影片
港鐵荃灣站 D 出口, 步行約4分鐘
繼續閱讀
電話號碼
29592755
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
是晚來到荃灣，選了在街角的黔知味試試，小店做的是貴州口味。店員好快送上熱茶，仲熱情介紹餐牌，他們的出品都係手工製作啦。⭐辣子雞米線朋友點了辣子雞米線，雞件係預先炒好嘅冇得選擇辣度，但湯麵就可以加辣，朋友呢碗就揀咗大辣。雞件入口鮮味香辣，肉質軟糯唔乾身，米線吸左辣油又香又惹味😋⭐牛肉麵自己點左牛肉麵，牛肉係切成薄薄一片的，份量下得很多，牛肉片有口感，肉味香濃。而湯底很鮮味，加上自己點小辣口味，個人覺得啱啱好連湯都飲埋🤤⭐宣慰府豆幹店員介紹佢地係手工豆乾黎，同香港平時食開嘅豆腐乾好唔同，呢度個感覺係切薄咗嘅豆腐然後炸過，外脆內軟，加埋佢秘製嘅辣椒粉同枱面嘅藤椒粉，又香又麻勁好食🤤⭐涼拌海帶絲併折耳根見國內朋友成日話食折耳根，自己未試過，見餐牌有就點一份試下啦，店員話未食過未必接受到佢嘅口味，所以建議我哋點海帶絲再伴入折耳根，二合一喎😊涼拌汁酸酸辣辣有蒜香，折耳根甘甘苦苦味道獨特，入口個感覺唔知點解覺得有啲似花旗參，哈哈，上網睇下原來折耳根係魚腥草，平時家人用嚟煲湯，唔怪得陣味有啲熟悉啦🤭⭐夜郎三色糍杷店員推介佢哋嘅糍杷，糯米口味係手工製，而玉米同高粱就機製，好奇下就叫份三色糍杷啦，一次過試晒三樣。糯米口感最好，軟軟糯糯有米香，高梁都軟身，入口有陣五谷味，而玉米較硬，有少少粟米香。三色糍杷都係煎的，外脆內軟又唔油膩，好食👍⭐大定玫瑰冰粉 & ⭐桂花酒釀雙花小丸子最後就係食埋糖水，冰粉係凍食，小丸子就熱食的。先講並粉，冰粉冰冰涼涼好滑溜，入面有花生、芝麻、山楂碎等，酸酸甜甜食落舒服。而小丸子即叫即制，剛煲起嘅酒釀好香，入口仲有一陣桂花香。店員話佢哋嘅小丸子都係手工製唔係冰鮮貨，所以入口更加軟糯彈牙，果然無講錯👍我覺得呢度啲嘢啱我口味好食喎，有下次👍
繼續閱讀
1️⃣ 黔知味辣子雞米線（加脆哨）🐣辣子雞嫩滑多汁，辣度恰到好處，辣得過癮但唔會太刺激🔥。米線煙韌，吸滿湯底嘅香辣味，脆哨更係畫龍點睛，帶嚟豐富嘅口感體驗，食完即刻有幸福感！💯2️⃣ 黔知味怪味牛肉🐮牛肉非常嫩滑，入味到位，而「怪味」係結合咗酸、辣、麻嘅複雜層次，酸中帶辣，辣中有麻，味道唔會過重，但令人越食越上癮。呢道菜真係幾有驚喜！✨3️⃣ 黔知味糯米糍粑🍧煎到外脆內軟嘅糍粑，煙韌嘅口感超滿足，配合微甜嘅糖漿，甜度適中，唔會過膩，非常適合作為飯後甜品。簡單卻能俘虜味蕾，推薦！🍡4️⃣ 黑糖珍珠奶茶🧋🧋黑糖香氣濃郁，珍珠彈牙有嚼勁，奶茶口感順滑，甜而不膩，飲落令人相當滿足。同辣味主菜一齊搭配，完美平衡味蕾！💛5️⃣ 黔知味大定玫瑰冰粉🌹🌹玫瑰香氣清新，冰粉爽滑透心涼，一口解辣又解渴，特別係食完辣味主菜後嚟一碗，清涼又舒服，簡直係完美嘅收尾甜品！❄️
繼續閱讀
最近天氣有小小涼～想食熱辣辣嘅米線🍜路過一間貴州嘅米線 位置好闊落😊就入來試下～點知有驚喜！蹄花米線🍜超好味😋！豬腳燜得勁淋～BB辣剛剛好～米線好淋好入味 唔掛得之剛才叫老闆娘推介是 佢話款款都咁好味🤣怪味牛肉🐮食肉怪來啦！又想食🐷又想食牛～一次滿足兩個要求哈哈哈哈哈哈哈好味！鹵牛肉超級入味 ～桂花酒釀雙花（桂花+蛋花）一到秋天就特別鍾意桂花味～食完米粉再食個甜品真係超正😄三色糍粑🍡我真係勁鐘意食糍粑！呢個糍粑有三隻味～粟米、糯米、高粱～好特別！夾埋黃豆粉 超正！涼拌青瓜🥒再加個超級清爽嘅青瓜～正啊！
繼續閱讀
晚上10點諗唔到食咩 經過入左去。叫左個牛肉麵，辣子雞米線，雲吞，酒讓丸子，凍奶茶。牛肉麵幾好食，下次試下唔辣，辣子雞就一般，個口感好似回鍋肉多d,個丸子最好食，甜甜地我覺得依種口感，凍奶茶麻麻，似珍珠奶茶味用粉沖個種。下次都可以再試下其他。
繼續閱讀
今天下午， 我們去到荃灣海壩街黔知味牛肉米線(荃灣) 午餐。在貴州的美食中，黔知味牛肉米線無疑是一道極具代表性的料理。這道米線以新鮮的牛肉為主料，配上香濃的湯底，米線滑嫩，湯汁鮮美，每一口都令人陶醉。此外，黔知味的夜郎糍粑也不容錯過，分別是糯米糍粑、玉米糍粑和高粱糍粑，三種不同口味的糍粑，讓人嘗到各種獨特的風味，口感嚼勁十足。最後，搭配兩杯凍檸茶，不僅解渴，更增添了清新的口感，讓整個用餐體驗更加完美。貴州的美食真是多姿多彩，令人流連忘返。
繼續閱讀