影片
以上資料只供參考, 請與餐廳確認詳情
由於工作比較忙碌，遲了寫食評難得在平日放假，加上秋天不冷不熱，到西貢走走，relax一下！西貢有多間cafe，單單這一條小街已開了多間咖啡店任君選擇。Commute. 裝修十分簡約，門面以灰色為主，冷色調。入內隨便找一個座位，點選了一個卡邦尼意粉+一杯熱Latte。意粉的芝士味濃郁，芝士份量絕不孤寒；煙肉帶有一點點油香，跟別店的有不同，坦言是感到驚喜Latte的拉花很美，用心的食肆！值得支持
繼續閱讀
來到西貢，隨便走走，被 𓊈Commute𓊉 簡樸裝潢吸引，叫了兩杯飲品，在這裡hea了數小時，環境悠閑、舒服。.❥ 薄荷朱古力朱古力味濃，帶住淡淡的薄荷味，薄荷清新而大涼感，好適合這種炎熱的天氣..❥ 手打檸檬茶近年都興起手打檸檬茶，這杯味道正常，帶點甘香，就算坐咗長時間，冰溶化後，味道亦不會過淡。..閒日的西貢，人流不高，坐在餐廳室外，亦不會覺得侷促，望住稀疏嘅人群，有遛狗的，有老人的，離開市區，出走一下。
繼續閱讀
我選擇用餐既條件係要環境舒適闊落，整潔，唔好太嘈，食物味道同份量跟價錢合理就可以了。 這間餐廳基本上符合我嘅要求，當中卡邦尼意粉嘅味道令我喜出望外， 芝士味濃蛋味加豬油香，煙肉煙韌，意粉份量足。 All day breakfast 也不錯， 煙肉香脆，蛋滑好味， 建議蔬菜份量多一些，腸仔味道味道可以，口感上（即咬口）可改善一下， 牛角包壓成waffle 形狀我喜歡，可以讓顧客選擇壓唔壓成waffle 形狀。 飲品點咗芒果沙冰， 凍cappuccino ， 天氣熱既時候，坐低飲杯芒果沙冰真係好舒服，沙冰面仲唧咗啲 cream, 唔錯。
繼續閱讀
All day breakfast 份量非常驚人😂 非常足料。 佢哋嘅炒蛋好滑嫩，同埋腸仔略嫌咸左少少。茄汁豆有啲微酸嘅味道，豆仔做得恰到好處，唔太軟又唔太硬。整體嚟講，All Day Breadfast唔止有好多款美味早餐選擇，服務態度都好好，價錢亦都合理。真係推薦俾鍾意食all day嘅朋友嚟試下。蜆肉意粉蜆肉意粉好鮮味，蜆肉新鮮彈牙，份量夠飽。
繼續閱讀
去到咁啱有一張近門口既枱就坐底左, 食物選擇係一般咖啡店會見到既款式, 不過飲品就相對特別😌 可惜廚房比較細, 咁啱前面又有張大單, 所以等食物既時間會有啲長, 最後仲出現左漏單既情況, 我地同行既朋友落單先過我地, 但係我地啲野黎曬佢都仲差個意粉😂 洋蔥圈🧅炸到脆卜卜既洋蔥圈好香口再配埋個沙律醬完美🥰韓式泡菜煙肉忌廉意粉🥓($138)泡菜既辣同忌廉完美混合, 仲有大量既泡菜同煙肉配埋落意粉度好好食😋蜆肉意粉🍝熱辣辣炒上黎好香, 蜆肉幾鮮甜, 意粉夠爽身同香濃蒜味😎限定貝果 🥯($48)選擇左開心果味既貝果相當有驚喜, 有諗過開去果味會咁出, 仲有煙韌既麻糬係中間, 貝果既質感煙韌有咬口😉開心果拿鐵 ☕️（$50)咖啡味香偏nutty, 但係開心果味未算太突出, 不過有開心果碎係咖啡入面又幾特別😉Tiramisu 🍰外型好吸引, 面頭既Cream好幼滑, 中間比較似一件好滑既蛋糕, 仲有餅底, 同平時食到既唔同🤔呢度既漏單情況有待改善, 但係食物質素唔錯, 所以都可以補替返少少😅
繼續閱讀
您可能會有興趣的...