影片
港鐵荔枝角站 D4 出口, 步行約8分鐘
繼續閱讀
營業時間
星期一至日
07:00 - 21:30
以上資料只供參考, 請與餐廳確認詳情
食家推介
🎉走進這家餐廳，首先係被炸兩吸引住了！試咗一下，真係唔錯喎！入口即脆👌，皮薄餡美滋滋，每咬一口都感覺到油炸鬼啲香味四溢。轉個彎，又淋上咗特製那種濃香嘅湯底，牛筋腩驚喜地又腍又香，入口即化嘅口感，令人一試難忘呀！然後嚟咗個饅頭雞排，真係好有台灣味道！熱辣辣嘅雞扒夾喺啲香軟嘅饅頭之間，那種酥軟多汁又帶點鹹甜嘅滋味，啖啖都充滿驚喜😍，襯埋一口爽滑冰鎮奶茶，就算炎炎夏日都感覺到涼爽兼提神！進來嘅時候發現店裡面好舒服，環境乾淨，等位時間又少，真係一個放鬆心情食早餐嘅好地方。食物出品快捷，勁過對面大排長龍嘅連鎖快餐店。要我推介，就係呢碗牛筋腩粥同炸兩，真心話絕對為晨早添光加色！🌞是日早餐有咗，腦袋亦都精神好多，準備迎接一整天嘅挑戰啦！
繼續閱讀
今日可以放假，所以就可以喺樓慢慢食早餐。今日就黎左一粥面食。環境上係整齊清潔。而且係10:00嘅時段，冇太多嘅客人，所以就唔洗排隊就比到錢叫餐，相當唔錯！我哋叫左二個餐，一個係皮蛋瘦肉粥配腸粉，加$3有炸油條。另一個就係魚柳滑蛋，雞肉腸配餐包，包一杯熱咖啡。炸魚柳都係大件，中間啲魚肉都算滑。炒滑蛋相對嚟講就冇其他快餐店做得出色。但整體性價比都高，重點唔洗排隊。最啱就係平時忙忙碌碌趕住返工嘅上班族🧑💼
繼續閱讀
連鎖店粥暫時食過最好食，艇仔粥底棉滑配料算多，配蔥花碎牛肉腸2樣$45，性價比高。如果有買油炸鬼更好。環境闊落，多四人枱，這間分店裝修有一點歷史啦，冷氣爭少少唔係太凍，食粥好易出汗，同埋如果叫粥需要等15分鐘左右。期待推出其他新產品。
繼續閱讀
見有啲留言讚，咁就嚟試下，真係唔試唔知伏。多人要同陌生人坐，無隔板都算，食飯時將就下。但係食物質素真係輸粥舖幾條街，炒麵係凍嘅，味道一般，仲有嘢梗口，唔知係咩嚟，分別唔到，絕對唔係一啖半啖出事。油炸鬼，唔知佢同傳統整法有咩唔同，但根本唔係果回事，又乾又硬又油。我係非常之鍾意食油炸鬼嘅，今次半條都食唔哂，咬落一口油益味。最後係人稱多料嘅艇仔粥，料係多，但似雜烚，廚房有咁撈咩，仲要咁多料個粥都無鮮味，而且超杰。總括哩講只得一句，無下次！
繼續閱讀
👤人數：1💰埋單：44🍽口味：標準一直都有經過一粥面，但今日都係第一次食。依家有個櫻花蝦煲仔飯其實幾吸引，但第一次食當然要食返一粥一面！😝Order咗一個set,艇仔粥+炒麵=💰44🍲艇仔粥艇仔粥有驚喜，入面好多種配料，有花生，蝦，魚，叉燒，魷魚，魚肚，蔥，姜。味道都鮮味，食完吾會最乾，證明冇乜味精，好評。🍝炒麵個人就覺得正正常常，冇乜特別，有少少偏硬，有胡蘿蔔絲去炒，味道覺得ok，吾會好鹹，可以自己再加辣椒或者豉油。
繼續閱讀