影片
港鐵堅尼地城站B 出口, 步行約1分鐘
繼續閱讀
電話號碼
60458229
開飯介紹
以白色做主調的法式小餐館，加上植物擺設、大玻璃窗等設計，環境優雅，每個角落均可完美打卡，是閨密聚會的好地方。白天主打精品咖啡及輕食，夜晚主打法式套餐及品酒師推介紅白酒。
繼續閱讀
營業時間
今日營業
12:00 - 16:00
18:00 - 22:00
星期一至五
12:00 - 16:00
18:00 - 22:00
星期六至日
10:30 - 16:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
估唔到今次推介呢間靚靚Cafe比我嘅人竟然係我老公😂不過如果連男仔都大讚嘅，相信除咗樣靚😏食物質素都有返一定水準😏週末我哋一早出發，可能因為打風所以人唔多😆不過見大家都話平時好熱鬧，所以都係預約定好啲😙Cafe佈置充滿法式風情🇫🇷望住窗外雨景，雨水聲伴隨住輕音樂，成個vibe都好chill😙如同置身於異國旅遊中😌🥐French Croffle ($128)牛角包窩夫揀咗黑松露炒蛋配雜菌🍄🟫黑松露比得慷慨😆炒蛋嫩滑，配搭大量雜菌，味道豐富濃厚😋牛角包窩夫酥脆，充滿牛油香🥐配搭好食，不過定價就有啲高🫢🫢🍳Full French breakfast ($128)ADB包含咗炒蛋、香腸、薯餅、南瓜片、大啡菇、串茄、yoghurt同窩夫🧇好豐富😆窩夫雖然唔及牛角包窩夫咁香，但外表非常酥脆，加上忌廉同蜜糖🍯外脆內軟好好食😋🍫Classy blened ($55)老公大讚嘅就係呢度嘅朱古力🍫種類繁多，最後揀咗自家特調拼配朱古力😛嚟到已經聞到濃濃嘅可可味，飲落係濃厚而唔甜嘅朱古力，而且香氣徘徊喺口腔持久不散🤤果然好高質👍🏻🍵大極 ($60)抹茶更係講究，款式多到唔識揀🫣幸好menu描述得夠詳細，令我哋呢啲無研究開嘅人都可以揀到啱自己嘅品牌🥰最後我哋揀咗款相對入門級🍵茶味濃郁但並唔苦澀，而且入口好順滑😌
繼續閱讀
【Classy Le Carré】位於西環堅尼地城海旁一帶，環境清幽舒服🌊白色小屋外形令人感到平靜安寧，喺到度過一個下午就最適合不過🌞【冰雪雜果乳酪】有不同莓果同穀物片，莓果帶酸配上甜絲絲嘅乳酪，係十分清新開胃嘅選擇🌿【小米鮮蝦羽衣甘藍沙拉】鮮蝦大大隻，肉質彈牙鮮甜，追求健康嘅朋友唔可以錯過依份沙律💪🏻【法式鄉村鐵鑊早餐】精緻地用鐵鑊呈上，甚本材料如炒滑蛋、大啡菇、炸薯餅都不錯，額外仲有1/4件窩夫，好豐盛🌟【牛角包窩夫配牛油果 明太子 蝦肉】牛角包窩夫上鋪滿配料，明太子同蝦肉增強咗窩夫嘅味道，估唔到鹹食牛角包窩夫都一樣好味👍🏻
繼續閱讀
自己俾錢架好好食的午餐，西餐真的十分豐富有十分多種類 份量十足仲有綠茶，十分純香的感覺同苦中樂，唔會油膩，好正！好甜，值得去飲，香氣環境十足，好靚，燈光好光，值得比人欣賞，去參觀，十分舒服啊！我鐘意意粉，又好吃，大份，又唔會太膩。價錢方面都叫做合理，唔會太貴，CP值都叫高，尚算合理！我同家人比錢食，過了一個開心的晚上。我地享受呢一間餐廳既氣氛，感到十分開心。我如果有機會一定會來吃，所以真的好開心啊！哈哈哈哈哈哈
繼續閱讀
今日係我同女朋友嘅一周年，就打算帶佢去西環嘅ClassyLe Carre食法國菜。呢度環境好好，以白色做主題，好浪漫，仲擺咗啲花，好啱嚟拍拖。女朋友叫咗個魔鬼醬黃雞，外皮香脆，肉質鮮甜滑嫩，唔會柴柴地，而且完全冇骨，食落好方便。配埋魔鬼醬獨特嘅風味一齊食，簡直係絕配！而且份量都好大，女朋友食到好滿足！我就叫咗和牛牛面頰，牛肉鮮嫩多汁，油花好細膩，口感好豐富！最特別係仲放咗芝士粟米糕，同牛肉一齊食，別有一番風味！同時，每一啖仲充滿住酒香味，整體味道好正！我哋仲叫咗一杯朱古力，好好飲！我哋揀咗100%厄瓜多爾純黑朱古力，濃郁嘅朱古力喺口腔散開，飲落好香！而且仲帶住朱古力獨特嘅味道，我同女朋友都好鍾意！我哋兩個人都好開心，下次仲要再嚟試更多美食！
繼續閱讀
堅尼地城呢間Cafe，身邊唔少朋友去完都話食物質素唔錯。我都趁放假去港島慢遊時黎呢度醫肚。🟣小米鮮蝦羽衣甘藍沙拉🟣先黎個沙律開胃，呢個羽衣甘藍配鮮蝦，健康爽脆又清新，加埋鮮甜彈牙大蝦，味道好夾。🟣櫻花蝦蒜香牛油蜆肉扁意粉🟣蜆肉算係幾大粒，蒜香牛油完全融入咗係蜆肉同意粉度，特別鮮甜😋份量多到每啖意粉都食到蜆肉，意粉好煙靭，唔會好淋。加埋鹹香嘅櫻花蝦，特別惹味。🟣黑松露迷你披薩🟣Pizza 賣相吸引，餅底是傳統手拉薄餅底，餅底烘得頗香脆，上面係滿滿黑松露，材料豐富，香味濃郁🥰呢度環境舒適，菜式選擇又多，下次去開港島又試吓先。
繼續閱讀