影片
開飯介紹
元朗阿叔泰麵旗下品牌，供應泰式Fusion菜為主；裝潢則走度假風，如採用石子路、藤椅等設計，是聚餐、打卡輕鬆一下的好選擇。
繼續閱讀
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
相關文章
又同爸爸喺荃灣搵好嘢食🤓 輕鬆啲，就喺荃新天地搵咗間泰國嘢試下，味道都唔錯。不過留意番，openrice search餐廳名係會出「阿叔泰麵」，不用擔心，你係冇錯㗎，入到去就會正常返，唔知點解呢？😂泰式生蝦刺身 ($98)生蝦好新鮮，口感滑嫩，記得趁「凍」食😂唔好俾啲冰融晒。搭配香辣惹味既泰式調味醬，味道十分鮮美。蒜香斑斕烤羊架 ($248)羊架外焦內嫩，蒜香味濃郁，搭配既醬汁更提升左羊架既味道同埋平衡左羊肉既膻味，岩重口味既爸爸食🤣 冬陰功大頭蝦意粉 ($158)大頭蝦新鮮大嚿多汁，湯底酸酸辣辣，估唔到同意粉又幾夾，意粉吸收左湯汁精華，口感彈牙之餘又十分滑順，連爸爸都大讚😋飛天小椰菜 ($88)小椰菜清脆爽口，搭配蒜香同辣椒，令成道菜好惹味，食極唔停🤩份量都唔少，我地由一開始食到尾都仲有😆結論🫰味道惹味🫰上菜速度快🫰店員友善，裝修精緻，坐得幾舒服好味度：8/10回頭度：8/10🎡餐廳資料餐廳名稱：ASOK THAI GARDEN餐廳地址：荃灣楊屋道1號荃新天地UG樓UG37號舖營業時間：星期一至日 11:30-22:00
繼續閱讀
【荃灣區】【ASOK THAI GARDEN】冇幾耐之前細豬哥做咗我上司，我而家真係好多上司。本身都約開佢哋食飯，又冇理由會無啦啦唔約咁突兀。今次想試呢間喺荃灣嘅泰國嘢，都其實講咗好耐，因為佢中意食泰國嘢，而佢哋個門面整到好似泰國嗰啲 resort 咁，攪到我哋好有興趣入去試吓。大家都係試午餐，佢試咗 $85 嘅「大蝦海鮮配冬蔭功湯麵」，係我用 QR Code 落單時誤打誤撞撳錯嘅，都好香冬蔭功味。跟住加 $48 試「小食拼盤」，難得地幾樣嘢都好食，推薦。跟餐佢飲凍「即磨黑咖啡」，佢話都可以，見佢都好快飲晒喎。我就試 $88 嘅「Asok Thai 海南雞飯」配凍「菊花茶」，啲雞都幾滑，雞飯都好香，而杯菊花茶都好特別。我哋試埋甜品，佢試 $25 嘅「芒果糯米飯」，我試 $20 嘅「椰子雪糕」，兩樣都好正，好有泰式風情。有食有飲有甜品，埋單 $266，得啦下話。。。（地址：荃灣楊屋道1號荃新天地UG樓UG37號舖）@asokthai_garden#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am荃灣區 #荃灣 #荃灣西 #ASOKTHAIGARDEN #大蝦海鮮配冬蔭功湯麵 #小食拼盤 #芒果糯米飯 #即磨黑咖啡 #AsokThai海南雞飯 #椰子雪糕 #菊花茶 #1am1515 #1ambackup
繼續閱讀
這晚來到了荃新天地找這間文青度假風泰國菜🇹🇭，這裡環境舒服愜意😌，食物精緻吸引🤩，我們點了魚露椰糖燒雞全翼（3隻）（$78）、冬蔭功大頭蝦湯（$138）、主菜北海道帶子娘惹牛油貓耳粉（$158）、冬蔭功大頭蝦意粉（$158）、甜品芒果糯米飯甜筒（$68）和焦糖榴連撻配雪糕（$72）。🤤魚露椰糖燒雞全翼（3隻），又點了喜歡吃的雞翼💕，沾了椰糖一起燒的雞全翼，甜甜的，燒得雞皮脆脆，喜歡蘸上特製魚露吃，酸酸甜甜，很開胃，第一次見到本身就伴著菠蘿🍍的燒雞翼，超夾！解膩！🥳冬陰功湯，感覺正宗泰國風味，無論是湯底的鮮大頭蝦蝦頭蝦肉、香茅、黃薑、辣椒還是魚露、基本上好像在泰國喝的，而且酸辣味道都調配得剛好，不過如果大蝦可以再彈牙點就好了！😚🔥冬蔭功大頭蝦意粉，第一次吃冬蔭公味的意粉，先入口的竟是酸酸的味道，然後是濃稠忌廉，加上洋蔥蕃茄秀珍菇，味道層次豐富，可惜也是大蝦蝦肉有點失色～🤪北海道帶子娘惹牛油貓耳粉，北海道帶子的烹調時間剛好，用牛油煎得外香內軟，細嫩柔滑，美味！🥰醬汁像冬陰功意粉般濃稠，但沒有了酸的味道，秀珍菇吸收了忌廉醬汁，特別滋味！☺️👍🏻甜品方面，之前在OpenRice見到這個精緻芒果🥭糯米飯甜筒，看著就覺得特別吸引🤩，就想著過來吃吃看呢～～😍這裡的甜品擺盤色彩繽紛🌈，宛如藝術品般精緻🫧，甜筒裡收藏了一球椰子🥥味的雪糕，冰凍的雪糕配上微暖的糯米飯，冷暖交融，再加上香甜芒果粒，簡單就令人感到幸福滋味～💗焦糖榴連撻配雪糕有驚喜，😝原來雪糕也是榴連味，滿滿榴連絲蓉加朱古力撻底，榴連愛好者必點啊！👏🏻沒想到這裡的甜品這麼高水準，是視覺和味覺的享受，大推喔！😎✨👅Info店名：ASOK THAI GARDEN 地址：荃灣楊屋道1號荃新天地UG樓UG37號舖
繼續閱讀
好多朋友都推介呢一間泰國菜餐廳💁🏻♀️。店內環境好舒適，好靚，感覺去咗世外桃源咁。餐廳仲有靚靚打卡位，啱晒好姊妹聚會影吓相！😎👍🏻Menu有好多唔同嘅main course & 甜品選擇。好有特色。1）馬拉盞炒通菜 通菜碧綠爽脆，馬拉盞味濃 😋炒得好入味。2）北海道帶子娘惹牛油貓耳粉我好鍾意呢個貓耳粉，有好多大大粒帶子足料👍🏻意粉又好彈牙。嗰個醬汁有少少青咖喱味道再渾入牛油。唔單止香噴噴，成個意粉都好美味好夾。真係好正👍🏻好好味，必試推介。3）香茅燒豬鞍💁🏻♀️❤️ 豬鞍肉質Juice幼嫩👍🏻。好香炭火味。肥瘦適中，好惹味👍🏻。伴碟蔬菜蕃茄仔好新鮮，薯蓉亦都好香好滑。整體配合得好好👍🏻😋 4）泰式奶茶 Thai Milk Tea泰式茶膽正，加上一大杯冰，完全冇沖淡到奶茶嘅香味。飲完透心涼。看似玻璃樽唔係好大，但都倒到兩轉，好抵飲。5）焦糖榴槤撻配雪糕淨係賣相已經嘩一聲😍📸📸📸。有淡淡嘅榴槤香味。入口好有層次感👍🏻整個甜品都好精彩好豐富😍👍🏻👍🏻👍🏻見到隔籬枱叫嗰啲都好吸引，下次一定會再嚟試。整晚食物美味。服務態度都好好。上菜速度理想👍🏻我哋邊享受美食邊傾偈，全晚都好寫意Yeah。
繼續閱讀
成日經過荃新天地都見呢間餐廳好多人等位，想試好耐，趁平日冇乜人等位就入去試吓。由門口到餐廳室內，每一處都係打卡位，座位闊落，整個環境好Chill，好有度假感；而且食物高質！青檸吞拿魚北海道帶子鍋巴⭐️⭐️⭐️⭐️開胃小食好清新，吞拿魚加帶子再混合泰式香料，酸辣味道伴隨鍋巴嘅香脆口感幾好食冬蔭功大頭蝦意粉⭐️⭐️⭐️⭐️⭐️冬陰功汁掛滿每一條意粉，微辣之中帶椰香味，亮點係大頭蝦真心大隻，蝦頭內有肉之餘仲有勁多蝦膏生薑蟹肉芫茜青醬意大利飯⭐️⭐️⭐️⭐️身為芫荽控嘅我見到呢個飯即刻想試，每一啖飯都食到蟹肉，淡淡芫荽香加埋忌廉嘅Creamy口感，味道層次幾豐富Thai Green Milk Tea⭐️⭐️⭐️⭐️⭐️泰式奶茶加抹茶，口感順滑幾好飲，記得攪勻先飲Mango Mule Mocktail⭐️⭐️⭐️⭐️一杯好清爽嘅Mocktail，由熟成芒果、橙汁同薑啤調製，果香十足
繼續閱讀