影片
港鐵土瓜灣站D1出口, 步行約6分鐘
繼續閱讀
電話號碼
93392909
開飯介紹
主打日式爐端燒海鮮，也提供新派口味，如日泰方式烹調的花甲粉。另外招牌爆膏流心瀨尿蝦、西班牙鹽焗奄仔蟹也是必食的鮮味菜式。
繼續閱讀
營業時間
今日營業
18:00 - 22:30
星期一至日
18:00 - 22:30
公眾假期
18:00 - 23:00
以上資料只供參考, 請與餐廳確認詳情
有關獎賞計劃
考完試啦考完試啦🤭點都要食返餐好嘅😋今日史努比要宣布!!! 呢間絕對絕對入圍本年度史努比嘅top5餐廳🔥唔單止食物有心思好好食 連service都非常周到老闆話系自己舖頭 同幾個兄弟一齊run所以落手落腳自己做 感覺成件事好warm💗🤣👍🏿北海道大元貝 $108/隻元貝好鮮嫩😳軟淋而且帶鮮甜味即使系帶子裙邊都好易咬 仲要系爽彈架!食到炙燒嘅香氣配搭乾蔥牛油汁令佢更香更creamy順滑🤤同埋大量嘅三文魚籽 帶啲鹹香味成隻元貝味道好rich好正😳🔥味道: 8.5/10性價比: 7.5/10👍🏿一笑花甲粉 $98雖然系日式居酒屋 但佢哋嘅花甲粉都系一大招牌🔥果然冇令人失望湯底順滑 微辣帶啲辛香 採用泰式嘅做法 加入花生醬令湯底辣中帶甜口感更creamy值得一讚嘅系佢濃郁而唔油膩!就咁飲都唔會話覺得太heavy粉絲掛湯能力超強🤪Appreciate佢嘅軟硬度適中 唔會煮到淋晒爽彈有咬口之如 吸到湯夠惹味而又唔會太鹹另外仲食到有啲蒜粒 真系好鬼香🔥當然唔少得主角之一 花甲!!有成10隻咁多 佈滿成隻大碗要大大力讚嘅系用料非常靚每隻花甲都好大隻飽滿 食落鮮味十足咬落去仲有汁bit出嚟🤤唔怪之得系招牌 必食!!味道: 9/10性價比: 8/10👍🏿西班牙紅蝦他他 $238/隻Omgomg呢個要點名讚!🤣唔系講笑佢貴得有道理嚟到見到好似印度菜嗰啲pani puri點知原來真系😂紅蝦屬於刺身級別 蝦肉切粒塞咗入啲波波度On top放咗少少魚籽醬重點系要將蝦頭入面啲蝦膏唧晒落個波波入面口感香脆唔太硬 同時間食到紅蝦肉嘅鮮甜漿口 同埋蝦膏嘅甘香簡直系層次感之王 史努比要封佢為是日MVP🤤💗味道: 10/10性價比: 7.5/10👍🏿鵝肝多士 $108/份塊鵝肝厚到癲咗 表面煎到焦香 而入面口感粉嫩細膩 味道香濃美中不足嘅系爭咁啲油香冇咗喺口腔爆發鵝油嘅嗰種味道不過正因為咁冇咁膩🥰而且配搭酸酸甜甜嘅sauce同一塊啤梨 令你就算食咁大一塊鵝肝都唔會好漏~多士應該搽咗牛油烘香外邊鬆脆 入面鬆軟 仲帶啲煙韌口感幾樣嘢一齊食好正! 但前提系個口要夠大😂味道: 8/10性價比: 8/10👍🏿牛油肝醬燒鮑魚 $98/串鮑魚切開一件件方便進食🤭以炭燒嘅做法 再配合牛油肝醬同木魚絲食落軟淋而又夠彈牙~鮑魚肝醬味道好香 加咗牛油令佢更有層次感😋連埋木魚絲一齊食出奇地突出到鮑魚嘅鮮味😳味道: 8.5/10性價比: 7.5/10👍🏿清酒燒北寄貝 $98/隻北寄貝厚肉鮮甜口感爽彈 仲好juicy添!用咗清酒去煮 令佢嘅鮮味更加突出On top加咗泡菜面豉醬同紅蔥絲帶微辛 同海鮮嘅甜味形成對比 但冇冚過北寄貝嘅鮮甜刺激下味蕾 好過癮🤪味道: 8/10性價比: 7.5/10👍🏿阿波尾雞蠔 $68/串史努比第一次聽雞蠔 仲以為系蠔🤣 點知原來佢叫雞蠔 其實系雞肉嚟~比起普通雞髀肉更加嫩滑juicy!咬落去真系勁多汁連埋雞油bit出嚟🤤表面燒到微微焦香 但依然keep到肉質超嫩爸爸👨🏻仲話雞皮好香口添🤪味道: 8.5/10性價比: 7/10.👍🏿鹽燒白鱔 $78/串白鱔同樣燒到好香一串有成3塊 都幾厚肉😝皮微微脆口 帶啲煙韌肉質爽彈 魚油豐富好鬼香🤤但食落又唔會覺得好greasy適量嘅鹽去調味 應該仲有啲醬油食到少少甜 吊到佢嘅鮮味之如唔會太鹹😚味道: 8.5/10性價比: 8/10👍🏿秋葵 $28/串秋葵爽脆 帶啲黏口表面加咗牛油同糖即刻蔬菜都變邪惡😈💗但佢又真系幾好食甜甜地仲有牛油香 好難唔好食😂味道: 8/10性價比: 7/10.👍🏿白茄子 $28/串茄子帶微微辣味 咬落去好多汁 清甜juicy🤤加埋牛油去燒香 再舖上少少木魚絲食完肉食返個咁正嘅菜 勁享受🤣味道: 8/10性價比: 7/10🔸李白 峨嵋山 清酒一盒 $88老闆話佢哋都好鍾意飲酒 所以舖頭好多唔同酒選擇🤭佢好細心咁按照唔同嘅食物介紹唔同酒例如邊款啱襯海鮮 邊款適合襯肉💗爸爸👨🏻雖然鍾意飲酒但都冇咁講究🤣呢款李白峨嵋山送海鮮一流!另外佢哋個酒櫃仲有多款唔同類型嘅酒果酒 清酒 啤酒等等嘅都有啱晒愛酒之人🤭*另設加一服務費*睇到呢度 睇到史努比咁樣大讚都知系正嘢啦🤭果然自己舖頭嘅service嘅特別好連出品都食得出心思大大力推薦大家去幫襯!😚不過提一提 佢哋有啲菜式系是日限定款就例如海鮮咁 嗰日啲貨唔靚嘅話店家唔會賣所以史努比都失策 食唔到瀨尿蝦建議大家想食乜嘢嘅話提早一日打去預訂🤪咁就實冇死啦😚整體評分：味道: 9/10環境: 8.5/10服務: 9/10衛生: 8.5/10抵食: 7.5/10
繼續閱讀
今日經開啟岸商場，知道最新間爐端燒轉咗手，變得更有氣氛，七點未夠已經好多人~等我哋又試吓先！😄蘇格蘭牛油蟶子王$128見每枱都嗌海鮮我哋當然唔執輸食物質素同賣相都做得好好！🍴蟶子好爽彈，配搭香而不膩嘅牛油醬同芝士碎片，食落有多重口感北海道日本大元貝 $108/一隻北海道大元貝燒至半生熟，口感一流；仲索晒由乾蔥同菇類熬製而成嘅奶油醬汁，加上三文魚籽，Juicy得來，份外鮮味鹹香，推介👍清酒燒北寄貝$98又係令人垂涎欲滴的一道海鮮。北寄背好鮮甜，充滿清酒嘅香氣。份量都好足，啖啖肉好滿足🦪一夜干特大魷魚$138魷魚傳來陣陣嘅炭燒香氣，師傅仲可以燒到有啲焦邊，送酒一流🍶招牌花甲粉$98果然係招牌～用泰日式醬汁煮法，粉絲好索味，超入味。花甲粒粒飽滿，一眼就爆汁好開胃。雖然枱枱例牌必嗌，但見店員都好有心機咁逐碗煮，加分🔥大蔥雞$48雞肉比想像中嫩滑，估唔到條蔥嘅口感同爆汁先係最大驚喜，食完唔夠喉呀，想再叫多串鹽燒西班牙豬梅頭$88 梅頭嘅脆邊同內裏清甜嘅豬肉形成強烈對比。只需少少蜜糖調味，就能吊出豬肉自帶嘅油香🐖葡萄豚肉串$58外層豬肉燒得好香，一口咬爆粒葡萄，酸甜返嚟平衡返豬肉嘅油膩感，係幾好嘅配搭🍇鹽燒牛舌芯 $78/一串幾欣賞佢個調味，剛剛好帶出牛舌嘅鮮香。師傅掌握火候唔錯，做到焦而不燶嘅效果，亦令牛舌食落保存到口感😋好新鮮，串燒質素好，好滿足又有氣氛嘅一餐🎉
繼續閱讀
之前朋友推介去一笑一直沒成行; 直至最近搬到紅磡, 朋友立即拉著去試試; 入門以為是一般爐端燒食店, 有點不明所以朋友為何極力推薦; 但食物出現就明白了餐廳只在黑板寫上當日食物, 但原來有不少隱藏餐單, 幸好店員友善主動問有沒有興趣試試, 才不致錯過; 食物都花不少心思設計, 跟黑白大廚好相似, 以為簡單, 但經店員細述材料與烹調程序, 才知都經過考量與改善, 不同日子食物也用不同烹調方式, 不是單一的味道或一樣的烹調, 而是層層疊疊的不同味道. 吃過後才知CP值甚高炭燒一夜干魷魚, 魷魚味鮮明不失煙韌, 口感一流, 加上微微的焦香非常好吃; 牛油肝醬炭燒鮑魚以牛油燒灼看似普通, 但技巧要有一定功夫才令鮑魚肉質保持軟滑; 除了鰹魚片與紫菜絲, 師傅還在鮑魚上掃上鮑魚肝醬, 濃香的鮑魚味道齒頰留香北海道日本大元貝以自家調配昆布汁加上三文魚籽配搭, 元貝厚身鮮甜, 昆布汁濃郁, 忍不住伴著元貝一起吃下, 好滿足吃了幾樣海鮮滿口濃濃鮮味, 來幾樣蔬菜平衡一下剛好; 剛上桌的燒日本粟米, 一口咬下去是凍的; 沒錯, 就是凍食才更吃到它的清甜; 輕輕的灼熱帶著微香, 很喜歡不一樣的做法爆汁翠玉瓜與燒車厘茄, 名副其實, 沒想過如此爆汁, 香口之餘不失蔬菜的甜美 ;燒秋葵有驚喜, 因為很多地方的燒秋葵裡面都偏乾, 今晚的燒秋葵仍保持香軟, 很不錯蘇格蘭牛油蟶子王上面舖上芥末製作的泡沫, 再加上蛋白脆脆, 單是賣相已令整道菜提昇至份子料理的層次, 蟶子牛油味香, 配合泡沫又出現了芥末的若隱若現, 味蕾出現多層次; 蟶子肉質結實, 吃來口感十分滿足, 單一道菜, 將客人在色香味三個層面都帶來有豐富感受, 精彩清酒燒北寄貝看戲一樣有高低起伏, 吃過濃郁的蟶子, 就來個簡單的清酒燒北寄貝, 不過雖說簡單, 但相信煮得不簡單, 北寄貝上還放上藏紅花絲, 鮮甜爽口之餘, 清酒混和了北寄貝的鮮, 結果清酒汁也一滴不留招牌泰式花甲粉食材都空運來到, 海鮮新鮮之餘, 因為店選用包子貝, 比花甲更鮮甜肥美, 可以享受大大隻的口感, 泰式酸辣湯汁辣味不算重, 在微辣與酸甜間更突出包子貝的鮮; 加上粉絲配上芫荽, 香味直逼味蕾, 果然是招牌菜吃得十分豐富, 就以燒菠蘿作飯後甜品, 師傅將菠蘿燒香之餘, 還燒至外層帶著焦糖, 那種略帶濃膩的香甜, 跟菠蘿肉的香甜又有不同, 吃來兩重滋味, 喜歡到不得了.
繼續閱讀
呢間爐端燒一向在長沙灣人氣高企, 最近搬左黎土瓜灣, 作為fans點都要過黎試下爆膏瀨尿蝦超巨型新鮮瀨尿蝦, 而且蝦膏呈橙黃色, 真係好甘蝦~再配上自家製芝士醬, 味道更加新鮮!另外, 老闆講明如果瀨尿蝦無膏的話, 絕對可以退貨, 並且不收費泰式花甲粉 (少辣)本店招牌菜, 每隻蜆都好新鮮, 完全唔會有任何沙石粒每條粉絲都掛上辣汁, 刺激味蕾, 尤其惹味!燒雞翼雞皮燒得好香脆, 平時少食雞皮既我, 今日都忍唔住要食多D, 非常邪惡師傅調味十足, 唔洗再加額外調味料已經好滿足~~燒蘆筍豚肉豚肉油脂適中, 食返爽脆的蘆筍, 可以中和一下口腔的飽膩感燒日本粟米冰凍口感, 非常清甜, 好少可食粟米會食到咁爽甜~燒大蔥雞 雞脾肉燒得好嫩滑, 大蔥亦很爽口, 味道更入味燒櫻花蝦飯團 飯團外層呈金黃色狀態, 內裡充滿粒粒櫻花蝦, 香味十足再包上紫菜一齊食, 層次感更加豐富燒牛肉日本蔥卷牛肉肥瘦適中, 將大量的日本蔥包埋一齊食, 口感剛好, 不會太油膩燒豬腩肉提子卷今日無荔枝供應, 只有提子豬腩肉非常juicy, 配上清甜的提子, 原來都可以好match~醬燒白茄子白茄子水份充足, 前面食多左肉類可以食返D蔬菜, 中和一下口腔的飽膩感~燒翠肉瓜燒得好爽脆, 外層脆口, 內裡淋甜~芝士年糕外層呈金黃色, 內裡的芝士有拉絲效果, 基本上食1-2粒, 都已經夠飽肚了~提子梳打梳打水和提子混合一齊的風味, 更顯清新的口感在這個炎炎夏日, 喝一口尤其解渴!
繼續閱讀
和大家分享這間由長沙灣細舖搬大舖來到土瓜灣的高質居酒屋！「一笑爐端燒」主打每日新鮮到貨的海鮮爐端燒，雖然餐點定價不低，但確實真材實料，一吃便覺得是值得的🔥.是晚MVP一定是瀨尿蝦，餐廳嚴選來自泰國的爆膏瀨尿蝦，味道鮮甜、肉質細嫩，令人一試難忘！蟶子及帶子亦非常出色，來自蘇格蘭蟶子王真的超巨型，配上的日本香蔥牛油汁亦見誠意！而帶子配上乾蔥牛油汁及三文魚籽，鮮味突出✨ 除了爐端燒，花甲粉亦是這裏的招牌🍜 餐廳自家調味的花甲粉帶日泰風味，面頭鋪滿厚肉飽滿的花甲，非常開胃！
繼續閱讀