Bebe V

營業中

休息中

索罟灣唯一的茶座，但實景比網上照片殘舊許多許多，到驚嚇臨界點﹗存在感異常薄弱，路過多次都發現唔到，烏燈黑火陰陰沉沉靜英英。只有個四眼後生仔睇檔，連一個食客都沒有，我地可以包場慢慢嘆﹗見室外環境衛生情況未如理常，而且天氣較熱，都係決定坐室內。不幸地冷氣似有還無，唯有出動私伙風扇﹗眼測內籠裝飾擺設都比人種破破爛爛日久失修的感覺，而且絨質梳化越坐越痕，到底有否定期滅蟲及清潔？回港前一刻，是但搵個地方歇歇等開船，沒什麼要求的了﹗海鹽雪糕咖啡，不吃甜的我這個咸味真的食得過﹗賣相係完全無賣相無擺盆無裝飾可言，只係馬虎求其隊個雪糕球出黎，幸好粉藍色的海鹽雪糕係特別的，而且冰火一熱一凍、凍雪糕撈熱咖啡都十分有趣。凍朱古力咖啡 Ice Mocha，咖啡用泰象生啤杯是否太怪誕呢？我諗喜歡飲咖啡的人對器皿都會十分執著。冰太多、咖啡太少、朱古力太少，水汪汪淡茂茂，賣相可悲。