嘆甜品

營業中

休息中

喺元朗食完晚飯，返大埔之前經過粉嶺就諗住食個甜品，因為方便喺熟食市場泊車，所以就揀咗呢一間。去到嘅時候出邊門口勁多人等，都驚冇位，點知原來全部都係等外賣。跟住啱啱好裏便有張四人枱咁就入去。侍應都好忙係咁出外買單。四個人各自叫咗四碗糖水互相試食，另外再加多咗份開心果格仔餅。先嚟咗個開心果西米露，唔太甜還好。跟住上咗格仔餅，格仔餅腍咗啲，個開心果醬正常發揮比頭先個西米露就甜咗少少。個格仔餅側邊有兜白色嘅正方形物體，食落去冇味，所以唔知佢係咪奶凍。反而個榴槤雪糕就幾好食，留意番我係試咗個正方形物體先至食榴槤雪糕，所以都肯定嗰幾粒嘢係無味嘅。另外有個鄰居見凍，所以嗌咗個湯圓。偷咗佢一粒湯圓食，點知係常溫跟住我嗌咗個「珍珠滿盛愛玉」，裏面係檸檬汁底，都幾清爽。但係啲芋圓同埋珍珠中間未煮得透身，仲係實實地粉粉地。但要尊重食物，最後都係食晒成碗。