影片
港鐵長沙灣站 A2 出口, 步行約6分鐘
繼續閱讀
營業時間
星期一
全日休息
星期二至日
12:00 - 21:00
以上資料只供參考, 請與餐廳確認詳情
天氣熱，想食日本野，咁岩行過見到七代目。本身係比個門面吸引到，好有日本feel岀面貼左menu，係食丼飯，好多選擇，又有散點刺身，小食，鐵板菜色等。咁多選擇，真係好難諗，好彩佢有個牌寫住廚師推介，上面都係set，配有飯同沙律。見到第一個係有海膽，個set叫做刺身七點，個名咁勁，又唔貴，一於就入去試下。店內裝修得好有心機，乾淨闊落，仲播住日本歌。場内有梳化位同吧枱，我地選左梳化位。店主好有禮，主動為我們介紹餐牌上既野食。最後我地都係叫左2個刺身七點，店員話呢個係限量，賣完即止，好彩早到。再加一個店主推薦既土瓶蒸，芫茜燒，刺身。刺身七點，配飯和沙律刺身新鮮有光澤賣相好靚，讚呑拿魚意外地好食，平時係其他地方食親都麻麻地，反而呢到解凍做得好好，冇好腥既味，唔難入口，反而令我改觀。其他都唔錯，好鮮甜，三文魚同帶子不得了，好好味。個飯份量好大，一開始以為食唔曬會放棄，點知一試，珍珠米粒粒分明，壽司醋作調味，味道適中。芫茜燒 呢個好推薦，芫茜控必食，唔食過唔好諗自己係全塊都係芫茜，師傅用鐵板形式烹調，啖啖都係芫茜，並非落好多粉漿個種，完全唔會乾爭爭同粉感，咬落去係會咇曬啲芫茜汁岀黎。刺身 （三文魚，虎蝦，墨魚）新鮮，好鮮甜土瓶蒸呢個係一開始最快到，不過心急試，冇影到相。佢係一個茶壺仔咁，有個杯仔。打開會有原隻蝦、鮮菇、豆卜同切得好靚既花形紅蘿蔔，唔好睇佢賣相細細，都裝幾多野，有得食有湯飲。湯係奶白色，味道鮮，係魚湯。兩個食法：1. 就咁倒落杯飲2. 加落飯到，好似湯飯咁，又另一種感覺，好掂總括環境靚，坐得舒服，乾淨店員有禮，主動，服務好好食物新鮮美味，選擇多元化，賣相靚價錢平，完全係覺得物超所值一定會再去食
繼續閱讀
以前細細個覺得食鐵板燒 貴到離地，下下都要成千落樓又食得唔飽。所以好少食鐵板燒 。自屋企附近新開左間鐵板燒 ，睇價錢都非常貼地，平有平食，貴有貴食。我地揀左坐bar 檯，因為想睇廚師即場烹調。今次我揀左松($888)，有龍蝦，銀鱈魚同安格斯牛肉厚切，而每個餐都另有沙律，麵豉湯，炒野菜同櫻花蝦炒飯，就咁睇都已經份量足夠。沙律，麵豉湯見住龍蝦係個水箱度拎出黎，見真身原來係好大隻。廚師首先整左銀鱈魚先，龍蝦同時一齊整，始終龍蝦烹調時間長。銀鱈魚唔鯹，食落好滑好juicy。 之後到燒龍蝦，火光紅紅，好刺激～龍蝦肉身配合埋龍蝦頭Ｄ膏一齊炒，好好味，份量比我想像中多。另外廚師叫我地唔食浪費個龍蝦頭，果然好多肉，我真係每隻鬚都去食～燒厚切牛肉，廚師都問我地想要幾多成熟，我話medium。不過額縑有Ｄ係medium well，同埋牛肉可能本身有D韌。其實食到厚切牛肉都已經好飽，再加埋炒雜菜同炒飯，真係飽到上心口。本身諗住再叫野食都要放棄。連加一就$976 (只接受現金only)，價格都合理，而且龍蝦真係整得好出色又好味，我應該會為左隻龍蝦而再黎幫襯。題外話，我走個時見到有人order活鮑魚個餐，睇真身隻鮑魚好大隻，下次有機會都想試下～
繼續閱讀
生日在即，友人為咗同我興祝生日，於是提議lunch去揾啲好嘢食吓。呢間位置營盤街的七代目鐵板燒，每每經過都會被佢門面吸引，全木材裝飾加上燈光，再配上七代目的匾刻，完全充滿日本風情。餐廳大約提供30個座位，我哋揀咗坐bar檯，可以一邊睇師傅煮一邊食。Lunch set 共有6款選擇，另外亦有其他散叫今次生日食好啲所以叫左兩個最貴的＂金菊＂。店員快速地捧上前菜，有沙律、麵鼓湯，菜新鮮，不過兩者都冇咩特別。之後師傅開始燒大虎蝦同帆立貝，師傅控制火喉剛剛好，加上少許調味已經好鮮好好食再來的是燒野菜同美國厚切牛扒，牛扒煎好會切粒上，可以睇得出生熟程度剛剛好，juicy有肉汁。最後的是樱花蝦炒飯，我見師傅倒左大量樱花蝦落去，無錯係倒落去，另外亦有其他配料，炒完真係好香，不過略嫌唔夠乾身。整體黎講以$178加一食到呢個質素嘅鐵板燒我覺得叫做合理價錢，如果lunch set有甜品如雪米滋作結尾會更好。 另外當日佢哋冇熱茶提供，只係得加左檸檬嘅水，希望日後會提供熱茶。
繼續閱讀
由於疫情嘅關係，宜家越嚟越少外出用膳，就連寫食評嘅意慾都冷卻了！不過，今次想透過呢個平台介绍一間做得相當出色嘅鐵板燒俾大家。本身食店座落於長沙灣盤營街，條街比較靜，人流也不算很多。而呢間食店嘅門面唔太起眼，大家好容易直行直過。我都係朋友介绍先有機會大快朵頤！店内的裝修雅潔、整齊，可能係開業不久的關係，佢哋嘅抽油煙系统設備非常完善，完全沒有油煙味。雖然我偏好食鐵板燒、燒肉、串燒……等食物，但食完成身油煙味卻非常討厭及令人尷尬。入去前參考過open rice嘅食評，係無呢份菜單。坐底睇到呢份午市菜單真係覺得價錢合理，相信唔係疫情嘅關係，平日應該座無虛席，一位難求！一人套餐分别有精選、特盛及至尊，價錢分别係$98、$138及$178。三個餐都包咗沙律、炒菜、炒飯及麵豉湯，三個餐主菜分别係雞扒、日本豚肉薄燒及美國厚燒牛肉。而後者則有帆立貝及虎蝦。咁難得先有機會出嚟食lunch，我揀咗特盛及至尊兩個餐試吓！沙律的蔬菜非常新鲜，加上沙律醋十分醒胃，無論色、香、味都俱備，令人胃口大增，的確係一款不錯的前菜。麵豉湯不是死咸的那種味道，有種啖啖的麵豉香味，湯中還混入昆布，那股海草味既清爽又有咬口。湯底有细碎的豆腐粒，仍咀嚼到那股醇香的豆味，的確是绝佳點缀。師傅替食客將虎蝦開邊上，這樣比較方便食用。師傅只是簡單地用鹽燒已經十分出色，鲜嫩無比，另外再加上少許黑胡椒作點缀，大大提升食味！帆立貝屬於大size，也是簡單的用上鹽燒，不需要特别的調味。因為食材本身已經很新鲜，所以用不上濃味的醬汁。帆立貝的口感很爽脆，鲜嫩無比。主菜美國厚燒牛肉，雖然牛肉的質素不能與極高質嘅和牛相提並論，但套餐所包的牛肉質素並不差。師傅用上鹽燒帶出肉食的鲜味，燒得恰到好處，不會燒得過熟，也不會過生，還有一股焦香的味道。肉質嫩滑沒有渣，完全沒有“鞋”的口感，令人想一吃再吃，非常惹味！師傅在燒牛肉時配上蒜片，我比較喜歡大大片的蒜片，因為比較有咬口，而且蒜片炸至乾身脆口與牛肉非常夾配。反而用上蒜粒或蒜碎更會影響牛肉的食味。如果食客喜歡牛肉的原味，則可以乾脆將蒜片撥開。另一款主菜日本豚肉薄燒，這款主食相對較受女士們歡迎，因為肉身比較薄，而且肉片還包着新鮮的蔬菜，口感很清爽鲜嫩，少了一份油膩的感覺。好適合食得健康及清淡的食客。炒野菜份量很足，蔬菜很新鮮，而且蔬菜的種類也很豐富，绝不欺客。吃罷各款的肉食後，上一道清新的時蔬，彷彿遇上沙漠中的綠洲，令人精神一振，心滿意足。食到尾聲炒飯出場，除咗賣相不錯外，食味也绝不馬虎。炒飯很乾身，每一粒飯都分明及均匀地沾上蛋液，而且加入大量櫻花蝦，每啖飯入口都好咸香。無論色、香、味呢碗炒飯都滿分，美味可口。其實我一向都好欣賞呢類日式鐵板燒料理，佢哋除咗對烹調講究，對食材執着外，師傅還會替食物配上合適的配菜作點缀。而使用的碗碟器皿也十分精緻。試問這不是一門巧奪天工嘅藝術嗎？以呢間食店嘅食物水準及環境質素，的確物超所值。如果唔係疫情的關係，我相信會座無虚席，所以要把握呢段時間光顧，真係值得一試！
繼續閱讀
大虎蝦多膏Tiger prawn has lots of "paste"鮑魚鮮甜 Abalone is fresh and sweet帆立貝彈牙Scallop is chewy薄燒牛嫩口Thin sliced beef is tender厚燒牛juicyThick sliced beef is juicy炒飯顆粒分明Fried rice texture is good and not sticky總括嚟講呢餐非常好食同抵食。會再試埋其他菜式。This teppanyaki dinner set is delicious and very worth the money. Will come back to try other dishes.
繼續閱讀