影片
港鐵利東站A1出口, 步行約2分鐘
繼續閱讀
營業時間
*最後落單時間：16:30 (一至五); 17:30 (六,日)
星期一至五
08:00 - 17:00
星期六至日
08:00 - 18:00
以上資料只供參考, 請與餐廳確認詳情
相關文章
依家係位於鴨脷洲大街嘅一間Cafe小店，裝修行工業風格，呢間Cafe仲要係寵物友善嘅添。食嘢嗰日見到有狗主帶埋佢狗狗一齊尼食嘢。由於嗰日唔係太肚餓，所以只係叫咗個吐司食。烤雞胸•自家製意式香草醬酸種麵包吐司即叫即製所以特別好食，自家製意式香草醬識落味道都幾特別，但係有少少油。酸種麵包就煙煙韌韌，口感非常之好。但個吐司有啲細份，九十五蚊真係有啲貴，性價比有啲低，唔怪之得而家結業埋。如果價錢可以平返啲嘅話應該會有多啲客人。
繼續閱讀
點解劣咗咁多 以前服務好好。。。食過不下十次 以前好細心 嗌flat white會問要fruity啲定nutty啲 即使嗰陣收貴啲都食得好享受 以前絕對覺得物超所值宜家啲嘢食一樣水平 但就唔知點解食到一肚氣。。。諗住生日落嚟享受翻個靚早餐 點知搞到心情差晒 從來無寫過 comment 但今次真係好唔 gut收100蚊早餐其實無所謂 嘢係好食 但餐具都要自己攞就。。。嘢食好 服務差過茶記 成個用餐體驗真係。。。的確係平咗 但真係費解 基本服務要收錢 所以cut cost要cut埋基本服務？？？希望你哋會進步翻啦 加油
繼續閱讀
Good comfortable cafe for casual brunch.The chicken breast sourdough was quite nice although I wished they spread the pesto on the chicken instead of the bread! Added $10 for the scrambled egg, great value to make it much more sumptuous.
繼續閱讀
【南區】【叁瘋】我今次嚟到鴨脷洲，冇乜 idea 想食乜，見到呢間 cafe 就入咗去食。見到佢寫住「叄瘋」，但我一直都寫佢做「叁瘋」，我唔知邊個寫法先係啱，定係只係繁體字同簡體字嘅分別。不過唔理啦，都係當佢係個「三」字咁處理。佢呢度係要買咗嘢食先搵位坐嘅，不過我去嗰陣唔知，所以都耽誤咗一陣先叫嘢食。我就叫咗個 $118 嘅「全日早餐」，佢有牛油果、煙三文魚、香草豬肉腸、煙肉、炒蛋、酸種吐司麵包、新鮮沙律喺裡面嘅。味道上，佢就唔算好突出，個炒蛋啲蔥花有少少搶，令到本身蛋味都唔重嘅炒蛋更加顯得一般。而個酸種吐司麵包係我由蒜蓉法包轉配嘅，因為佢哋本身有酸種吐司餐，所以轉嚟食吓佢。食落都唔錯，我覺得係可以接受嘅。嘢飲方面我揀咗 $45 嘅「冷萃咖啡」，即係 Cold Brew，而個價錢本身係 $60，跟餐正價減 $15。講到以冷萃方式降低酸度，突出花香同甜感，風格比較清爽咁，我飲就覺得還好啦。埋單價係 $163，我就未必會有下次喇。。。（地址：鴨脷洲鴨脷洲大街132號合時大樓地下F號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am南區 #鴨脷洲 #利東 #叄瘋 #叁瘋 #全日早餐 #牛油果 #煙三文魚 #香草豬肉腸 #煙肉 #炒蛋 #蒜蓉法包 #酸種吐司麵包 #新鮮沙律 #冷萃咖啡 #ColdBrew #1am1187 #1ambackup
繼續閱讀
除咗返工之外 好少去港島區行逛嘅我 意外地係呢個地方出沒🤭 有朋友提議去呢度傾計飲啡 chill下 咁熱嘅天氣 可以有個地方坐下 何樂而不為呢？簡單嘅裝修 入面充滿香港人呢幾年黎嘅回憶 實在唔容易🥲 ☕️我地order咗Coconut Dirty $45 🍮Coconut Pudding $48 ☕️Americano $40 🍵Matcha Latte 🥃Expresso Tonic 大家嘅comment 都係覺得啡嘅味道正正常常 不算有太大驚喜 Macha Latte 嘅Macha 幾濃👍🏻而我就覺得By 閣樓釀造嘅Tonic 就咁飲都幾唔錯😝 Coconut pudding味道就似食緊椰子糖 味道好濃 只係略嫌唔夠細滑 但整體氣氛都幾chill 🤍 醉翁之意不在啡 有個地方坐下傾下計先至最令人回味❤️ Like the vibe here💗
繼續閱讀