影片
港鐵荃灣站 B1 出口, 步行約11分鐘
繼續閱讀
電話號碼
26364808
付款方式
其他資料
Wi-Fi
酒精飲品
加一服務費
以上資料只供參考, 請與餐廳確認詳情
食家推介
#chuchu食在荃灣📍 臨家麵館 係食台南特色麵的！大大個紅色招牌！keep住都好多人入！好光猛，坐得好舒服！💡好近悅來熊貓酒店的！—————————————————————❣️ 紅酸湯本地（新鮮）崩沙腩台南扁粉 $65崩沙腩大大舊！好腍好有牛味的！紅酸湯甜甜酸酸似加左小少辣嘅蕃茄湯，好開胃！唔算好辣！可以一試！第一次食台南扁粉幾特別，有啲似幼河粉，吸滿湯底味，好好食！仲有鮮豬肉碎、旺菜絲、野菌菇、葱花及芫茜！✨ 牆上寫住-阿里山酸湯古法發酵老壇酸湯經多年室溫發酵而成，可降血壓又可以減肥😏.❣️ 臨家牛𦟌撈麵 $52呢碗就係台灣麵做底，硬身啲啲！牛𦟌夠厚份量都好多！入口無筋彈牙的！有秘製炸醬，旺菜絲，青瓜絲，花生，酸菜，蔥花及芫茜，超大碗的！.❣️ 麻辣大腸 $32豬大腸炆得超淋，又唔會話太辣，唔食得辣嘅🐷都好ok! .❣️ 台南鹽酥雞 $42去台灣旅行必食！有台灣嘅味道！炸到脆卜卜，入面肉都好嫩！炸粉好薄！.❣️ 凍熱檸蜜 +$10 （跟餐）.💬 姨姨好好！服務好又醒目！見到佢對客人好細心又有耐性！—————————————————————不專業評分👅好味指數: 8.5/10 💰性價比: 8/10👍🏻推薦: 9/10 —————————————————————🏡地址: 臨家麵館 (荃灣)荃灣荃灣街市街142-166號坤成樓地下08號舖🕑營業時間: NA—————————————————————#chuchu食台灣野———————————————————Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻♀🐷💬每一篇食評都好認真打架
繼續閱讀
睇完戲到咗大壩街食晚飯，貪呢條街多嘢揀吖嘛，行過見有間新粉麵鋪開咗，價錢唔貴就入去試試啦。睇睇餐牌，主打阿里山酸湯粉或沙茶湯，仲有台南扁粉，唔唔，就界定佢係食台灣嘢啦。⭐紅酸湯豬潤台南扁粉既然係主打咁就試下呢個紅酸湯同埋台南扁粉先，餸就揀咗要豬潤。湯頭酸酸地帶有蕃茄香，入面仲混咗唔少雜菌、菜絲、芫茜同肉碎，味道豐富。豬潤下的相當多，一鍋入面起碼有十幾塊，而台南扁粉口感有啲似河粉，滑滑地又有咬口。呢一鍋真係唔簡單，湯底本身已經好多配料，加上豬潤同粉又好多，一鍋根本食唔曬😂⭐台灣紅燒牛腩麵朋友就話揀個大路嘅紅燒牛肉麵，不過睇清楚餐牌，呢度係寫紅燒牛腩麵嘅。朋友個碗一樣好大碗，牛腩有五、六件，件件厚切，炆得軟腍入味，咬落仲係膠質狀添🤤個湯底濃郁鮮甜，台灣麵彈牙有咬口，好好食呀。⭐麻辣蒜泥五花腩片落單時冇諗過兩碗粉已經咁多肉，仲嗌咗兩款肉食系小食添，先嚟呢個麻辣蒜泥五花腩，五花腩薄切但肥美，咬落甘香好正。個生蒜好辣口，但越食越上癮，最後忍唔住食曬成盤蒜😆⭐麻辣大腸仲有麻辣大腸，雖然個名冇蒜泥兩字，但係上面都係鋪滿麻辣加蒜泥，基本上同五花腩片調味一樣嘅。大腸清理乾淨冇異味，肥滋滋有咬口，吸左麻辣汁好惹味，同樣一蒜不漏全部食曬👍⭐凍檸茶 & ⭐凍檸樂食啲重口味嘢就整返個檸檬中和下啦，朋友要咗檸樂，自己就要咗凍檸茶，酸酸甜甜去下蒜味先。整體食物味道唔錯，份量足料兼價錢親民，有下次👍
繼續閱讀
平時去開隔離買麵包，成日都見佢好爆場標榜用台灣扁麵呢日就過黎試下崩沙腩紅酸湯台南扁粉紅酸湯都幾特別，酸酸地麵底可選台灣麵，台南扁粉，台麵扁麵，米線，揀左台灣扁麵，同幼身河粉差不多，但更滑身崩沙腩煮得好淋好入味，肥瘦均勻，正扁粉配紅酸湯都好夾，另外配菜有鮮豬肉碎、旺菜絲、野菌菇、蔥、芫茜好豐富朋友叫左同款湯配豬潤幾爽口，而且份量好多台南鹽酥雞即叫即炸，熱辣辣，外皮脆卜卜，入面d雞肉好嫩滑麻辣大腸 滷得入味 有嚼勁又香又麻
繼續閱讀
荃灣餐廳越嚟越多元化，臨家麵館是主打台南麵食的新餐廳，提供幾款特色湯底，價格親民實惠。✔️紅酸湯本地（新鮮）崩沙腩台南扁粉$65餐單上顯示紅酸湯湯頭需要90日釀做和自然發酵，形成甘酸綿密口味，湯底酸中帶小辣，清爽開胃。內裏配菜除了有很多新鮮蕃茄粒塊、豬肉碎、芫荽、蔥花之外，比較特別的還有羊肚菌、靈芝菇、娃娃菜等。扁粉由三種稻米磨漿製成，特別爽滑！係用筷子夾住會瀡落嚟嗰種滑！崩沙腩口感亦都唔錯！✔️紅酸湯豬膶台南扁粉$48朋友都揀咗紅酸湯扁粉，試咗呢個湯底之後，表示愛不釋手，豬潤火候啱啱好，好嫩好爽口，最重要係$48可以試新嘢，性價比好高！✔️台南鹽酥雞$42台南經典小食，份量都幾大，外皮酥脆，咬落去仲有肉眼可見嘅雞汁。✔️虎皮鳳爪$32有六大隻，好抵食。用醬料醃製過，外皮Q彈完整，仲有生蒜調味。✔️凍奶茶$0（下午茶時段奉送）✔️凍西洋菜蜜$0（下午茶時段奉送）配合港人口味，有提供一般茶餐廳飲品。下午茶時段2:00p.m.至5:30p.m.凡惠顧粉麵，奉送冷熱飲一杯，好抵！
繼續閱讀
今日嚟到荃灣嘅臨家麵館食晏以為只係普通街邊嘅麵店，冇咩特別點知有驚喜喎！價錢親民，仲有唔少選擇。蕃茄崩沙腩扁麵估唔到勁多鮮蕃茄，令到湯底好鮮甜。湯底仲加入咗肉碎、野菌、旺菜、非常足料。崩沙腩仲係用本地嘅新鮮牛肉，食落又淋又入味。台南扁麵夠爽滑，同湯底好夾。紅酸湯崩沙腩扁麵呢碗賣相有啲似蕃茄麵，點知個味完全唔同。除咗有鮮蕃茄嘅甜味，仲食到酸菜味，但兩者比例好夾。個湯底好開胃，越飲越上頭，一定要試下！仲嗌咗兩個小食，就係鹽酥雞同埋麻辣牛展前者炸得酥脆，後者就唔會太辣。
繼續閱讀