影片
營業時間
今日營業
07:00 - 21:30
星期一至日
07:00 - 21:30
以上資料只供參考, 請與餐廳確認詳情
優惠
95折
【亞洲國際餐飲集團】$50美食現金券
$47.5
$50
青衣城地下嗰層角落頭個位又有新餐廳，見啲下午茶餐（2：00 - 5：30）唔係太貴，又唔使加一，入去試試。吉列脆炸雞配香脆薯條（$43）可選粟米條或薯條，選了後者。份量比預期中少，四粒炸雞件，熱的但油咗少少，雞件係雞脾肉，所以都軟嫩，炸粉唔厚。薯條係連皮幼薯條，熱的、脆的。有茄汁同蜜糖黃芥末醬汁。鮮茄焗豬扒飯（$46）可選炒飯或闊麵，選了前者。五分鐘左右上枱，本來驚驚哋會唔夠熱，但熱的，亦焗得夠時間。份量合理。炒飯底，夠乾身。茄醬味道正常，同坊間大多數焗飯相似。豬扒有一塊，已切開，肉質太腍身，無哂口感，似落得太多鬆肉粉。野菌白汁烤雞焗飯（$46）過多一分鐘就上枱，比焗豬飯仲熱。同樣係炒飯底。只有白汁味食唔到野菌味，但味道都可以。烤雞係一塊雞扒切件，肉質正常。下午茶餐包餐湯（紅/白湯）或熱飲。羅宋湯，一般西餐廳味道，合格之作。熱奶茶，餐牌寫特配奶茶，茶底不是錫蘭紅茶，而是茉莉綠茶，味道不過不失。熱檸蜜，餐牌寫新鮮冷壓檸檬蜜，即是沒有檸檬片的，味道還可以。可能始終係新開無耐，啲員工仍有啲手忙腳亂。因為安排坐係落地玻璃旁，柱位後面，落單及埋單都要等一排先有人見到。
繼續閱讀
叫咗1沙律1西班牙海鮮焗飯1牛面頰1杯嘢飲1炒雜菇1湯仔 同埋1個心太軟全部加埋$350都唔洗，仲要幾好食….個牛面頰2大舊夠淋而且都入味，推薦。個飯都好食但冇牛面珠墩咁出色 。煙三文魚沙律好鬼大碟 心太軟少少流心都ok好食7/10個湯同埋炒菇是跟餐+23蚊 定30幾蚊唔記得 湯配麥包 都合格有餘6.5/10夜晚8點左右入席竟然冇乜人食 好多空位 一半都冇坐滿 神奇……第一次留comment happy原來要200字先可以俾分 哈哈哈哈
繼續閱讀
UURO (青衣)新開咗幾個月嘅餐廳，環境幾chill😙落地玻璃可以望到青衣藍巴勒海峽海景😂😂😂🍕夏威夷手工披薩 $78Pizza皮厚度適中，唔會話太厚。薄薄地嗰邊有焦香味，煙肉碎可以再多啲，成塊pizza好重菠蘿味同埋蕃茄味，味道不錯。🍝經典肉醬千層麵 $68好厚嘅芝士鋪面，加埋蕃茄味，正！略嫌千層麵唔夠千層，得幾層口感相對冇咁豐富。兩個餐配咗各配咗餐湯，比較推薦白湯，較creamy，有橄欖油嘅味道。🏠青衣青敬路31-33號青衣城1地下G22-G23號舖☎️ 31658175
繼續閱讀
青衣城一期新開左間意大利餐廳，於是星期日下晝就去試吓佢個下午茶。差唔多5點，出面有人等緊位，入面都坐滿，不過兩個人都好快就可以入去坐，仲有個窗口位添，望住海濱長廊食嘢都幾好吖☺️🌟香草白酒煮蜆配麥包 $45上菜時賣相雖然一般，但食落都幾好味，蜆肉索咗啲香草白酒汁幾鮮美，麥包望落去好似好硬咁，但原來食落去，表面係脆脆地，入邊係軟身嘅，點啲香草汁嚟食都不錯嘅🌟(茶餐)肉醬滑蛋漢堡 $44一望到就已經唔知如何入手，食緊嘅時候入面啲醬不停唧出嚟🙈 有點難handle，有點失望…🌟(跟餐) 蜜糖芥末雞翼 $15煎得唔錯，入面啲肉汁都保留到，點埋芥末更野味，如果可以煎到啱啱好金黃會再好啲總括而言，以呢個價錢喺青衣城坐得舒服咁食到個下午茶，CP算係幾OK啦。小瑕疵係餐具有少少污糟，最好用水浸一浸先用。臨走前見到佢出邊有個小型麵包餅店咁，啲款式都幾新穎，例如有紅豆撻、麻糬撻、菠蘿酥、菠菜芝士貝果、堅果芝士批等等，得意得嚟個樣都幾靚，價錢都唔貴，搵次再嚟試吓先
繼續閱讀
雖然人人都想早些收工，餐廳9點零 last order，10點關門，但晚上9點幾叫客人埋單又可否語氣好少少呢？食物 ok，價錢走便宜路線，但都不要降低服務水平啦～所以，服務有待改善啦～
繼續閱讀