影片
港鐵黃埔站 B 出口, 步行約5分鐘
繼續閱讀
付款方式
其他資料
外賣服務
以上資料只供參考, 請與餐廳確認詳情
裝修超殘，一入去，我一唔太想食，油煙味又重不過呢，原來食物賣相和質素超好是日早餐叫葡式早餐，有美味脆口的奶油豬和蕃茄牛腩午餐肉螺絲粉奶油豬有翠華和蘭芳園咁好味螺絲粉唔錯，只是湯底甜了啲
繼續閱讀
頭重重宿醉未醒，心情低落情緒波動，點都要食碗麵先返公司。晨早訓醒硬係要摸到夠鐘先出門口，患上不能早返公司症候群！轉轉場試試其他茶記早餐先，舉頭望餐牌幹砂肉絲河？好新奇喎，真係好想試試！可否同我解釋一下點解用殘體字呢？唔係比本地市民食的嗎？香港地捍衛香港人，捍衛廣東話，捍衛繁體字！太多錯別字喇麻，班腩、斑腩、朱頸肉、豬頸肉，有趣有趣。食客小貓三四隻，可能上班族個個放假啦！大量座位任君選擇，我最愛坐窗邊卡位可以望街景麻。嬸嬸一腳踢落單出餐執檯收銀真辛苦啊，同事們都放假？步入茶記強烈異味來襲，既然黎到費事轉場，頂硬上！麻甩的基地？每朝全場叔伯，陽氣鼎盛，透不過氣來！勝在光猛寬敞，環境寧靜，嘆早餐格外舒適！環生及氣味就有待改善。阿叔成間茶記大量吉位多張檯，點解要坐我對家呢？您都可以坐過一格啫！我唔想對住您食早餐喎，影響食慾同營養吸收。熱奶茶，天氣涼涼地飲杯熱飲暖暖身就最好不過。茶記的味道，幼滑味濃，合格。火腿奄列沙嗲牛肉出前一丁，奄列新鮮即煎熱辣辣有點安慰。奄列恰似火腿蛋卷，蛋還蛋、腿還腿。老老的蛋皮捲著火腿絲，好采起碼香噴噴有咸味有蛋香，合格唔難食。最討厭的白烚丁麵，落完湯粉半分鐘等麵索索味先開始食！仲要汆水攤腍類，倒滾水就出貨，煮都懶煮，水又唔夠滾，衰過泡麵！麵質腍劈劈，泛著少許滾水味道，幸好湯汁夠濃可以掩蓋一點點。牛肉沒有滑潺潺，但勁鬆霉霉無牙都食到，沙嗲汁洋蔥氣味突出，食落甜甜的。太陽蛋雞扒出前一丁，餐牌只寫住雞扒完全預料不到會係深炸雞扒，不過厚厚仲有大半件夠份量。皮脆肉嫩仲要爆汁濕潤，醃味誘惑無比，鮮而不咸不濁，薄薄雞皮炸得非常透徹鬆脆不油膩，黏著甘甜滑滑鳳油加倍滋味，十足咬緊切雞髀，真心讚！患上不能早返公司症候群，晨早訓醒都要摸到夠鐘。沒有湯粉給我既，已經落左？湯汁清徹見底，淺嚐數啖真的是一丁湯來的，只是偏淡。麵條入口便知沖水攤腍，滾水灼灼撈湯粉出貨。濕水白紙條味道土與質地，無麵香無蛋香，不爽不彈，幸好不是腍劈劈，只是沒味道立即掛上蛋黃汁狠狠地啜，好味很多了！太陽蛋豬扒即食麵，真煎豬扒乸，兩邊金黃焦香，醃味濃而美味，只是過腍滑嘟嘟啫。煮大光麵仲好食過出前一丁囉！雞湯底濃郁清香，爽滑充滿麵粉甜拖著湯吸啜，已經滿足幸福！掛著焦香蛋白甘甜熟黃享用，味道達到萬夫莫敵之境。已叮囑多次不要將丁麵沖水攤腍，搞到不爽不彈兼無晒味！梗係要連湯粉鮮煮才有質素，先會爽彈滑甜美。熱齋啡，質地厚厚，濃濃啡味散發微酸。火腿炒蛋，速食精選落單 60 秒送到，暖暖地 120 秒消滅閃得！微暖蛋皮油住塞入，食完條脷啷過油，硬實不嫩滑，咸味略重的火腿難得一遇，再拼毛巾麵包使我懊惱不已。五香肉丁出前一丁，保持一貫沖水攤腍丁麵，灼一灼倒滾水落湯粉撈勻加篤室溫肉丁，最後夾埋煮定的油油煎蛋皮與硬咸火腿出貨搞掂！來個兩羹渣三羹油都並未有辣到死去活來的感覺，沒半點汗水冒出。微辣微香，添點咸味點綴也不錯。沒味道的麵條，淡如水的湯汁，有五香汁拼辣椒油救援，入口舒服很多啊！熱檸茶走甜，隻杯有漬既？好采有帶紙巾，嚇我唔到既！太陽蛋牛扒出前一丁，等了又等，遲遲都未到既？竟然賜我鮮煮丁麵，師傅您今日心情大好？不需要再食沖水攤腍無味麵咯，真係老懷安慰。入口便知爽彈滑甜滾熱辣，最慘湯底偏淡口，其實成包湯粉落晒都無緊要架。炸牛扒有創意，炸完外層香口微脆，肉彈鬆鬆的，醃味濃厚，港式有肉汁也不錯。優質焦香太蛋，香香脆脆的，蛋黃黏滑甘甜，整隻啪入爆開，蛋黃蛋白融合，和味和味！凍齋啡走甜，基本茶記味道的。第 1 杯忘了走甜啊！一入口救命，毒死我咩。雪菜肉絲出前一丁，再次遇上鮮煮丁麵，爽彈滾熱辣，雖然有一丁點滾水味道，都感激多謝師傅。不過湯始終偏淡，感覺只有半包湯粉，幸有有大量爽咸雪菜吊吊味。只有一比九十九的肉粒碎夾雜雪菜，完全沒有存在感。高質結實微溫熱狗腸，肉味突出無異味無怪味無過咸，再熱一點更好味！焦香煎太陽蛋，蛋黃撈麵黏滑甜美無得頂！火腿太陽蛋雪菜肉絲湯通粉，我唔係叫榨菜肉絲咩？心裡一直諗住榨菜肉絲喎，莫非我把口講雪菜肉絲？未醉醒，唔知道。短髮嬸嬸服務周到溫暖，想午餐肉撈通粉，但套餐沒有午餐肉提供，我照樣點午餐肉啦！嬸嬸真係心水清，被發現添！想搏大霧麻。湯濃香甜！驚見通粉不粉不腍不黏，咸鮮爽脆雪菜夾彈滑高質通粉，非常合拍好味道！灑下胡椒粉加入腿絲點綴，味道更上一層樓。紅腸太陽蛋雪菜肉絲出前一丁，上次可能係我叫錯雪菜肉絲，但今次我肯定肯定係叫榨菜肉絲，最後都係迫我食雪菜。紅腸炸得香口無比，皮脆肉甜不過咸。雪菜炒過特別咸鮮爽脆多汁，讓爽滑彈牙丁麵夾住大啖啜格外滋味。餐肉太陽蛋榨菜肉絲出前一丁，第 3 次終於食到榨菜！不過食得到又未必好。咸咸榨菜肉絲，咸咸焦香餐肉，咸咸丁麵湯汁，有點吃不消！丁麵上半爽下半粉，再次遇上沖水風乾變腍再煮的丁麵！鮮茄牛腩餐肉粒通粉，爽彈有趙頭的牛腩粒十分有趣，牛味羶香配上結實微咸餐肉粒夠特別。堅熱濃郁厚厚的羅宋湯非常有誠意，雖然見不到鮮茄影踪，起碼茄膏味突出開胃，軟腍雜菜也不少。彈滑通粉帶著熱湯同步入口，可喜可賀，消滅得一滴不漏。奶醬豬，不愛麵包、脆豬的我都試試啦，估不到又會那麼好味道啊﹗忍不住全部吃掉，大量練奶花生醬滲入脆豬之中，脆卜卜暖暖的香甜味美，食到我完全停不下來！熱檸茶，近年就算檸茶檸水都走甜了，原汁原味更好更健康啦！腸仔太陽蛋叉燒烏冬，高質靚腸！清爽甜美不水汪汪，優質熱狗腸，肉味濃郁可口，結實香純不乏肉汁。茶記叉燒較平庸可理解，鬆軟不硬微甜大路無投訴。師傅超有 heart，耐心烹煮使得烏冬嫩滑熱騰騰，不乾不硬不粉，出色非凡！捲著叉燒掛著滾湯啜啜啜，暢快開心。煙肉太陽蛋鮮茄湯出前一丁，鮮茄湯跟牛腩餐肉粒羅宋湯一模一樣架喎！特濃羅宋湯底加入大量茄膏及幾片鮮茄，茄味突出而不過份，食得到的鮮味，還有腍腍甜美的雜菜伴隨啊！嘆完麻辣火鍋兩日疴到無晒力，補充一下先！丁麵跟鮮茄湯一齊煮，茄味悄悄地滲入麵條之中，每啖爽彈充滿湯汁，師傅誠意可加可口無得彈！煙肉煎得微焦香口，咸味濃縮，讓麵條捲著吃，中和一下舒服很多。煎雙蛋，荷包蛋呢！即煎油浸雙蛋，無有怕油滴滴熱辣辣整隻隊入口，甘甜蛋黃汁，焦香微脆蛋白。煎雙蛋沙嗲牛肉出前一丁，再次又再次泡出前一丁！轉眼兩分鐘到達，沖水攤腍的麵條，滾水泡兩泡，滾兩滾撈湯粉搞定！味道完全流失，外熱內暖悶悶的，夾著鬆軟甜甜嫩牛啜晒入口，馬虎了事即閃！
繼續閱讀
我和朋友晚上去了這吃飯，我叫了京蒽酱牛肉飯，我好好聲好氣說走京䓤,但一个中等身材四眼的员工用不好的語氣和我說不能走京䓤,其實不是一个問題,但再和說走飯苯不如，當時非常憤怒,没下次下次一定不會來
繼續閱讀
今日一個人食LUNCH,簡簡單單入咗呢間檀香山，呢間餐廳鋪面都幾大，今日午餐有XO醬炒雞扒公仔麵，麵質可以，但碟麵略咸，味道又唔太似XO醬！雞扒有少少乾，但勝在算幾大碟，食完幾飽肚，價錢也實惠！ok啦！
繼續閱讀
今日入紅磡工作，忙到甩轆，要食飽D至有力量繼續工作，行過擅香山見入面仲有卡位，就入去坐得舒服D嘆個lunch啦是日快餐有以上幾款，我選擇咗土魷肉餅！肉餅調味還可，但或者餐廳注重健康，肉餅少了點肥肉，因此顯得有點「鞋」和不夠香口！食物中規中矩！如只求果腹，白飯份量多，男仕也足夠填飽肚子!
繼續閱讀