Park café

近期開心果大熱，同一樣係開心果控的朋友覓食時發現有開心果x抹茶主題下午茶當然要一試😋環境、服務：酒店環境較舊，不過餐廳都有自然光，星期日都不多客人，計埋我哋一枱共七枱客食這個tea set，枱距尚算舒適。不過餐廳衞生一般，有蚊仔圍繞住食物飛同降落，杯同器皿有跡，只能說是一分錢一分貨😅食物：味道不過不失，沒有期望下反而覺得沒失望！鹹食方面，最喜歡是香芒抹茶芝士蝦卷😋，餅皮甜甜地幾好味，不過沒有抹茶味～因為我同朋友腸胃食不到生三文魚，餐廳願意配合轉做香煎三文魚代替三文魚他他，這點要加分！甜點方面，最喜歡是開心果麻糬綠茶蛋糕，開心果味最香濃！😋其次是開心果抹茶3.6奶凍都不錯，不過要先食奶凍再食開心果麻糬綠茶蛋糕會較好～飲品方面，pistachio matcha latte加了好似開心果油的東西浮面，有點香精味道🫣