影片
港鐵天后站 B 出口, 步行約9分鐘
繼續閱讀
付款方式
其他資料
自帶酒水
加一服務費
以上資料只供參考, 請與餐廳確認詳情
3人用餐，叫了5餸1糯米飯，一致超劣評！首先，車輪轉的推銷XX蟹（忘了是什麼蟹了）：坐下不到2分鐘，茶也未開，餐牌才睇到第二頁，已有兩個女侍應車輪轉推銷XX蟹，已一次又一次說：「我們睇睇先！」，但也推銷了三次，聽出我們回應得很不耐煩才沒有再來推銷蟹！之後再看看蟹的價格，是300~400多，難怪這麼落力推銷！當然我們最後沒有叫蟹，畢竟是第一次光顧，怎會在不知情況下點這強推的貴蟹呢！第二，食物和髒碟只是一線之差：我們點的飯餸，頭兩碟很快就送到。之後廚房拿出來的食飯並沒有用蓋保護著，只是拿出來一張等侍應拿的枱上，一碟兩碟三碟四碟，正正是我們點的四碟餸及糯米飯，由拿出的第一碟到侍應拿給我們，在那張枱最少吹涼十分鐘！那車輪轉的侍應消失了！之後侍應拿了一堆髒碟，一碟一碟掉到回收盆中，而那個回收盆正正是在那四碟餸的隔離，我十分擔心會飛濺一些東西到我的餸中，但可以如何？侍應放了髒碟，就把那已放了十分鐘食飯放到我們的桌上。之後又消失了！第三，調味味精十分重手：如不介意味精，只談味道，確是好食的，特別是糯米飯十分美味！但飯後必然會十分口喝，請準備大量的茶水！我的朋友對味精比較敏感，飯後更出現面腫及頭痛，其味精的分量，應是以往曾光顧的餐廳之冠！這間餐廳，我不會給它第二次機會，太可怕了！差勁的推銷、對食客的食物不整潔，及超量的味精﹗
繼續閱讀
見呢間餐廳平日都坐滿人，睇睇有咩咁正先。午餐介乎 $48 - $5x，配湯/飲品要咗例湯。 夠老火，唔水，唔算味精。 當日係蓮藕綠豆煲章魚豬骨湯。有炒粉麵同常見碟頭飯選擇。豉椒牛肉炒河好夠鑊氣！夠晒大碟，唔怪得有咁多男士叫！ 河粉夠滑，夠彈牙。 醬汁夠，唔會太咸。涼瓜排骨飯夠晒份量，細食人士可以兩個人 share 都夠食。涼瓜唔會炒的太熟，仲爽口。 排骨係半肥瘦，唔錯。魚香茄子炆米味道辣辣啲，好惹味，每一條米粉都吸收晒啲汁，夠入味。好味，但有少少油，怕肥就唔好叫啦。總結： 抵食夾大件！ 值得一試！
繼續閱讀
環境：地點嚟講唔算方便，由天后站行過嚟都要一段時間... 檯與檯之間好迫，大聲少少傾計一定會俾其他人聽到！牆上有啲舊香港嘅相，不過同啲裝修有啲格格不入生炒臘味糯米飯：米粒油潤粒粒分明，唔會太乾，黏黏甜甜。香噴噴嘅蔥粒非常多，配合半肥瘦嘅臘腸、臘肉粒粒厚身有口感。乾蔥豆豉雞($168)：一上檯已經香到不得了，再撈一撈佢，沙沙聲真係幾熱都要即刻夾嚟食！雞肉好嫩滑而且份量多，干葱豆豉爆得非常香口，豆豉味勁香但唔會覺得鹹。可惜已經叫咗糯米飯，否則一定會叫個白飯撈汁食！金銀蛋豆苗($98)：平時出街食豆苗份量少得可憐，但呢度非常慷慨，好似食極都仲有咁嘅？外面好多地方無啦啦加啲肥豬肉落去，好在呢度冇，相反就落好多金銀蛋及蒜子！豆苗幼嫩冇渣，好味！服務：OK
繼續閱讀
近兩三個月經過銅鑼灣道中華遊樂會斜對面的佳肴軒，心𥚃常想會不會與很多年前在北角的隹肴店有關係呢？！想起此店的士多卑利排骨甜酸適中陣陣新鮮🍓士多卑利味，排骨還保持外脆內裡肉質 juicy，不會乾爭爭！今天難得準時收工，一於去試。6點三入去，我們是第一枱客，有位伯伯見我同相公微笑打招呼。開茶後，他過來同我們介紹今天推介。傾起才知此店正是以前北角佳肴店的新舖，而他正是老闆。點了他推介今天新鮮（只有2份）的炆東星斑尾及必定要重温的士多卑利排骨。兩個餸簡正無得輸！👍🏻👍🏻👍🏻下次要約多d朋友一齊再來，可以嘗試多d餸。😋😋😋
繼續閱讀
美國螺頭炖老雞湯－炖湯味濃而香，睇得出足料之作。古法生炆龍躉尾－推介！龍躉尾炸完再炆D肉仲好滑，配汁食唔太咸一流。魚厚身所以就算得條尾12個人食都夠分，唔好漏咗同魚一齊炆嘅炸豆腐，吸晒魚汁嘅精華好好味！花膠花菇扒鵝掌－味道唔錯但鵝掌略嫌較瘦，算比一般飲宴食到好食唔太特別。炸子雞－都係飲宴必到菜式，相比下呢道菜較高分，雞滑皮脆唔算太油。生炒糯米飯－呢款係我所期待嘅菜，因為自己較懶唔願整但又好難食到好味嘅糯米飯。糯米飯足料又唔太乾，一粒粒飯粒分明唔會粘埋一舊，睇得出師傅有工架。枝竹羊腩煲－羊腩腍唔膻，鍾意食羊嘅可能會覺得唔夠膻。羊腩煲汁濃枝竹多，算唔錯！黃金炸脆皮蝦球－我呢個黃金迷（超鍾意咸蛋黃的菜式）呢個菜就啱晒！蝦球大大舊用炸漿包裹，炸漿一D都唔厚仲好脆，咬落發現隻蝦真係好大隻，啖啖肉好滋味。食黃金蝦一定要畢埋周邊的炸咸蛋黃碎就最正喇！士多啤利肉排－呢道菜因為太搶手所以影唔切相，我本身唔鍾意酸味，點知佢一D都唔酸，甜甜地仲好好味添。全晚最失色嘅莫過於甜品花生糊，經過咁多道非常滿足嘅菜式後對呢碗花生糊真係滿有期望，但一望之下稀過甜品鋪十幾蚊碗開粉嘅糖水，入面有幾舊冇味嘅蛋白，糖水食落一D花生味都冇。豐盛嘅一餐過後以呢個糖水劃句號真係非常失望！
繼續閱讀