影片
港鐵銅鑼灣站 C 出口, 步行約1分鐘
繼續閱讀
營業時間
星期一至日
24小時營業
以上資料只供參考, 請與餐廳確認詳情
真係連珍珠奶茶都係M記有，咁諗住本身加5.5試吓新出珍珠奶茶，點知好鬼難飲，啲茶到底係咪浸咗成日都冇換舊茶渣？我係夜晚7點左右去買外賣，唔通係由朝到晚都冇換新茶粉嗎？啲奶茶真係好鬼似浸咗好耐果種苦澀同濃厚味🤮🤮🤮🤮🤮🤮好難飲我係第一次係M記飲奶茶，本身都飲開凍檸寧茶，諗住同一個茶底應該唔太伏，點知咁就中伏，我第一次係呢間分店買嘢，估計都係分店問題🤮🤮🤮我之前飲檸茶的茶都唔係咁樣味👎🏻👎🏻👎🏻👎🏻
繼續閱讀
我好中意食牛油果同薯仔，見到出左牛油果蓉莎莎醬薯條所以去試下。首先一打開個漢堡，見到好厚嘅菠蘿片同埋三文魚扒，片菠蘿好甜，三文魚扒炸得都幾脆身～個包整體黎講都幾好味，但就乾身左少少，如果可以多返d 醬就更好！而個薯條就用盒裝住，淋上左莎莎醬，味道甜甜酸酸，個人覺得加埋牛油蓉一齊食好味d~ 個牛油果蓉好有口感，但少左d , 未食哂d 薯條已經無哂。不過今次個薯條本身炸得麻麻，凍左又林左，感覺好油。如果唔係既話呢個牛油果蓉莎莎醬薯條係好味既！！
繼續閱讀
假期時間嘅麥當勞尤其是銅鑼灣呢一間真係人山人海，裏面差唔多外籍朋友佔咗九成，如果唔係我好想食朱古力，對腳又攰都唔想再行去第二間，我真係唔夠膽入嚟！因為啲姐姐hold 晒所有嘅位,我困左兩個圈先至夾硬坐到一個位。因為今期嗰張甜品卡係 叮噹 ，所以我就買咗，真係抵到你唔信。10幾蚊買一杯Double新地，hea 比得咁少，雪糕有啲溶，但我俾面佢送多兩個批蘋果批食落去啲餡了越來越少，將貨就價。朱古力係就好一般嘅味道，一啲都唔出眾，勝在唔係太甜，最鍾意去聖誕嘅包裝
繼續閱讀
見到廣告個三文魚牛堡好似好正咁，一於去試試佢但現實同幻想點都有啲反差，上面廣告嘅三文魚同牛都厚過厚，但真實係薄到張紙咁都算啦，我心唸味道好都可以過關，但係真係過唔到自己個關，真係要合埋眼好努力沉思先可以嘗到三文魚嘅味道🤦🏻♂️伏已中！
繼續閱讀
麥當勞一推出$10優惠，個日就一定會大排長龍，呢日有$10麥樂雞，又做死一班員工麥樂雞（$10） 🐓呢晚草根都唔執輸，一齊去排，食左個十蚊宵夜其實有9件真心抵🤣，仲可以揀2個醬料，真係平過自己買料煮飯
繼續閱讀