影片
電話號碼
92648438
營業時間
今日營業
15:00 - 00:00
星期一至日
15:00 - 00:00
以上資料只供參考, 請與餐廳確認詳情
喺元朗食完晚飯，返大埔之前經過粉嶺就諗住食個甜品，因為方便喺熟食市場泊車，所以就揀咗呢一間。去到嘅時候出邊門口勁多人等，都驚冇位，點知原來全部都係等外賣。跟住啱啱好裏便有張四人枱咁就入去。侍應都好忙係咁出外買單。四個人各自叫咗四碗糖水互相試食，另外再加多咗份開心果格仔餅。先嚟咗個開心果西米露，唔太甜還好。跟住上咗格仔餅，格仔餅腍咗啲，個開心果醬正常發揮比頭先個西米露就甜咗少少。個格仔餅側邊有兜白色嘅正方形物體，食落去冇味，所以唔知佢係咪奶凍。反而個榴槤雪糕就幾好食，留意番我係試咗個正方形物體先至食榴槤雪糕，所以都肯定嗰幾粒嘢係無味嘅。另外有個鄰居見凍，所以嗌咗個湯圓。偷咗佢一粒湯圓食，點知係常溫跟住我嗌咗個「珍珠滿盛愛玉」，裏面係檸檬汁底，都幾清爽。但係啲芋圓同埋珍珠中間未煮得透身，仲係實實地粉粉地。但要尊重食物，最後都係食晒成碗。
繼續閱讀
呢間甜品自從佢哋上年開咗之後都食咗幾次，小朋友最鍾意食佢哋嘅窩夫！呢間嘅甜品款式多，份量足～真係大人細路都鍾意～ 總有一款啱心水！今次試咗呢幾樣！#開心果奶蓋窩夫 配雪糕 $75超～級多開心果奶蓋喺面😍重開心果味👍但無苦澀味，仲有啲開心果碎喺面添～雪糕仲有得揀味道！雲呢拿、朱古力 、土多啤梨、芒果、曲奇、榴槤+$2呢個我哋揀咗雲呢拿味雪糕！窩夫份量多，食食吓可以食粒奶凍平衡一下👍#榴槤飄雪 $72呢個有牛奶雪花冰、甜煉奶、D24榴槤、椰果、海藻珠、小丸子、榴槤雪糕D24榴槤蓉+榴槤雪糕，超級濃郁😍仲有大量小丸子同椰果，好重手下🤤牛奶雪花冰好食之餘，咬咬下食到海藻珠有畫龍點睛感覺👍#糖不甩丸子窩夫 配雪糕 $65小朋友個個窩夫都話想食😌最後揀咗呢個，應該係睇中咗有芋圓同小丸子！雪糕揀咗曲奇味，小丸子上面灑咗黃豆粉同杏仁片，呢個幾特別👍#波波拼盤 $49有炸魚旦＋炸燒賣＋炸花枝丸＋薯條有得揀原味鹽酥 / 麻辣味我哋揀咗原味鹽酥～份量都多，滿足🥰另外佢哋嘅下午茶其實都幾抵，有時下午茶都會去食～大大份窩夫+嘢飲都係$58，可以去試吓～推介🙌🙌
繼續閱讀
🐱呢間甜品入邊好多貓貓裝飾打卡位，甜品好多款式好味🤤啱晒我甜品胃💚開心果西米露 西米好彈牙，有好濃郁嘅開心果味，仲有另上一兜開心果碎，雙重開心果🥥焦糖布甸椰皇椰皇鮮奶燉蛋白，椰汁濃郁蛋白嫩滑，加焦糖布甸🍮🖤竹炭黑芝麻麻糬窩夫好大份嘅窩夫，窩夫鬆軟雪糕又大球，黑芝麻粉好香，仲配上紅豆🥭楊枝甘露好足料，有芒果肉、柚子肉同西米🥭💟小食拼盤有四款食物：炸燒賣、鹽酥雞粒、雞軟骨、薯條🍟每款小食都炸得好好唔會太乾😋🍞港式脆脆奶醬丹麥吐司吐司係厚吐司🍞片頭有焦糖脆脆，奶醬好香，配埋雪糕😋
繼續閱讀
差不多每個月食1-2次🤭，因為真係好鍾意食佢嘅甜品🥹😍，有齊西式甜品、中式糖水，仲有小食，下午茶＆宵夜有好選擇！必點窩夫🧇＆心太軟🖤！🤎 糖不甩丸子窩夫：窩夫外脆內鬆軟，芋圓＆小丸子都煙韌 Q彈。今次唔要雪糕要雜果，係鮮水果切粒，好有誠意🍓🍇🍈！🧡 榛子朱古力石板街窩夫：濃郁香甜嘅榛子朱古力，上面舖滿脆脆嘅爆谷，口感＆味道都好豐富呀🖤 心太軟：擺盤好靚好精緻，一切開就流心，用比利時朱古力🍫，好濃郁，配埋雪糕一齊食，又熱又冷，雙重享受！💚 開心果擂沙湯丸：開心果味濃郁，滿口開心果！勁香呀～💛 芒果西瓜汁，原來咁樣 mix 好夾！店舖裝備擺設都係貓喵🐾，好可愛～～
繼續閱讀
開心果控必食，開心果窩夫窩夫即叫即整，俾滿滿嘅開心果奶蓋覆蓋住，奶蓋仲加上勁多開心果碎，開心果味更重，食落唔會太膩。旁邊有奶凍粒粒，奶味好重，雪糕球係自選味道~叫窩夫加$8可以有杯嘢飲， 我哋就叫咗白桃乳酸，酸酸甜甜好開胃開心果西米撈西米撈跟一兜仔嘅開心果碎比你灑上面，都係有超濃開心果味，彈牙西米加脆脆開心果碎，更加有口感華田飄雪配上新鮮香蕉，朱古力雪糕和朱古力醬，煉奶隨自己喜好加上，華田味非常濃郁，冰整得好綿，一啖雪糕一啖綿綿冰超夾咖哩三寶自家製咖哩醬， 唔會好辣好惹味
繼續閱讀