影片
港鐵牛頭角站 A 出口, 步行約6分鐘
繼續閱讀
電話號碼
34863098
附加資料
由官塘佐敦小巴站遷往宜安街，廿年老舖
營業時間
今日營業
10:00 - 04:30
星期一至日
10:00 - 04:30
以上資料只供參考, 請與餐廳確認詳情
娟姐喺觀塘都好多年，佢嘅蛇羹味道啱啱好，雖然唔算好多蛇肉，但係口感同埋味道都好好嘅。另外仲有佢嘅臘味飯，食完真係好暖身，亦都係我喜愛嘅味道，我自己覺得呢度最有人情味嘅係蛇湯可以添飲。
繼續閱讀
蛇王娟呢間官塘老舖，一直都係揾食肥華，在冬天食蛇羮飲蛇湯嘅主場，雖然在社交平台飲食谷内，好多谷友都話此店，係用雞肉充蛇肉作羹，但肥華對呢啲謠言都係唔信，並非謠言止於智者，而係肥光顧此店多年，都滿意娟姐呢碗蛇羹嘅用料，雞肉和蛇肉的分配份量恰到好處，而且味道亦佳，所以肥華一直幫娟姐護航，力撑佢嘅蛇羹係貨真價實。可是在2月13日年初四，揾食肥華和靚媽，食過此店今日嘅蛇羹，真係大失所望，成碗蛇羹肥華衹見到，食到，大量木耳及雞肉絲，而藥材嘅味道則比之前，肥華食嘅蛇羹濃烈，反之嗰碗蛇湯，口感就似一碗淡味嘅藥材煲水，總之今日此店此兩款招牌食品，係肥華食過，最差嘅一次，所以娟姐你若再被人，封為雞肉娟，肥華都唔會為你護航！😔😔😔
繼續閱讀
雖然香港嘅冬天都遲遲都仲未到，但係都可以照樣補下身食吓蛇羹🤭今次黎到呢間老字號位於觀塘，老闆娘亦都好好人，好有人情味嘅店🫶🏻佢哋必叫嘅三寶set，有蛇羹，蛇湯，同埋臘味糯米飯，佢仲要有分A餐係大份， B餐係細份，咁視乎大家想幾補而決定叫咩餐啦🤣蛇羹係超級足料，滿滿嘅肉同料，加埋佢嗰脆片一齊食，一流🤤臘味糯米飯，入邊有臘腸，臘肉同花生，每一啖飯都炒得好香，同滲入咗臘味嘅味道👍🏻👅蛇湯亦都好大碗，味道好濃，飲完個人即刻好暖笠笠🥰如果再凍啲飲一定更正！
繼續閱讀
天寒地凍，行過有好多食肆嘅宜安街，見到有兩條長長嘅人龍喺一間舖頭門口度，就去八吓邊間有咁大嘅吸引力。原來係喺呢區好出名嘅蛇王娟。見咁多人排，我估都唔會差，一於都排番份，睇吓係咪咁正先。因為而家喺香港食碗靚嘅蛇羹都唔係咁易揾到。入到去叫咗個B餐，有碗細蛇羹、一碗糯米飯同五蛇湯。碗蛇羮非常足料，加埋檸檬葉同薄脆，成碗味道即刻提升晒。糯米飯好煙靭，有臘腸同臘肉。飲埋碗蛇湯，食到成身暖笠笠。唔怪之得有咁多人排隊喇，值得嘅。
繼續閱讀
想喺市區食蛇𡙡選擇唔多，而且買少見少，好彩觀塘呢間蛇王娟仍然屹立不倒👍🏻，我哋都幫襯咗好多年，娟姐仍然keep 得好好，密密做無停手，非常敬業樂業🫡🫡 大家要支持讓佢傳承落去！呢度必食大蛇A餐，包一碗大蛇羹、糯米飯、蛇湯，我哋兩個人share 都夠食。蛇湯可添飲，老闆好大方，見你飲曬會主動問你加唔加湯蛇羮足料，啖啖肉，天氣凍時食非常暖胃！此外，仲有客飯套餐揀，三十零蚊，非常抵呀！鹵水雞翼都係必食推介，去過你就知點解😄
繼續閱讀