佳餚軒 (已結業)

見呢間餐廳平日都坐滿人，睇睇有咩咁正先。午餐介乎 $48 - $5x，配湯/飲品要咗例湯。 夠老火，唔水，唔算味精。 當日係蓮藕綠豆煲章魚豬骨湯。有炒粉麵同常見碟頭飯選擇。豉椒牛肉炒河好夠鑊氣！夠晒大碟，唔怪得有咁多男士叫！ 河粉夠滑，夠彈牙。 醬汁夠，唔會太咸。涼瓜排骨飯夠晒份量，細食人士可以兩個人 share 都夠食。涼瓜唔會炒的太熟，仲爽口。 排骨係半肥瘦，唔錯。魚香茄子炆米味道辣辣啲，好惹味，每一條米粉都吸收晒啲汁，夠入味。好味，但有少少油，怕肥就唔好叫啦。總結： 抵食夾大件！ 值得一試！