影片
電話號碼
39163666
營業時間
今日營業
06:00 - 01:30
星期一至日
06:00 - 01:30
以上資料只供參考, 請與餐廳確認詳情
🙏 香港航空要撐住呀…每次去旅行都想十全十美💕 想由上機前就舒舒服服⁉️ 首選梗係入lounge嘆返下啦，入lounge唔一定坐business先得嘅，坐economy一樣得✌·有嘢益你🌟 只要持有某信用卡，一年內就可以入lounge 5次啦🤗 的確非常實用🧡 哩款信用卡既申請門檻唔高，幾年前既我搵得雞碎咁多都申請到😂 提提你，哩張無得同朋友share入去既次數㗎。所以如果想同朋友開心share，可以揀其他銀行既聯乘信用卡呀~·香港航空貴賓室「遨堂」，採用樓閣式的既設計，跟傳統既貴賓室截然不同，感覺更加開揚闊落🔎最令我期待嘅當然係飲食區😂🤤 食物及飲品款式選擇不少，沙律、三文治、點心、粉麵樣樣齊，講到最吸引嘅一定係唔少得既即叫即製粉麵，當中最喜歡嘅係香菇銀針粉🥣 絕對充滿港式風味🇭🇰·入到lounge最唔少得既一定係對住個跑道望住架飛機慢慢嘆下✈ 絕對嚐心樂事💕 另外更設有有睡眠區及淋浴間，每一個獨立空間均備有睡床及被枕供應，搭早機凌晨機可以稍作休息叉叉電。而我就試過搭夜機沖完涼先上機，落機到酒店就可以即刻瞓啦👍·𝒯𝒽𝒾𝓈 𝒿𝑜𝓊𝓇𝓃𝑒𝓎 𝒽𝒶𝓈 𝒶 𝑔𝑜𝑜𝒹 𝓈𝓉𝒶𝓇𝓉 🧡💜
繼續閱讀
趁聖誕節我哋又飛啦！今次係坐香港航空飛北海道，時間超靚。之前睇報導推介香港航空的新貴賓室，於是特登上網申請咗建設銀行的fly away信用卡，可以帶埋親友，一年最多入5次香港航空的貴賓室，試下新野！香港航空的全新貴賓室，遨堂， 就係gate208上面,係去香港航空閘口必經的地方，非常順路。 今次搭勁早8點機，時間唔多，但我地都特登入去試一試。朝早未到7點半已經見到唔少人係度用緊遨堂貴賓室。地方好大好濶落呀！朝早提供中西式早餐，亦有香港點心，同埋即叫即整茶餐廳常見的沙爹牛肉麵，仲有港式奶茶，非常地道！沙爹牛肉勁多，杯奶茶仲好香滑！呢度的新鮮yogurt都不錯，唔太甜，啱哂我口味。因為撞正聖誕節，服務員都主動派聖誕餅乾畀我小朋友，非常好服務冷熱飲品齊備，嘆完杯港式奶茶，臨走不忘拎返幾罐野飲上機飲可惜朝早冇雞蛋仔啦！我同小朋友都好想打包返一底拎上機慢慢嘆！ps 因為太飽緣故，去程冇食到飛機餐，返嚟嗰程呢，晚餐呢又唔錯啵！ 漢堡扒，蛋沙律同蕎麥麵都好好食！仲有日本啫喱！飛咁多次唔同航空公司，呢次的香港航空係我覺得幾好食嘅飛機餐希望香港航空繼續努力進步！
繼續閱讀
遨堂於上年開業，今次搭飛機前有幸可以入來一窺究竟，小憩一番。這裡的環境相當寧靜，播著鳥鳴的聲帶，令人有一種好relax 的感覺。座位有多種款式，例如有便於工作的高腳椅，有勁chill 的梳化位。望住航班升降，真的未出發先興奮。食物方面，種類選擇不可與自助餐比擬。但總會找到想食的東西。絕對可以滿足只想輕食，或肚子空空想大快朵頤的旅人。芝士通心粉芝士及茄味十足，但焗得好乾身，不推。芝士白汁西蘭花醬汁creamy.有好多炸物可供選擇，細路和大細路見到都會好開心。炸芝士外層金黃香脆，中間相當煙韌。咖哩角有點印度風味，內餡有薯蓉青豆粒等，咖哩味道香濃辛辣。麥樂雞的味道比麥記的味道有所不同，炸粉比較薄，雞肉較juicy.酸甜龍脷柳的外層是用麵包糠來炸，薄薄的一層包裹著龍脷柳。龍脷柳一點腥味都沒有，算是相當不俗。中式點心有蝦餃及燒賣。燒賣彈牙有肉香，不會有太多肥豬肉。蝦餃的餃皮稍厚，但蝦肉新鮮爽脆。飢腸轆轆的更可以order 粉麵。款式也不少。另有多款沙律，凍三文治等可供選擇。但為免上機前"冷親肚仔",所以還是主攻熱食了。雞蛋仔絕對是遨堂的"名物" 。雞蛋仔即叫即制，約莫要等二十分鐘才有得食，趕飛機者勿點！雞蛋仔的外層香脆可口，內裡軟熟。蛋香味十足！紅豆椰汁糕算是好食的甜點，椰汁味道特濃，有布甸的口感，底下更有香甜的紅豆。Mousse 撻有雲呢拿及朱古力味，撻皮比較硬。葡撻的皮做的有點厚，咬落去不夠鬆化。但蛋漿嫩滑，有香濃的蛋奶香。飲品方面選擇甚多。值得一提的是有支裝水供應，帶上飛機飲用可是很方便呢！來到這樣chill 的環境，總要喝一杯特調酒吧！跟調酒師說明要求，就可以為你調製一杯心水靚酒。特意要求"少酒", 所以這杯酒酒味不濃，取而代之是陣陣玫瑰花香及果香，甜甜的，很好喝！
繼續閱讀
今次出Trip去泰國，兩點先起飛😬好彩閘口附近有個港航lounge👍呢個lounge比起一號客運大樓既紫荊堂地方還要大，而且更舒適，食物種類又夠多，雞蛋仔當然唔少得😎不過深夜都係食個辛辣麵夠啦😬舒舒服服等上飛機✈️
繼續閱讀
1539 瀏覽
肥肥家族對「香港航空」情有獨鍾，舊年年尾去京阪神一週遊，亦專登選乘其早機去，晚機返。同行o既全為七旬長輩，為咗大家都可以舒舒服服，哥哥就訂購好較闊落o既商務機位，諗住候機時可以佗佻地享用貴賓室o既餐飲及設施，即使遇上延誤都唔洗太過狼狽或掃興。記得上次仲去緊藏於地下室間「紫荊堂」貴賓室，真係估唔到航空公司可於三年內增設第二間貴賓室，仲升埋上樓，淨睇門面已覺樓底更高，面積更寬廣。唯一有少少失望就係見唔到「紫荊堂」嗰個懷舊磅重機。如果唔係有哥哥介紹，XO仔根本唔會留意到兩間貴賓室o既中英文名都完全唔一樣，新貴賓室「遨堂」其實係已拉丁文「Autus」起名，意味著「香港航空」正「豐盛成長」，故室內設計亦以此為題，四周可見不少鮮花綠葉作擺設，有意思極！光鮮光猛o既貴賓室極富空間感，到處都有舒適o既梳化椅櫈及用餐散座，人多都唔覺嘈吵或逼人。電腦區有多個差電插頭、幾部電腦及傳真打印機。小朋友仲可以揀坐彩色高櫈添，設備確真齊備。室內o既餐飲均為自助式，望落乾淨企理，衛生非常。餐具全擺放於中間o既小涼亭內。飲品包冇酒精類o既咖啡、茶、汽水、果汁及凍熱水。十八歲以上o既旅客更可向酒保點選限定酒品，生啤都有三款揀架。早上十一點後連雞尾酒都出埋。由於當日遇上航班延誤，細佬同靚靚媽咪先可以飲多幾杯「遨堂」o既招牌雞尾酒「Autus Delight Plus」。「Autus Delight Plus」滲透著荔枝o既清甜及玫瑰o既花香，很是清新。自助區內之食物中不乏大路o既沙律、三文治、點心、炒麵、意粉、咖哩、甜品等。XO仔當然係主攻蝦餃同燒賣啦！喺機場食已預咗係叮叮點心，不過燒賣明顯比厚皮蝦餃美味，最正反而係潤滑而不太油膩o既腸粉同煙韌爽脆o既炒麵。此外，廚房於不同時段都會提供幾款即叫即製o既菜式。朝早六點到十一點有三款湯麵及煎蛋或炒蛋。個人推介熱辣辣o既炒蛋，因炒蛋本身炒得好夠鮮黃香滑，加配埋菠菜、火腿、蘑菇則更為惹味豐富。碗榨菜肉絲米粉個湯底好清，米粉麵條唔會腍哂，加上榨菜肉絲夠味得黎又唔油膩，屬暖胃o既輕食。廚房由早上十一點就換上另外五款湯麵，當中有辣有唔辣。最搶手就係貴賓室聞名中午十二點起先出o既雞蛋仔！由於當真即叫即製，大家記緊要預十五至二十分鐘製作時間。辣手o既雞蛋仔香脆無比，微甜輕巧，家人邊行去閘口，邊分黎食，一客話咁快就食哂，嘻嘻，下次一定要打孖黎叫！以前離港，家人都唔會太早去機場，但最近身邊有親友因自己遲到而遇上不愉快事件，家中o既長輩就變得更加謹慎，會預鬆多啲時間，橫掂買咗商務機票可以喺貴賓室享用免費餐飲及其他設施，等耐啲都冇妨。「香港航空」新增o既「遨堂」貴賓室比起第一個貴賓室「紫荊堂」於各方面都明顯有所提升，真如其名般象徵著航空公司有所成長。「遨堂」環境開揚通爽，設施齊備，自助餐飲款式多，質量亦偏高，室內o既服務生雖則年輕，但每位同樣友善客套，而且樂於助人，臨行前除咗順祝旅客有個愉快o既旅程，亦不忘閒談兩句，問及各人對航空公司及貴賓室有否意見，這就是誠意！「香港航空」，肥肥家族支持你！
繼續閱讀