My Home Cafe

營業中

休息中

行街喜歡台頭揾食,樓上cafe最like好多桌上遊戲, 喜歡這些感覺。叫了下午茶3餸麵。襯返少年時的我。雞蛋、芝士腸、雞翼出前一丁送埋飲品,好耐未食過啦。尋回上學時的我。三五成群上嚟食吓、玩吓、傾吓又過一個快樂下午。

放假去銅鑼灣行街街，行到有d攰想坐陣食d嘢嘅時候搵到呢間樓上cafe，地方就腳，就上去輕鬆一吓。上到去餐廳氣氛唔錯，坐得好舒服，坐位好寬敞，一d都唔會有人迫人嘅感覺。整體環境寧靜唔嘈雜，乾淨同埋整潔，非常適合朋友聚會傾偈食嘢或者休息放空一吓。點咗一份芝士焗西蘭花，一份酥炸魷魚，同埋熱玫瑰花茶。餐廳上菜嘅速度好快唔使點等，呢一點好好😊。芝士西蘭花夠熱夠香，唔會焗到過火乾哂，炸物都炸得剛剛好唔會好油亦唔會淋哂，脆卜卜，d嘢食都幾好味。花茶有火keep住係熱嘅，飲住花茶同朋友傾偈好開心，好快樂嘅下午。

10半都開☺️☺️卡邦尼煎脆邊蘭王蛋意粉正，蛋味濃，意粉入味，再配波蘿芒果桃味沙冰🍧，清涼透心，雙人餐仲包埋小食，揀左焗西蘭花薯蓉，西蘭花硬度適中，如果有埋餐湯就更完美！

☕️ Baileys Expresso shot = definition of GOOD DAY. Any objection? 午後鬧市逛累了想跟朋友靜靜閑聊，抬頭一看唐樓兩邊窗戶，一邊寫my home，一邊是your home😂-在門前猜拳究竟今日去誰家，店員就笑着打開門説兩邊都一樣姆啊哈哈！窗明几淨，有很大空間作party room/玩board game🎯意大利粉味道不錯，份量很足，女生吃不完🤪很好的鬧市歇腳處

今晚 約左好朋友聚餐，今次黎晚市捧場，我地叫左二人餐再加兩個小食，一個長通粉巴西雞扒同明太子意粉，再加一份蒜蓉雞翼同一口芝士。野食好好食 全部即叫即整，雞扒冇雪水味 ，明太子意粉 朋友大讚好食 份量岩岩好。雞翼一樣冇雪水味 好好食 聽事頭婆講佢地有啤晒水先（抵讚🌝👍👍👍）一口芝士 做到岩岩好 一口一件 女仔食都冇問題。而二人套餐重有個小食揀 朋友揀左黑松露炒蛋多士 （呢個係呢到招牌之一）炒蛋口感好好 好滑 多士唔會太濃 👍👍👍，而甜品今晚係曲奇芒果雪糕 🍦 又係份量適中 唔會太甜 加埋我同老友一人一杯 瑞士朱古力同焦糖朱古力又係好好飲 為我地今晚呢餐劃上完美句號😀😀😀👍（老闆娘重請我地食水果 請左我地食青提子 多謝老闆娘） 唔錯唔錯 又有寧靜舒服既環境 同朋友傾計 一齊打下機 又可以一齊食埋飯 （野食又好好食） 正 誠意推介俾大家😀😀😀

下午去完誠品 打算食下午茶先返屋企 經過睇地樓搵下樓下鋪 唞陣 就搵到呢個cafe , 環境 大隱隱於市 旺中帶靜，好舒適，適合小聚 或幾個黎聚會。野食 有心機 有水準。雞翼 炸得好好 唔會有雪味同唔會咸到 係咁飲野。 重叫左杯綠茶咖啡 ☕️ 甜度適中 ，綠茶同咖啡味都唔會cover對方 。結論 好適合下午hea下 或晚上收工後小聚 下 同朋友黎吹水後先返屋企同、食個晚餐或同朋友一齊聚會玩遊戲既 cafe /play room 👍👍👍😀😀😀😀

呢度所有食物即叫即做，價錢絕對對得起食物質素，唔似方間大多cafe價錢高但食物差。卡邦尼意粉真係有做足，唔會水汪汪。龍脷柳長通粉，魚柳煎得好脆好香，就算擺凍咗都係好好食，汁可以自選，我地揀左白汁，另外仲有少少西生菜做伴菜。小食方面叫左個小食併盤，有餃子，炸魚手指，蒜香雞翼，薯條。全部即叫即炸，薯條炸得好鬆脆，其他小食都好好食。仲有好多特式花茶，試左“粟米鬚”同“檸檬草”，但個人就對2隻花茶一般，下次再幫襯都會叫其他飲品。

平日太忙碌，所以趁星期日有空，就出銅鑼灣吃頓下午茶，兼可以舒適地邊食邊玩boardgame今次有個新發現，在駱克道近Sogo 的小巴站對面，先上三層樓梯，就會走到 My Home Cafe 的門前餐牌上選擇眾多，有選擇困難症的小弟又要苦思了最後點了一客麥樂雞，一共有八件，揸得香脆金黃的，配以泰式酸辣醬食用，風味十足我倆亦點了一客小食拼盤，包括三件蒜蓉雞翼、三件煎餃子、兩條魚手指、薯條配少量生菜和蕃茄仔伴碟，乃下午茶恩物也。薯條夠香脆；餃子煎得香口，入面都有些肉汁；魚手指金黃色般，十分吸引；雞翼骨啖啖肉，蒜蓉十分入味柚子梳打Mocktail - Snow Ball，七喜味較重