白石燒烤

營業中

休息中

燒野食想 試D 新野, 聽左好耐可以自己烤乳豬, 所以搵到白石燒烤。它在馬鐵尾站有接駁小巴, 跟指示就可以入到去。 附近仲有個高爾夫球練習場，唔入去都唔知。同時亦都係自助貨櫃場，好彩當日無太多貨櫃車出入。我地12點未夠入就入左去，場地好大，未見太多人。 早一日已經訂左10人餐，可有一個冷氣貨櫃，燒到一半可以入去休息下，幾好。同時場入面都有唔同的小遊戲和充氣城堡俾場內人仕去玩，當然係要另外收費。講返食物，餐入面已經包哂平常燒烤的食物，亦有海鮮 (魚、蝦、扇貝)，可以用燒烤叉或者燒烤網去燒(都有提供)。食物質素就老實普普通通，以性價比就無咩可言, 因為人平均 400。我地另外叫左乳豬，又要800左右，都係職員準備好，俾我地自己燒。跟住燒烤秘笈，用左1個小時，我地成功燒到脆皮乳豬總結, 試一次自己燒D 大型食物是一次唔錯的體驗，就看你想唔想。不過就住出去俾同樣價錢係人地燒好切好招呼你，仲要唔駛熱幾個鐘。