影片
港鐵荔枝角站 C 出口, 步行約3分鐘; 永康街入口
繼續閱讀
電話號碼
37554931
開飯介紹
位於荔枝角的多國菜餐廳，由網上商店擴充至實體餐廳。餐廳設有戶外用餐區，環境舒適，設計簡約，適合打卡。
繼續閱讀
營業時間
今日營業
12:00 - 21:30
星期一至日
12:00 - 21:30
公眾假期
12:00 - 21:30
公眾假期前夕
12:00 - 21:30
以上資料只供參考, 請與餐廳確認詳情
-
網上訂座服務暫停
依間餐廳位於荔枝角工廈，位置比較難搵，但菜式同格調別具風格，值得一來！有提供多國菜同戶外用餐區，餐廳侍應同廚師以年輕人為主，感覺似係自家經營👩🏻🍳👨🏻🍳🥑🦀🍝 牛油果蟹肉明太子意粉 $108呢款意粉係一個大膽嘅組合，牛油果嘅綿滑同蟹肉嘅鮮甜交織出一種特別嘅口感。明太子帶嚟嘅微辣加上濃厚既忌廉汁，為整體味道增添一份層次。意粉煮得啱啱好，唔會太軟。唯一覺得可以改善嘅係蟹肉嘅比例有啲少。🐟🦐🥬 香煎海鱸魚蝦頭汁會煮蔬菜•羅勒油蘆筍 $158海鱸魚煎到魚肉嫩滑，蝦頭汁好鮮甜濃味，完美地提升咗菜式嘅海洋風味。配埋以紅蘿蔔為主既會煮蔬菜，色彩繽紛，食落口感豐富。羅勒油蘆筍都係一大亮點，清新嘅香氣同脆口嘅口感，為成道菜加分不少。🍟🧀🍄 芝士牛肝菌風味黑松露脆薯條 $68呢道薯條連皮炸起，外脆內軟，食落口感一流。芝士味濃郁，仲有黑松露嘅香氣，成個層次提升咗好多。牛肝菌味道唔算太搶，同薯條本身嘅鹹香融合得幾好。唯一覺得可以改進嘅係松露味可以再重啲，令嗅覺同味覺都更加震撼。 🍑🥜🍵 Pistachio Nut Cream Peach Oolong $42呢杯飲品真係充滿驚喜！開頭先係一陣濃郁嘅開心果香氣，上面鋪滿住開心果仁碎，跟住係烏龍茶嘅清香。桃子味道微甜，唔會太過搶戲，令整體口感更加平衡。奶油嘅質感柔滑，令每一啖都好滿足。不過，對於唔鍾意太甜嘅人嚟講，可能會覺得稍微甜咗啲。🍮🔥 Chef Special 焦糖燉蛋 $48呢個焦糖燉蛋表面火炙香脆，焦糖嘅苦甜味同底下嘅嫩滑蛋奶交融得恰到好處。每一口都係絲滑同香甜嘅享受。燉蛋嘅口感細膩，唔會過甜，係一個完美嘅結尾甜品。Monster Kitchen 🍝🍟🥩荔枝角青山道688-690號嘉名工廠大廈H座7樓人均$200 不收加一#hkfood #hkfoodie #bloggertony #荔枝角美食 #hkcafe #hkpasta #HKDining #hkblogger
繼續閱讀
今晚接朋友放工，友人介紹話依度附近有間隱世高質西餐廳，於是今晚一齊食西餐。首先叫左慢煮紐西蘭羊架，羊架下面有芫荽薄荷醬、露筍卷和薯蓉。薄荷醬味道清新，帶一點甜味，薯蓉真係好幼滑而且唔會油膩，重點係件羊架真係好滑嫩，配埋下面嘅醬汁配菜，真係好出色。然後叫左個是日特別推介，芫荽香辣蒜香蜆肉意粉。意粉面層的芫味清香，辣粉放係整個碟邊，微微香辣唔會太嗆喉，可以自行選擇辣度多少，意粉底部有少量醬汁，唔會太濕浸淋意粉，而且味道鮮甜，食完唔會太咸。最後叫左個黑糖香蕉批配雲呢拿雪糕，製作大約需時15分鐘，職員好細心，睇到我地差不多食完主菜就過黎同我地講準備製作。甜品賣相幾特別，唔係我想像平時嘅香蕉批款式模樣，香蕉批類似油酥餅，香蕉在批面烤焗，焦糖唔係係批入面，係碟面，配埋開心果粒以及脆糖粒，真係好特別，整個甜品層次配合得好好，果然係必試推介。店舖環境舒適，今晚友人揀了坐室外，微微涼風配埋幽靜環境，氣氛不錯，為整餐飯劃上完美嘅句號。
繼續閱讀
今次朋友發現了荔枝角工廈這間餐廳，店內不算大，而室外開揚，都很舒適，食物質素很好，非常有驚喜香煎海鱸魚。蝦頭汁燴煮蔬菜，羅勒油，露荀鱸魚好新鮮，上面煎得香脆，肉質鮮嫩仍保持肉汁，很鮮甜，下面的配菜用蝦頭汁燴煮，味道香濃，好好味慢煮法式油封鴨腿野菌燉飯這個野菌燉飯味道好好，新鮮的野菌及忌廉汁很香滑，加上香噴噴的鴨腿，肉質鬆軟，美味可口烤蜜桃。風乾火腿。芝士沙律沙律菜好新鮮，加上微烤的清甜鮮蜜桃，意大利風乾火腿及水牛芝士混合沙律醬，甜中帶咸，很有層次最後加個 tiramisu 甜品，咖啡味香濃，滑滑的芝士，好好味
繼續閱讀
老友b-day嚟呢到荔枝角食晚飯，見到工廠區呢邊，見#monsterkitchen 環境幾好，又可揀坐戶外chill下，打卡飲嘢傾偈亦相當有氣氛。✅金不換芒果香辣脆炸雞翼 -$68.00酥脆雞翼炸得香脆不油，肉質嫩滑，咬落去仲有肉汁，仲散發出濃郁芒果香。非常惹味！✅牛油果蟹肉明太子意粉 -$108.00意粉爽口彈牙🤩，調味一流，牛油果同明太子係絕配到咁，蟹肉足料，口感creamy，好特別喔！✅香煎海鱸魚蝦頭汁會煮蔬菜。羅勒油蘆筍 -$158.00一大塊香煎海鱸魚柳，外皮煎得香脆，肉質好軟嫩滑而不油膩，賣相非常吸晴，味道鮮甜。✅跟餐香炸脆薯條（Side Dish）-$38.00炸至金黃酥脆，乾身內裡綿綿，份量足夠二人分享!!總體而言，整體相當不錯的。坐室外舒服。同場仲可同寵物一齊用餐，樂也融融。
繼續閱讀
今日約咗兩位舊同事喺荔枝角敘舊，我哋搵咗依一間餐廳，就試吓食新嘢。我地12點去到係第一張枱，餐牌有六個set lunch可供選擇，難得我嚟到荔枝角，就算貴少少都想試吓封門柳，因為唔會喺屋企自己整。封門柳配上甜薯條，真係好好味，肉質鬆軟，而且一啲都唔硬，薯條好香甜，好脆，所以雖然有少少貴，但係我覺得呢個餐值得呢個價錢。我哋加$8配一杯果茶，都幾清新，不過甜咗少少。餐廳環境寬敞，確實係一個方便吹水嘅好地方。
繼續閱讀