更多
2024-08-03
1073 瀏覽
雖然係香港人,但唔係住係港島區,所以真係要突登坐一個鐘頭巴士過去中環「連香樓」飲茶❤️究竟係有幾鐘意飲茶?🤣我諗而家仲有點心卡,仲會見到架點心車喺你身邊推來推去,姨姨叔叔會話俾你知架點心車有啲咩點心,你要離開自己個位出去拎點心嘅茶樓真係一隻手都數得出,買少見少!老實講,我真係坐一個鐘頭巴士過去係飲「情懷」😌今日去係平日,下午2點左右去到,上到去即刻有個人招呼我哋去其中一張四人枱坐底咗,我之前有同屋企人嚟過,不過係裝修之前,裝修之後就冇嚟過,裝修之後係真係坐得舒服好多,環境都新淨好多👍🏻話說,我好想用個茶盅飲茶🥲但嚟到係正常嘅茶壺🫖,I人嘅我又唔敢問,有無人可以話我知點解?今日我真係好肚餓,無乜影相,淨係拍咗片,基本上將啲食物掃晒落肚先醒起🤣真係I am so sorry!事後食飽先補返啲環境同點心車相,原諒我😆我哋今日食咗7個點心,分別係蝦餃、燒賣、叉燒腸粉、蒸排骨、焗蓮蓉西米布甸、炸鮮奶、酸菜豬大腸。蝦餃、燒賣同蒸排骨係正路嘢,我唔特別講。♦️酸菜豬大腸:佢係我第一次食嘅點心,酸菜佢係墊喺豬大腸嘅下面,好味👍🏻豬大腸調味都啱啱好,唔會有臭味,口感偏軟腍,軟腍得嚟又唔會令你覺得嘔心♦️叉燒腸
我諗而家仲有點心卡,仲會見到架點心車喺你身邊推來推去,姨姨叔叔會話俾你知架點心車有啲咩點心,你要離開自己個位出去拎點心嘅茶樓真係一隻手都數得出,買少見少!老實講,我真係坐一個鐘頭巴士過去係飲「情懷」😌
今日去係平日,下午2點左右去到,上到去即刻有個人招呼我哋去其中一張四人枱坐底咗,我之前有同屋企人嚟過,不過係裝修之前,裝修之後就冇嚟過,裝修之後係真係坐得舒服好多,環境都新淨好多👍🏻
話說,我好想用個茶盅飲茶🥲但嚟到係正常嘅茶壺🫖,I人嘅我又唔敢問,有無人可以話我知點解?
今日我真係好肚餓,無乜影相,淨係拍咗片,基本上將啲食物掃晒落肚先醒起🤣真係I am so sorry!
事後食飽先補返啲環境同點心車相,原諒我😆
我哋今日食咗7個點心,分別係蝦餃、燒賣、叉燒腸粉、蒸排骨、焗蓮蓉西米布甸、炸鮮奶、酸菜豬大腸。蝦餃、燒賣同蒸排骨係正路嘢,我唔特別講。
♦️酸菜豬大腸:佢係我第一次食嘅點心,酸菜佢係墊喺豬大腸嘅下面,好味👍🏻豬大腸調味都啱啱好,唔會有臭味,口感偏軟腍,軟腍得嚟又唔會令你覺得嘔心
♦️叉燒腸粉:其實佢都係正路嘢,不過要提醒同我一樣唔識芫荽嘅你🔔,佢係有芫荽嘅🫣🫣🫣
♦️焗蓮蓉西米布甸:我覺得佢真係焗得啱啱好,入口熱辣辣,可以食到西米嘅口感,布甸質地又好綿密濃厚,雖然見唔到蓮蓉(唔知佢係咪太淺色?🤣),但係完全食到蓮蓉味,總括係好味😋l like it!!!
👎🏻炸鮮奶:個奶係好味,但個皮淋哂,炸鮮奶好凍,好敗筆🥲
最後想建議返,如果你都想嚟飲茶,⭐️建議可以早啲嚟⭐️。因為太晏先嚟,有啲點心已經唔再出🥲又或者凍哂,就好似炸鮮奶咁😭其實我仲好想食蛋散,但係我又好驚佢好似炸鮮奶咁,好驚又受傷害,所以放棄了!所以真心建議,想飲真係早啲嚟!
張貼