影片
港鐵馬鞍山站 B 出口
繼續閱讀
電話號碼
28058393
開飯介紹
台式火鍋專門店內的打卡墻，加入搞怪台語文化，還有台灣各地區車站牌作為卡座名字，猶如置身台灣一樣。自助區供應逾50款台灣小食、熱葷、鍋肴、甜品及飲品等。
繼續閱讀
以上資料只供參考, 請與餐廳確認詳情
有關獎賞計劃
今日朋友帶我嚟馬鞍山食嘢 佢話開咗間新嘅台式火鍋店想試吓 叫做氣噗噗 夜晚六點幾一去到門口見到咁多人都嚇一嚇🤣 好好彩都有位😬 入到去坐低就揀湯底 同埋揀食邊個套餐 咁我哋就揀咗食100分鐘嘅 尚品·吃到飽 仲有送指定嘅台式飲品一人一杯😍 揀好湯底同埋手搖 我哋就出去自助區拎嘢食啦😋配菜有好多選擇 熟食都有好多 有關東煮、滷水豆腐、可樂餅、章魚小丸子、麻辣鴨血、台灣腸、滷肉飯等等 好多呀🤩 全部都好有台灣風味😇 揀完自助區嘅嘢食個鍋就嚟到啦😋咁我哋揀咗鴛鴦鍋 台灣麻辣鴨血湯啱啱上枱已經聞到好香 等佢滾咗嘅時候更香😍 入面仲有好多鴨血 辣度啱啱好 十全排骨湯入面有幾舊排骨全部炆得好入味 有少少藥材味 感覺好足料好補 即刻飲咗幾啖湯🤣 除咗自助區嘅嘢食之外 仲有其他肉類、小食、海鮮 就用QR code落單～ 海鮮方面 推薦爽脆水魷魚 真係爽口彈牙👍🏻 墨魚滑都好好味😗 小食有迷你生煎包、地瓜薯條、黃金雞球 仲有私心推薦黃金流心芋泥球、冰烤蕃薯🍠岩岩烤起熱辣辣既芋泥球 芋泥綿密 同埋真係流心架😍 凍冰冰既蕃薯真係好少食 食完辣湯底食返舊凍蕃薯 真係爽！ 肉類都有好多選擇呀 牛肉有 尚品嫩肩里肌肉、牛板健、牛五花 另外仲有豚五花、羊卷肉同埋雞肉😬牛肉我最鍾意食尚品嫩肩里肌肉 油脂分布平均 肉唔柴又有牛味😋 但我更喜歡佢既羊卷肉 唔會超勁羊騷味 肉質係爽口 切得夠薄 淥一淥就食得👍🏻 大大大雞扒依加開業仲有優惠呀🤩 讚好同留言就有咁大塊雞扒送 真係好有台灣夜市嘅味道😍 手搖我哋揀左 珍珠奶茶 珍珠煙韌有咬口 奶茶香滑檸檬愛玉綠茶 好清新嘅感覺 配搭愛玉好夾！ 打完邊爐梗係要食返杯雪糕啦😬 自助區有得自己吱雪糕 今日係朱古力味😋隔離仲有愛玉同埋仙草凍 加埋唔同既配料又係一碗甜品啦😆 整體來講 呢間 氣噗噗 環境舒適 店員服務態度好 食物質素不錯 開業仲有優惠 又多個打邊爐嘅選擇啦😇
繼續閱讀
抓住冬天尾端，仲有少少涼意，熱底人表示即刻去打個邊爐🫕 好耐無嚟馬鞍山，去到新港城中心有間新開嘅台式火鍋，即去食！門口勁多人排隊😳唔通居民餓咗有新店好耐🙈排到你個時，係門口入座前要揀定邊個餐同飲咩湯，要介紹係唔同餐有幾款台式飲品送，排隊時記得睇定😉排骨湯已經賣哂！我哋點咗麻辣同藥膳，一辣一清，飲品就仙草奶茶同埋檸檬愛玉蜂蜜綠茶，入場前店員會直接幫你落埋牛，確保煲上左無耐，出去拎定醬料同蔬菜返嚟就ready，正😄店內勁有台灣感覺，卡位用咗唔同嘅台灣火車車站，拎嘢食就係「夜市街」🤩任食區有好多特色嘢拎，甜不辣、米血糕、麻辣鴨血、特色貢丸，熟食仲有烘住嘅腸仔、關東煮🍢等👍🏻去到醬料區，出現腐乳，最驚喜有黑白芝麻，好開心😁牛豬雞件新鮮，碟碟都好豐富，建議大家可以先點一碟食咗先，唔好按人頭點，鍾意先再點，珍惜食物😉仲有勁厚切午餐肉😲我自己鍾意藥膳湯底，幾濃，煮米粉好夾。菜類新鮮，中間食一下隔一隔，再嚟過😝麻辣都唔錯，唔算過辣，食鴨血麻辣齊哂😋最後要有一杯雪糕，即刻清哂😁新店一般開始時都會多啲事故，職員處理得好好，好有禮貌。聽到有老友記客人唔識QR code落單，職員好有耐性解釋餐牌同幫手點餐👏🏻好耐無食台式火鍋，滿足一下都好🤭真係多人㗎🫢
繼續閱讀
今日朋友話天陰陰又落雨，最好去打邊爐。朋友就建議去*氣噗噗*台式打邊爐，之前食過一次都幾好食。一行4人6點去到餐廳，點左最平套餐168再加一吃到飽餐。只有3款肉可以揀（肥牛、豚肉片和雞肉）和番薯薯條可以揀。原本以為最平的肥牛應該唔好食，點知肥牛有濃濃的牛肉味，一層肥一層瘦，入口唔會好漏，值得一讚。而豚肉片和雞肉就正常，不過不失。蔬菜種類都很多，喜愛食蔬菜會喜歡這間火鍋店 ，值得一試的火鍋放題。
繼續閱讀
MOSTown 新開了一間台式火鍋店，新開張期間仲會每人送一杯台式飲品添🤭🤭我哋揀咗中價嘅尚品吃到飽set ，限時100分鐘任飲任食，淨係肉類海鮮都有10款，自助區除咗有蔬菜丸類等、仲有台式香腸、關東煮、滷肉飯、滷蛋、連芋圓仙草都有齊😆😆包你一定食到捧住個肚走🤗鴛鴦湯底就8選2入面選擇，我哋就揀咗酸菜白肉同埋養生藥膳鷓鴣湯，前者酸菜夠開胃，配上豚梅花💯💯後者夠哂足料滋補，一上枱已經聞到濃濃嘅藥材味👍🏻👍🏻自助區嘅火鍋配料都有20款，最特別嘅梗係台式獨有米血糕同埋麻吉燒。花生味嘅麻吉燒放入火鍋好似鹹湯圓，食完又想再食🤭另外，少見嘅水蓮都係必食之選，爽爽脆脆口感好得意Encore再encore 嘅仲有尚品嫩肩里肌肉同特選牛板腱，前者油脂較少肉味較濃，後者就算係鍋放耐咗都唔會韌熟食同小食都不容錯過，台式香腸熱㷫㷫，關東煮白蘿蔔超入味，QR code 落單嘅黃金流心芋泥球、冰烤蕃薯🍠都一定要試。前者有爆漿嘅鹹蛋黃醬，外層係外脆內軟嘅芋泥蓉🤤🤤贈送嘅台式飲品四選一，揀咗珍珠奶茶🧋同埋檸檬🍋愛玉蜂蜜綠茶，食得太飽嘅話可以拎走繼續飲🤭🤭
繼續閱讀
氣噗噗呢間鋪頭名一聽都已經好台灣風😆佢係一間比較新開台式火鍋放題餐廳黎，開店期間都會有唔同優惠做緊，當中有三個價位套餐可以選擇，如果午市就$128起，有小童/長者價，豐儉由人，今次我地揀左中間價位嘅尚品吃到飽套餐(平日晚市$238/位)，可以任飲任食100分鐘，真係物超所值😎呢到有一人一鍋或者大鍋可以選擇，如果大鍋就安排坐卡位位置，幾中意佢裝修設計加左D掛天燈同夜市牌坊元素，幾有台灣感😉自助區超過50款台灣火鍋配料，選擇都幾多👍🏻火鍋配料區熟食區沙律吧甜品區飲品區醬料區湯底方面，我地揀左十全排骨湯(大鍋+$18)同香濃蕃茄湯，兩者風味迥異。 十全排骨湯熬煮得啱啱好，有D似肉骨茶，重重嘅藥膳香😍至於香濃蕃茄湯非常濃郁鮮甜😋尚品吃到飽套餐主打嘅肉類係特選牛板腱同尚品嫩肩里肌肉，肉質鮮嫩多汁，充滿牛味🤤嚴選豚五花肥瘦比例幾好，易入口😁再次ENCORE品質都KEEP得住，每一片肉都好入味，涮熟之後，真係令人食指大動🤤佢仲有好多款台式小食可以嗌，黃金雞球、地瓜薯條、冰烤番薯、黃金流心芋泥球、迷你生煎包等，好似去左夜市掃街咁😆味道水準算唔錯，個人推薦冰烤番薯同迷你生煎包👍🏻至於麻辣鴨血就當然係必食之選，出面自助區任拎，非常鮮嫩軟滑又香口🤩海鮮方面有墨魚滑同爽脆水魷魚，墨魚滑都好鮮美，水魷魚爽脆可口，正😎飲品方面，呢個SET有4款台式飲品可以每人揀1杯，我地叫左檸檬愛玉蜂蜜綠茶同荔枝蘆薈紅茶，冇諗過火鍋放題餐廳連台式飲品都調配得幾好，清新解渴🤩唔夠飲甚至可以加錢再嗌都得，仲有珍奶、水果茶同奶蓋等等，真係唔好錯過🥰最後食埋甜品就啱啱好，出面唧雪糕再加唔同TOPPING😝由火鍋配料，多款台式小食，到台式飲品等，都滿滿台灣風味，值得再黎食過👍🏻補MENU
繼續閱讀