影片
更多
2023-07-13
333 瀏覽
星期日食個下午茶餐，場景全日落大雨都冇乜客人。問有冇下午茶，才拎餐牌出嚟，唔問咪要食正價餐？叫咗叉燒腸仔公仔麵+冷奶茶。承惠$50。真係冇諗過大排檔格局茶餐廳要咁貴。大尾篤又唔係隔涉山長水遠？如果門口有價錢牌，我寧願去隔離食泰國嘢，反正食公仔麵都咁貴。食物都老實講唔係好食，界乎普通<->難食。凍奶茶冇甜味，好似冇落到糖水咁。腸仔正常，公仔麵係cheap麵，麵質唔好食(大光麵就好食啦)，叉燒好似D炒飯叉燒粒咁大細不一。真係可一不可再吖。餐廳似係家庭式經營，幾個人座埋一邊傾偈講粗口。一係出外面煲煙。冇客，都要等10-15分鐘先煮到碗面出嚟。其他食評都有提及：真係唔優做咁，員工對食客黑口黑面，講嘢粗聲粗氣，打開門口賺人錢做生意都亳無禮貌可言。(之但係咁，我留意到佢對認識/幫襯開既街坊，態度好好多，起碼會講多句，及笑。)呢間嘢都唔當客係客既，你估你係佐敦澳牛咩？起碼澳牛個餐都煮得好食吖，入去被受氣都係自願吖嘛！
問有冇下午茶，才拎餐牌出嚟，唔問咪要食正價餐？
叫咗叉燒腸仔公仔麵+冷奶茶。承惠$50。真係冇諗過大排檔格局茶餐廳要咁貴。
大尾篤又唔係隔涉山長水遠？如果門口有價錢牌，我寧願去隔離食泰國嘢，反正食公仔麵都咁貴。
37 瀏覽
0 讚好
0 留言
食物都老實講唔係好食，界乎普通<->難食。凍奶茶冇甜味，好似冇落到糖水咁。腸仔正常，公仔麵係cheap麵，麵質唔好食(大光麵就好食啦)，叉燒好似D炒飯叉燒粒咁大細不一。
真係可一不可再吖。
餐廳似係家庭式經營，幾個人座埋一邊傾偈講粗口。一係出外面煲煙。冇客，都要等10-15分鐘先煮到碗面出嚟。
其他食評都有提及：真係唔優做咁，員工對食客黑口黑面，講嘢粗聲粗氣，打開門口賺人錢做生意都亳無禮貌可言。
(之但係咁，我留意到佢對認識/幫襯開既街坊，態度好好多，起碼會講多句，及笑。)
呢間嘢都唔當客係客既，你估你係佐敦澳牛咩？
起碼澳牛個餐都煮得好食吖，入去被受氣都係自願吖嘛！
題外話/補充資料：
帶細路入去食飯真係要考慮下，D街坊食客大大聲講粗口，佢自己枱都男人女人小學生手抱嬰兒飲緊奶都有，粗口爛舌到不勘。
"仲要座係細路旁大談啊邊個邉個叫雞去滾，去去去... 咪又係一個窿，最緊要洗乾淨D...... "
聽郅我眼都突，好一堂性開放性教育堂。
食客又粗口爛舌，員工又粗口爛舌。大大聲談論問候母親等等，不能盡述。
小心教壞細路。
(以上食評乃用戶個人意見 , 並不代表OpenRice之觀點。)
張貼
