影片
開飯介紹
人氣雲南米線店，可自選湯底及配料。小店的特色是老闆堅持用小鍋煮每一碗米線，以確保留住食材的精華並且入味。
繼續閱讀
營業時間
今日營業
17:00 - 22:00
星期一至二
17:00 - 22:00
星期三
全日休息
星期四至日
17:00 - 22:00
*截單時間: 21:30
以上資料只供參考, 請與餐廳確認詳情
相關文章
一直都好想試老闆娘，但成日聽聞要排好耐隊就腳步😅終於有次星期四經開荃灣，又見咁早，就自己一個人去毒食去到6:05左右，已經見到條人龍，排隊時會派紙仔點埋嘢食，大約6:25就入得，都算好快但等食物就小小耐，要預30-45分鐘先食得一個人點咗好多食物🤭酸辣湯米線：可能太高期望，我覺得好普通，味道算濃但湯底比較稀招牌酥炸雞球：我個人就唔鍾意，雞肉味又一般，炸漿都厚，普通餐廳都食到呢個味反斗蝦膠豆卜：呢個好味👍🏻炸到好鬆脆，就咁食會淡，一定要點小小湯咁食😋正！魚肉腐皮卷：都夠脆，但唔夠豆卜出色總括嚟講，如果唔駛等都會再食，但又要排隊又要等，就唔會再試lu價錢：一碗麵+3個小食+一支飲品 $92
繼續閱讀
今日星期五，啱啱好5:30之前去到， 5分鐘已經入去啦。不過坐低就等咗45分鐘，還好吧，已經做咗心理準備。叫咗碗麻酸辣粉配牛腩。order 之後已經後悔，自己其實唔係咁鍾意酸辣粉配麻辣。 但係呢度繁忙，真係唔係幾好意思改單，唯有啃咗佢。好有麻辣味，但有些苦澀。明白為何有些人會話苦。見到好多人都叫佢嘅炸物，不過我就唔係咁鍾意食炸嘢。 呢度嘅配料唔算少，不過有好多都係炸嘢同埋佢啲特別嘢。就少咗啲平時應有嘅嘢例如腐皮，有啲可惜。碗嘢好多湯，我叫咗牛腩都起碼有六七大嚿反而啲麵同芽菜係少d，好夠酸。整體其實覺得唔錯，但又唔會特別想再嚟（even 唔需要排隊都唔會特別想食）。可能叫錯嘢吧。不過特別讚就係佢有無糖豆漿，啱晒而家鍾意健康嘅人。
繼續閱讀
今日5:30pm黎到，好彩地剛好不用排隊，但食完出黎就大排長龍了🙈點了的都是酸辣湯， 但試了很多款餸：炸雞：Juicy，有淡淡咖喱味，惹味！反斗蝦膠豆卜：好酥脆，味道不算燶，連湯食一流魚肉響鈴：脆到好似薯片咁，魚肉都彈牙豬腩肉：個人覺得普通，好厚，但是有點韌
繼續閱讀
呢間嘢實在太難食，大家千祈唔好嚟！呢間米線一直以世一米線同世一炸物著名，所以我哋上個星期日特登慕名而來。去到嘅時候我哋用咗一個鐘嚟排隊，入到去之後又用咗九個字時間等食物上桌。本身我哋都覺得啲食物好食嘅話，排長龍都唔緊要嘅。我哋嗌咗兩碗麻酸辣湯米線，同埋一啲炸物，例如係反斗蝦膠豆卜、炸豆腐魚蛋同埋炸雞。麻酸辣湯米線上桌嘅時候非常之香，但係當我哋放入口嘅時候驚覺個湯底係苦嘅。一開始都不以為意，點知越食越苦，苦過deedee！對面台客都食到苦口苦面！應該係因為啲花椒炒得太大火，所以燶咗。煮過花椒嘅人都應該知道花椒燶咗嘅話會好苦，所以呢個湯底可以話係失敗。我哋都算係垃圾肚，但係嗰一日居然連一碗米線都食唔晒，因為碗米線真係太苦，蓋過晒其他味道，食到後來可以用捱苦嚟形容。一路食一路諗自己做咩咁折墮，花兩個鐘嚟食碗苦味米線！後來我哋睇返網上嘅食評，發現都有唔少人批評過個湯底係苦嘅，睇嚟唔係我哋去嗰一日失準，而係呢個係餐廳一貫嘅水平。另外講返炸物，啲炸物係非常之脆，但係冇嚟味道，雞肉一啲鮮味都冇。雖然話係炸物啫，但係起碼嘅味道都要有啊。如果只係因為脆就話佢係世一炸物，咁大家對食物嘅要求都實在太低啦。何況仲要因為呢啲食物而排足等足兩個鐘，真係食到想問佢攞返錢。總結，如果你有好多時間可以浪費，同埋想試吓苦味湯底嘅話可以去一試。我就唔會再去，無謂浪費生命。
繼續閱讀
以前返荃灣西 公司係佢對面馬路有幸由佢係重開果時 食左好幾次今次特登同朋友再黎食，5pm開門我地6點半左右開始排隊，等左差唔多個半鐘，中途有啲想放棄🙈好彩堅持左及我地碗米線冇再要等好耐。我地叫左麻酸辣湯底，朋友就叫麻辣胡椒湯兩個都係bb辣程度。今次冇叫到招牌炸雞球係有小小後悔🥹不過成碗米線愈食愈麻，完全食唔到其他味道，都幾失望🙍♀️朋友話佢果碗都冇咩胡椒味，得個麻字，搞到我有啲唔好意思要同佢陪我等左咁耐Overall黎講比以前差左🙈
繼續閱讀