影片
營業時間
星期一至日
11:00 - 17:30
18:00 - 00:00
以上資料只供參考, 請與餐廳確認詳情
天氣涼涼地，又未到冰凍，最啱同朋友出街圍圍爐但係下晝邊度有邊爐打呢？食吉記或者酒樓都要等夜晚最後搵到呢間HIPOT lunch係有任食時段，仲要價錢好實惠，加埋一都一百蚊有找肥牛soso，主要都唔係食佢當佢送既，好似都有三定五片記得仲有豬肉揀任食料推介粟米芝士丸（碟中粟米旁）造型好得意，外皮粟米味重，好似食甜粟米條咁入面既芝士流心，不油膩另外係滷水鴨腎（我地估係）滷水味香，肉整熱之後有咬口得黎撕得開，唔算韌想要清d既，其實有幾款菜同菇可以選擇蔬菜感覺新鮮，外觀不錯，有D清甜味菇類我就覺得食落麻麻醬汁湯底膏我地直接用黎點食物調味就會濃好多（重口味XD同埋唔想搞到湯底好濁我地公認既係龍蝦汁湯底，鮮甜之餘未會過膩然後可數蕃茄膏，酸甜開胃味道質感係碎果肉（蕃茄歸水果唔係蔬菜-__>），清新好多芝麻醬雖油膩，但香中帶甜，少吃尚可，主要用黎點D清淡既食物我個人中意醋／喼汁＋豉油，除左鹹味，仲有少少酸可以解膩飲品我中意豆漿，不過係得凍既，仲有汽水果汁好多款講到糖水，我個人心水係杏仁茶奶滑清香，感覺上清新d冇咁劑唔中意杏仁味既（我好多fd都係），可以試下芝麻糊細滑濃郁，不過就偏甜既服務就冇咩特別架啦，但有個伯伯（職員）好人又好笑係咁叫我地食多d野，話俾得錢唔好嘥，仲要拎埋牙簽紙巾俾我地XDDD同朋友邊吹水邊食，呢餐食得開心痛快順帶一提，次次我地都聽到d人抱怨食物質量講真，你俾幾多錢，你應該要有REASONABLE既要求囉例如今次咁食五六十蚊一餐，你係出面買下丸買下菜都唔只啦仲要任飲，有糖水，同埋唔使屋企開爐用電用水……計計埋埋抵到爛，你仲想點姐？
繼續閱讀
係網上睇到人地話佢地d茶餐廳食品唔錯, 所以特意黎依度試下. 網上睇過下menu (我覺得稻香會將某d menu up上網非常之好!!!), 見到佢地有下午茶餐, 就選左下午茶時段黎.我點左 - 沙爹牛肉意+香蔥炒蛋配煙肉, 而友人就點左1個黑椒牛扒腸仔飯老老實實, 沙爹牛肉意真係有d失望, 完全做唔到茶記水準, 無個種味 - 唔得!香蔥炒蛋配煙肉就幾好~d蛋都幾滑, 我又鐘意食煙肉~加返分另外朋友既黑椒牛扒腸仔飯, 可能易整d, 真係做到外面既水準~幾好食~~~(計返個價, 唔使$30, 包野飲, 好抵!)最後埋單唔使$60, 其實都幾豐富, 幾多野食~係銅鑼灣黎講~真係一個唔錯既選擇!
繼續閱讀
去完一日迪士尼樂園，晚上一行二十幾人去打煸爐，一人一爐，任飲任食，連醬料都任裝，要分四張枱，好墟冚，每人一鍋清湯，再出去揀湯底，我調咗個蕃茄湯底，食物有出去拎，同用紙點，出去拎咗D大路嘢，丸，蔬菜菇，我對肉無乜興趣(不過我又唔係食齋）蔬菜好新鮮!另外刺身（試咗三文魚，帶子1蝦同象拔蚌）都幾好，另又有串燒（試咗至愛的多舂魚，菠蘿，香腸）好味道，用紙叫嘅冰蠔，雲吞水餃，都好味道，因為我喜歡食完蔬菜再淥肉類，會無咁肥，仲可以特價$10加一隻大虎蝦，正！一人一鍋就有咁嘅好處，之後我食咗兩杯雪榚，加埋芝麻胡！最開心係肥髀，任飲沙冰同食雪糕，大人160小朋友100，以咁嘅水準價錢OK，地方光猛，不過抽風一般，水蒸氣抽唔曬，地下有啲滑，小朋友要小心！侍應服務殷勤快！
繼續閱讀
趁着農曆新年假後與家人到這裡的一人一鍋午市打邊爐，我們差不多2時才入座，進餐限時1個半小時，這裡已是第二次光臨了，因為在家中鲜有打邊爐機會嗎。午市才$52位，沒有加一，家人也覺得抵食不錯，除了在自選食物區自助取食材外，服務員落單及奉上了肉片一碟，可以選擇牛肉或豚肉。我們便各自外出取食物，食物選擇跟上次差不多，有綠葉蔬菜，菇類，根莖類有南瓜及白蘿蔔，若喜歡吃豆腐制品也有選擇。不要以為這裡全是素菜，當然也有其他肉類選擇，肉丸類，鲩魚肉件及凍雞肉及豬柳條等等。湯底是清湯，大家可以在酱汁料區加料自行調味，而每檯也放了一大膠勺的湯底，客人可以自行加添，也可省了人手吧。我自已不是食肉獸，所以多次取食材也以菇類及豆腐製品，整體食物也新鮮衛生，若怕不夠吃飽，也有烏冬及即食米粉，但其實只吃碟肉及蔬菜，菇類，我也已經吃飽。飲品自助區有汽水及其他飲品，若喜歡吃點糖水，也有芝麻糊及杏仁茶，兩種的味道也不錯，很滿足。90分鐘的時限很快便到了，服務員還會走來提示先結帳。打邊爐一人一鍋，多菜少肉，又衛生又健康，下次可來試晚市吧。
繼續閱讀
本來想去海洋公園, 但係出到金鐘發現落雨..最後改左去銅鑼灣行街, 諗定夜晚食乜..想試hipot好耐, 咁岩銅鑼灣就有間, 拿拿臨打去book檯, 可能係訂得早, book 6點仲有位呢. 去到時無乜人, 5:30-6:30pm入座食平d, $138一位任飲任食唔駛加一, 限時兩個鐘, 所以一坐低就開返個爐跟手就剔野食, 點菜單得四張, 主要係分蔬菜水餃類, 肉類, 海鮮類同刺身類..一輪狂風梳落葉乜都剔d後後就遞單, 之後出去打個轉拎野飲..原來有得自己落調味落個火鍋湯底度, 出面仲有丸類, 菜類, 菇類, 青口魷魚等等…款式都唔少呢, 另外任飲既包括汽水, 沙冰, 豆漿, 檸檬茶等…返埋位無耐就有野食…海鮮類: 海蝦鮑魚片象拔帆立貝螺片花膠仔等樣樣齊, 都幾新鮮呢.刺身: 因人數俾你, 我地兩個人下就除左三文魚發配左兩塊之外, 其他每樣一件…唔知填多d人數會唔會俾多d呢, 因為呢碟實在太袖珍囉, 好彩係三文魚甜蝦都鮮甜, 好味呢.肥牛: 火鍋必備, 不過機削到好薄同好細塊囉, 無左大塊大塊啖既滋味.黑豚青同牛肉滑: 前者好淋好味, 後者...係茶樓食山竹牛肉既味道.自己出去拎既一碟: 魷魚鬚金菇魚蛋牛丸魚同凍豆腐, 特別要試凍豆腐, 如果你本身整左個味濃既湯底既話, 佢就會索哂湯底味, 而且出去打邊爐都唔係常食到呢樣野, 值得推介.應該係雞肉同encore牛丸: 雞肉滑, 牛丸係黑椒牛丸, 所以都幾香口, 不過食完會口乾囉.生蠔同encore海鮮: 隻生蠔係一舊冰咁上檯…西洋菜: 冬天當造所以試下, 不過個樣有d爛, 食落ok既.駝鳥肉: 唔知乜味..可以不試.黑豚肉片: 個樣幾靚, 食落..正常牛記雪糕杯: 食飽飽要食甜品, 牛記雪糕五隻味之中試左四隻(無食雲呢拿味)
繼續閱讀