影片
港鐵銅鑼灣站 D2 出口
繼續閱讀
電話號碼
36145181
開飯介紹
簡約日式風格為設計主軸，淺木色的裝潢配合巧妙的座位設計，既舒適又私密，特別適合與朋友悠閒地聚餐，享受靜謐的美食時光。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
今日嚟到好多人推介嘅樓上居酒屋酒津。完全係滿分體驗，天花板嘅質素，只係勁平民嘅價錢~上嚟感覺已經超有特色，滿滿鬼太郎設計，無論環境、裝修定擺盤都落足心思。一黎已經有個Gimmick嘅體驗🤣人生第一次生啪醉酒白飯魚仔，幾特別又幾過癮！滑嘟嘟嘅活魚仔隨住一杯清酒sip入口腔嘅感覺真係幾難忘～1️⃣伊佐木刺身$228新鮮活魚，味道鮮甜，配埋柚子豉油，簡直一絕2️⃣鵝肝蘋果脆片漢堡$68完全係必食推介Number one ！後悔冇嗌多球啊。照向鵝肝上邊吐咗濃郁嘅醬汁，肉質軟腍，鵝肝美濃。咬落遊戲，滲晒落多士上面，留意番係$68咋！冇諗到呢個價錢竟然食到呢個超水準質素3️⃣赤蝦刺身$28/隻又一驚喜推介，呢度嘅刺身真係好得。睇相已經見到隻蝦幾鮮嫩，蝦膠感重，質地實淨，大隻又新鮮😍4️⃣特盛碎蔥吞拿魚腩卷（六件） $128上碟超澎湃，好似食緊吞拿魚蓉爆丼咁。吞拿魚同樣鮮味，份量令人滿足。加上三文魚子迸發的Juicy口感口感，正到爆！5️⃣明太子長芋$38忍唔住同大家講，呢度嘅串燒都係好得。師傅燒得勁有心機，淮山保留到爽中帶腍嘅口感，完美地與燒明太子嘅香氣融為一體6️⃣燒牛舌$48信我，一定要嗌！我已經形容唔到點解一嚿完美嘅燒牛舌可以賣到咁平。牛舌燒得焦脆得嚟，又有咬口，真係超正！會喺心入面留下世一牛舌的位置俾佢🥹7️⃣免治雞肉雞$48自家製雞肉又比一般居酒屋更勝一籌。食到雞肉係新鮮，自帶雞汁，蘸埋濃郁嘅蘭王蛋黃醬汁，好味好味8️⃣燒大啡菇$38好經典嘅燒物，啡菇本身都幾甜幾多汁，再好有心思咁鋪埋啲柴魚片喺上面，味道就更豐富。9️⃣甲羅燒$98睇住蛋汁混和嘅蟹肉喺爐上慢慢煮熟真係好治癒，呢排天氣凍，配住塊多士食個甲羅燒絕對無得輸，呢款甲羅燒絕不欺場，有好多好多嘅蟹肉絲同蟹膏，加上蟹籽、香蔥同蛋汁就更加惹味。可以用咁平嘅價錢（最近仲做緊晚市9折！），食到咁高水準嘅鬧市居酒屋，真係非常驚喜！一定會再嚟～
繼續閱讀
今晚同朋友黎左呢一間居酒屋到食嘢飲酒Chill 下。好多鬼太郎裝飾，加上日本的音樂，好似身處於日本咁。雞皮餃子 有五大舊，外皮煎到好香脆，入面的肉仲係好Juicy，送酒一流。松露油鯛魚薄切新鮮爽口，一入口個魚油加松露油味超突出👍👍👍👍鵝肝蘋果脆片漢堡鵝肝超厚，俾烘過的漢堡包夾埋，再加蘋果片平衡，真係好夾，完全唔會覺得油膩。牛油果松葉蟹肉軟殼蟹卷有六大件，個牛油果熟的程度剛好，再加埋新鮮松葉蟹肉同炸到脆口的軟殼蟹，真係食多幾件都得呀🥰🥰大推安格斯牛小排嫰得黎又燒得好香宮崎黑豚腩肥瘦程度適中，入口個油脂爆香秋葵翠玉瓜最意外係個翠玉瓜係燒完都超濕潤，調味又做得好好。明太子飯團 三文魚飯團燒到帶點焦香，好食。仲試咗佢哋嘅浸酒，係自家製菠蘿味燒酌，好易入口，女仔飲一定中意。Highball就正常總括呢度食材用料新鮮，調味又做到剛剛好，職員又主動有笑容，會再同其他朋友黎食🥳🥳
繼續閱讀
朋友食完一次之後話好鍾意呢到啲串燒同小食，所以就強烈推薦我過嚟試吓，個環境又好坐，談心真係一流。我覺得第一次嚟一定要飲佢嘅自家製浸酒同埋我自己私心係推薦黑豚鵪鶉蛋，好耐都冇食過鵪鶉蛋係軟心嘅串燒！見到佢嘅午市餐牌都好抵食，下次晏晝經過應該都會上嚟試吓。‣ 雞皮餃子 $58❗️超級推薦❗️雞皮餃子咬落口嘅時候係有啲驚艷，啲肉質真係爆出嚟，而且本身餃子偏長身，尾部啲雞皮炸到脆卜卜超級好食，呢個價錢有五大嚿絕對係超抵食。‣ 黑松露炸雞 $88本來以為都係黑松露蛋黃醬，點知原來係成嚿炸雞皮都裹住黑松露，呢一個位有啲驚喜。而個炸雞本身都炸得唔錯，唔會覺得好乾身，就算冇醬就咁食都覺得好過癮。‣ 牛油果松葉蟹肉軟殼蟹卷 $138呢款fusion嘅卷物真係我嘅必嗌之選，牛油果同軟殼蟹呢個組合真係夾得天衣無縫。軟殼蟹炸得金黃香脆，肉質鮮嫩多汁，配埋牛油果嘅滑溜同松葉蟹肉嘅鮮甜，層次相當豐富。份量嚟講啱啱好，覺得都值呢個價。‣ 免治雞肉棒 $48❗️超級推薦❗️外皮燒得香脆，裏面嘅雞肉夠晒juicy，一咬落去真係爆晒汁，啖啖肉嘅口感真係令人欲罷不能。而且仲有啲軟骨咬吓，呢個免治雞肉棒夠晒出色，值得推薦俾大家食。‣ 黑豚鵪鶉蛋 $28❗️超級推薦❗️對上嗰次食到鵪鶉蛋係軟心狀態已經係喺日本嘅時候，冇諗過香港都食得出呢隻味，豚肉唔會話好厚身，食落去脆卜卜啱啱好，而再加上鵪鶉蛋亦都係燒得啱啱好，蛋黃係軟心，食落去嘅時候一啲都唔嚡口，值得一試。‣ 雞翼 $28啲醃料幾入味，雞翼炸得金黃香脆，肉質嫩滑。兩個人share啱啱好，加埋檸檬食落一啲都唔heavy。‣ 海膽醬烏冬 $168❗️超級推薦❗️食咗咁多熱辣辣嘅嘢，食返咗涼浸浸嘅食物都幾唔錯，海膽鮮甜唔腥，仲兩隻牡丹蝦同三文魚子作配料。而海膽醬本身應該仲有落少少醋，所以食落去嘅時候覺得酸酸地超級開胃，食完又可以再食多幾串串燒。‣ 深海池魚刺身 $168新鮮程度一流冇得彈，魚肉質地爽滑，配埋少少山葵同豉油，鮮味更加突出。不過我自己都係鍾意點酸汁，加上少少酸蘿蔔蓉同蔥，薄切嘅池魚真係冇得輸。‣ 自家製浸酒 $68本身第一啖覺得好清新，酸酸甜甜一時間又醒唔起係啲咩，諗住係咪梅酒啲朋友，問咗店員之後醒起原來係檸檬，其實仔細觀察都會見到啲果肉。酒精濃度啱啱好，同朋友談心一流，而我最鍾意都係佢熊啤啤造型嘅冰，真係好得意！
繼續閱讀
位於銅鑼灣的日式居酒屋。上早前有其他朋友曾吃過這間居酒屋後大推，便決定晚餐就定於此了。.餐廳地方不算闊落，但麻雀雖小，五臟俱全，不但設有吧枱，更有兩間VIP房，不論拍拖或一群朋友聚會也不成問題呢；餐廳主要為淺木色的裝潢，隨處可見的鬼太郎公仔裝飾、海報及壁畫，甚至連醬油碟也是鬼太郎的設計圖案，使人印象深刻，可見店主在裝潢上下了不少功夫，花了不少心機呢。⋆_____ᴛᴏᴛᴀʟ ᴏʀᴅᴇʀ______⋆✿ 吞拿魚腩刺身 $156✿ 自家製免治雞肉棒 $48厚切及色澤粉紅的吞拿魚腩刺身，口感油潤鮮甜，魚味濃郁，豐腴甘美；而免治雞肉棒串外脆內軟，一口咬下去便吃到口感爽脆的免治雞肉，而蘸沾蛋黃後更是柔潤可口。.✿ 海膽醬玉子燒 $88超中我口味的海膽醬玉子燒；玉子燒層次分明，口感嫩滑帶甜；夾心有濃郁甘香的海膽醬，而上面則舖了三文魚籽，配合濃郁的蛋香，整體柔軟又香甜，口感綿密細膩，好吃得停不了口呢。.✿ 海膽醬烏冬 $168除了肉眼可見海量的海膽醬，配料更有海膽、松葉蟹肉、三文魚子及赤蝦，光是配料已很豐盛呢!濃厚甘甜的海膽醬烏冬，拌以其他鮮甜的配料，這個組合怎可能不好食呢?我和朋友光速便清盤了，真的很推介這個海膽醬烏冬呢!.✿ 安格斯牛肉火鍋 (壽喜燒) $288剛巧當日氣溫突然驟降，見到有湯鍋又有安格斯牛肉便二話不說秒點了；安格斯牛肉有四大片，肉質細緻，味道濃郁，但油花不多，如像我般偏愛油香口感的，也許點選另一款A4和牛鍋會更適合呢!而壽喜燒湯底濃郁帶甜，用以燉煮牛肉及其他野菜配料都很合適啊!.✿ 自家製浸梅酒 $68雖然不擅喝酒，但情意結下本來就特別喜歡梅酒。而這款梅酒由餐廳自家浸泡，酒色乾淨清透，口感滋味爽口，梅子的香氣突出，入口清甜及帶有微微的焦糖香氣，甚得本人歡心呢~
繼續閱讀
上網睇呢間餐廳新開, 而且做緊晚市9折優惠, 於是入黎試下~牛油果松葉蟹肉軟殼蟹卷手拆蟹肉 & 薄切牛油果鋪上面, 中間用珍珠米包裹著脆炸的軟殼蟹一口放落口絕對滿滿的幸福感呢~銀鱈魚西京燒銀鱈魚質感鮮嫩, 魚皮亦燒得挺香脆, 醬汁滲入魚內, 非常入味~安格斯牛肉火鍋（壽喜燒）安格斯牛肉肉味濃郁, 入口即化, 配上壽喜燒汁湯底, 牛肉更為鮮甜~火鍋入亦放入不同的蔬菜 & 粉絲, 煮耐左絕對可以將壽喜燒的甜味慢慢滲入去稻庭烏冬店員建議如果想食彈牙D的話, 放落湯底大概30秒即可享用而且吸收晒湯底的精華, 真係好滿足!明太子長芋山藥燒得挺香脆, 再放上明太子, 微微的辣味更加惹味!自家製免治雞肉棒把雞蛋拌勻, 再配上雞肉棒一起吃, 雞肉質感更加滑捋捋雞翼雞皮燒成金黃香脆, 雞肉也很入味, 平時很少吃雞皮 (雖然好邪惡) 的我, 都不禁食晒佢呀>_<!雞軟骨雞軟骨口感既香脆又有嚼勁, 油脂分布平均, 烤到有少少出油, 但亦不會太油膩自家製浸酒（話梅）微甜的話梅味, 酒精濃度亦不會太烈, 喝下去很順滑很舒服~~
繼續閱讀