📍：筲箕灣南安街93號鯉景大廈地下A號舖🚗：筲箕灣地鐵A2出口 步行6分鐘📞：+852 6774-7708💲：~HKD170/head for dinnerFood quality✔️：碳燒豬頸肉配扎肉撈檬👌🏼：越南西貢啤酒、生牛肉湯粉、牛油果香芒大蝦米紙卷❌：新鮮椰青總結：🤔筲箕灣嘅越式小店 餐牌選項唔多 做街坊生意所以性價比都幾合理 食物抵食雖然冇咩驚喜 附近朋友路過嚟食都幾止口癮😎🤔生牛肉湯粉可以揀河粉 檬粉同金邊粉 試咗河粉 份量簡直係驚人咁多😂最尾係食唔哂 生牛肉嘅份量都好多 但肉質就正常 大塊嘅 如果多啲香料味更出啲就更有越南風味🤔牛油果香芒大蝦米紙卷其實幾好食 兩大卷份量都好多 大大啖一口咬落去成口都係料 不過要118蚊 我就覺得比起其他 呢個略貴咗🤔越南西貢啤酒🍻就價錢合理 但說實話同其他啤酒好似冇咩大分別 試一次都夠😋碳燒豬頸肉配扎肉撈檬好抵食 大大舊燒豬頸肉同扎肉都係$68 仲要又厚身又多 肉質就硬同埋唔嫩 不過成大枝撈檬汁畀你任落唔嬲 惹味🤪😨嗰椰青開得太細 完全唔夠力開口食入邊啲果肉 另外汁份量有點太少 $48嚟講唔抵🥲
繼續閱讀
今日一早拎野去筲箕灣比朋友，朋友知我未食早餐，同我去附近餐廳食。越南老街裝潢簡約，主打地道越南菜。早餐：漢堡扒湯檬：漢堡扒肉味濃，湯底香甜，檬粉爽口。配香脆可口嘅蒜蓉多士和滑蛋七喜午餐炭燒香茅豬扒湯河配越北油條：豬扒係厚切，炭燒至金黃色，食落滿口炭燒香味，肉味濃郁，唔會鞋口。河粉滑溜，酥脆油條吸收湯底味道更具層次，惹味豐富，百吃不厭。越南炸春卷:以越南特有的網狀米紙卷成的春卷，經油炸的米紙帶有脆脆的口感，饀料豐富，食落不會感到油膩。蝦餅炸到金黃色，蝦肉新鮮口感彈牙，再配上甜酸醬夠晒開胃。凍奶茶喝起來茶香味濃郁，喜歡茶味的一定很愛。臨記格仔餅配自家製花生碎煉奶及花生醬：格仔餅即叫即做，十分脆口，塗滿煉奶和花生醬甜而不膩，加添花生碎可增加口感，
繼續閱讀