第一次光顧，食物及環境衛生,服務員有禮貌,祥細介紹剌身品種，我們叫了調魚及生蠔非常新鲜，串串燒好味牛舌心及雞棒必食，加理粒粒珍珠抄飯無得算，下次再嚟試第二Dfood

旺區中新開的懷舊冰室💁🏻‍♀️《保頓冰室》由門面至室內裝修都充滿風格，就連音樂都不段播放住八、九十年代嘅歌曲，特別有情懷😅！ 食物方面：早餐、午餐、常餐、下午茶和鐵板扒餐都有．．．晚上6時後仲有招牌豬油撈飯餐😋😋！ 鐵板扒餐 $168 招牌牛柳大蝦，選擇咗五成熟，經過鐵板熱燒，剛好我想要的八成😊牛柳肉質應該經過輕微拍打，所以肉質特別軟腍，而大蝦亦已開邊，進食十分方便👍🏻再沾上自選的黑椒汁😋特別惹味！ 跟餐包埋，餐湯、牛油餐包、薯菜和飲品，食完超飽肚！ 叉燒煎旦豬油撈飯 $88 賣點在於加上豬油和甜豉油的白飯，重有熟蒜粒和蔥粒，每一啖無論在口感或味道都絕配，當然唔好唔記得呢隻流心蛋，撈埋啲蛋汁，全碗食哂😅！

預約4:30準時到達，但係仲要等多半粒鐘先有位，叫名入店，職員旁住㩒自助購票機，個職員話訂位嘅必需要買多樣小食或飲品，但係訂位網頁完全無提過….算 好….三件免治牛肉，只能講係不過不失，主要食醬汁醃菜味囉，叫咗杯檸檬燒酎檸檬味唔夠冇燒灼味$58，咁嘅嘢要排幾個鐘嗰啲人….無野好講 最後埋單$215…..離晒譜嘅係乜都自助，買飛比錢自助，攞雞蛋斟水自助，乜都自助居然要收加一… 預訂都要等位等咗半個鐘，食咗都冇半個鐘走黎要收嘢，我碗湯都未飲完我叫留低碗湯，跟住我杯嘢飲仲有少少未飲完趁我唔為意問都唔問又幫我收走咗，咁樣逼人走… 食到一肚氣，啲人咁樣去賺錢，運個日本招牌都用啦，人地最多笨一次啫，香港呢間無下次….完

上一兩年疫情嗰陣難食好多，現在回歸正常水平，平價食物正常，特別一提油甘魚比較一般。都算BB friendly。但可改善服務態度和衛生，地下好多嘢食，如果再乾淨啲環境舒服少少。

食過荃灣果間覺得唔錯…以為佢改左少少名開係沙田近近地就帶媽媽黎試下食肉骨茶…點知同原店完全唔同….肉骨茶一啲味都冇…水汪汪又冇料又油 原店會另外斟個湯俾你飲又有得加湯…呢個完全唔係…個湯根本飲唔到

星期六晚，我唔知食咩好，周圍行吓。行到呢度餐廳門口，有一位職員Michael 好有善好禮貌地介紹晚餐牌。餐廳所有職員服務一流，佢哋都好有禮貌同埋好有笑容👍（特別係Michael 👍👍）。食物方面好好食，我自己鍾意佢個牛肩同埋條魚，煮得啱啱好。餐廳個位都幾闊，個環境對住維多利亞海景。另外，餐廳全港首創讓客人有新穎套值得推介，佢俾客人揀一個set嘅價錢，揀完之後可以喺呢個價錢包嘅嘢食任叫。呢個模式絕對值得推介。會再嚟光顧。

見有午市套餐，價錢不太貴。 點了壽司套餐，四件壽司加兩件卷物，一碗湯烏冬、麵豉湯、沙律和炸薯餅。 魚生食落一般，唔係好新鮮，炸薯餅冇嘜特別，反而湯烏冬味道幾好，烏冬彈牙。

今次跪玻璃跪到去元朗 🐯👩🏼話要食泰國野🇹🇭🇹🇭🇹🇭 岩岩先去完泰國，仲未食夠咩🙂‍↔️ 好啦同你去多次芭提雅😈 不過喺元朗 午餐menu 全部都好吸引😛 芭提雅打拋和牛飯 🌶️ 用和牛整拋打肉係唔同啲，肉質又軟嫩,加返兩粒糖心煎蛋,簡直係星級享受❤️‍🔥❤️‍🔥 泰式濃香喇沙豬頸肉湯河 湯底有滿滿既配料,豬頸肉既份量同厚度都岩岩好,湯河質感幼滑,啖啖都食到濃濃既湯底 大蝦青木瓜沙律🥗🌶️🌶️ 好清新!木瓜爽脆,蝦肉彈牙,配埋泰式酸辣醬汁,加上大量香脆既花生，唔食得辣既就唔好食得太開心🥲🥲，辣既後勁好強，個汁真係會食上癲 追加小食 黃金蝦餅🦐 酥脆香口,啖啖蝦肉 炸香茅雞翼🐔 選用單骨雞翼，炸粉唔會太厚，加上芝麻做點綴 飛天通菜🛫🥬 呢個次次去都一定要食，份量十足，仲可以去除油膩感 奶茶雪山🥤🗻 泰式奶茶綿綿冰，茶味勁濃，食唔到甜野既我都接受到，加上煉奶同埋餅碎，食落仲有一種消新既感覺🥰🥰 芭提雅泰國餐館既午餐絕對係強烈推，唔使再去其他地方搵泰菜啦，通菜同奶茶雪山，記得追加啊🤣 回頭率100% 午餐仲有好多野未試😋😋

平時附近返工經常系度食，今次海南雞麻麻，可能轉咗師傅，冇以前咁好食。 以前食好滑，依家食冇以前咁滑，飯都硬。 仲有中午過黎食，餐牌都未睇阿姐就催落單。 服務態度差，嘢食麻麻，下次去第度食。

之前睇YouTuber介紹，所以想試一下富豪酒家。今日兩個人入到去想睇下有冇位。但我地兩個人白白企左十分鐘，先有人理我地。態度好差咁問我地有冇訂位，冇訂位就冇枱。我覺得冇位冇問題，但態度唔洗咁差同可以早少少講。雖然冇入去食，但宜家諗起佢地員工既面口就唔開胃。有機會都唔會再去，因為實在太失望了。服務態度咁差，真係唔敢再試。

昨晚去到興記菜管食飯叫咗一個臘味煲仔飯小炒王，煎蠔餅。 嗰個臘味煲仔飯份量少得驚人，臘味同飯都ok可入口，但係煲燶曬成煲飯得兩碗仔，飯價錢不合理，問過職員是這樣的窿到咁樣都可以出得畀客人，佢話煲飯冇問題我叫佢食咗佢佢轉身就走了態度不知所謂。 第二個家鄉小炒王用菜頭韭菜花魷魚一啲香味都冇，連最基本嘅蝦乾都唔落，難食到嘔，又淋淋。 第三個煎蠔餅，完全冇味跟一，碟辣椒醬鹹到七彩，跟碟辣椒醬比客。應該跟魚露。 整體成餐飯評分得30分都唔知點解咁多人幫襯是否香港人唔識食，就還是食個名。

【太子•曾三仙米線】@tsang_sam_sin.hk ππππππππππππππππππππππππππππππ 太子辣辣地好好味重慶米線 曾三仙米線係大陸連鎖店，分店超過1000間，而香港係第一間 冒烤鴨米線：這道菜結合了烤鴨和米線的獨特組合，營養豐富且味道鮮美。烤鴨的香氣搭配米線的滑嫩口感，是一道值得一試的美味料理。 酸湯腰花米線:這道酸辣湯搭配腰花和米線，口感清爽酸辣，非常開胃。適合喜歡酸辣口味的人士。 什醬肉绍土豆泥：這道菜結合了肉絲、蔬菜和土豆泥，口感豐富多樣。肉絲的醬汁和土豆泥的濃稠口感相互輝映，是一道營養均衡的料理。 鍋巴土豆：這道料理簡單卻美味，炸至金黃酥脆的鍋巴搭配軟糯的土豆，口感絕佳。適合當作下酒菜或小吃。 虎皮雞腳（3隻）：這道雞腳外皮酥脆，內裡肉質鮮嫩多汁，香氣四溢。是一道適合與朋友分享的美味小吃。 小吊梨湯：這道清甜可口的湯品適合作為一餐的開胃菜，酸甜的梨湯清新怡人。 百香茉莉茶：這杯茉莉花香濃郁，清爽怡人的茶飲，適合用來解渴消暑。總的來說，以上菜品都各具特色，口味豐富多樣，適合不同口味的人士品嚐。 餐廳環境：🔥🔥🔥🔥🔥 服務質素：⛄⛄⛄⛄⛄ 食物味道：🍾🍾🍾🍾🍾 性價比：🎟️🎟️🎟️🎟️🎟️消費 HKD 250 ✨✨✨✨✨✨✨✨✨✨✨✨✨ #太子美食 #曾三仙米綫 #web3太子 曾三仙米綫 太子花園街228號地舖

呢排睇得韓劇多，見到人食烤肉，我又心思思想去食，所以預先約左朋友喺今日去喜來稀肉度韓燒，要食返夠本😋。 我同朋友坐低之後，一樣係自己用QR code落單，而Menu上肉類種類多，仲有其他傳統經典嘅韓式小食可以叫。當我哋決定食咩之後，就出去收銀旁邊嘅水吧位置拎配菜小食。我見到有好多我好鍾意食嘅款，有辣青瓜、醃蘿蔔、泡菜、辣豆芽等，開胃又唔會鹹，亦都唔會好辣。 過左一陣…店員將啲嘢食陸續送到… 🥩肉類部分 護心肉🐖 서래갈매가 150g $158 🔸烤嘅時候保留肉汁，配上生菜🥬、辣豆芽、泡菜、辣青瓜🥒包住食，肉汁多到流出嚟🤤 辣韓豚五花肉🐖 매운한돈삼겹산 $180 🔸肉質軟嫩，味道辣辣地好開胃 喜來烤肉🐄 서래불고기 $158 🔸烤得香氣撲鼻，牛肉咬落去嘅時候，肉汁係口中散發用生菜配甜豉油同鹽等醬料，中和油膩感，層次亦豐富，正！ 炒年糕 떡볶이 $85 年糕煙韌有咬口，魚糕亦都好入味，吸晒湯汁 蟹籽紫菜飯團 날치알김가루밥 $50 韓式烤肉當然唔少得飯團喇！蟹籽綿密鮮嫩，紫菜鹹香爽口👍🏻 📌追蹤喜來稀肉IG or FB，可獲雪糕一份 📝有加一服務費⚠️

九五至尊火鍋 尖沙咀 今次嚟到尖沙咀呢間火鍋店唔單止有火鍋食，仲有刺身同泰國菜，超多選擇，而且餐廳仲做緊優惠只要follow IG同share就免費送湯底，仲可以揀鴛鴦鍋！免費湯底有四款，除咗呢四款之外其他嘅湯底可享半價，超級抵食 首先要讚嘅係餐廳嘅醬料選擇好多，醬料吧喺正餐廳正中間，而且仲擺滿咗兩張枱，客人多嘅時候都可以分開兩邊去拎，唔使等 我哋揀咗麻辣鴨血鍋同蕃茄薯仔濃湯鍋，麻辣湯底好香，但唔會太辣，而且入面鴨血嘅份量超級多食極都仲有。而蕃茄薯仔濃湯鍋都好出色，見到湯底呈現好濃嘅紅色，蕃茄味超級濃郁，建議淥嘢食之前飲返兩碗😋 火鍋食材嘅選擇都好多，價錢都唔貴，甚至比起好多火鍋店平得黎份量多，豬牛羊雞唔同肉類都有，牛肉方面我哋試咗安格斯三角肥牛，一上枱就見到賣相好吸引，肉質嫩滑牛味突出脂肪比例恰到好處，推薦😋另外仲有牛柏葉牛肚等內臟，配麻辣湯食一流，而丸類大部份都係餐廳手打嘅，我哋試咗蝦丸，口感好彈牙，味道鮮甜，好推薦 除咗火鍋之後，我哋都試咗三文魚刺身，切得幾厚，可以作為前菜開胃。另外仲試咗炸蝦餅，應該都係餐廳自己手打嘅，口感彈牙，外層炸得金黃酥脆，點泰式辣醬食一流。最後甜品方面我哋叫咗楊枝甘露，我諗應該冇乜火鍋店可以食到🤣比較特別

小朋友考完試，應承佢帶佢食pizza，唔想去食到我口歪嘅pizza hxt，帶佢哋落仁愛街間pizza monster試吓，原本630坐咗入去但太太話730先到，於是同店員講晏少少再過來，好彩冇俾人黑面，而且730返去仲特登安排定6人枱比我，服務真係唔錯，值得嘉許，咁我叫4人set餐，中size pizza(怪獸多寶，薄批)，白汁海鮮焗飯，炸雞2件，再多叫小食拼盤。咁呢間個pizza底又唔錯嘅，咬落鬆化，夠多料，我之後仲叫多個細size芝士pizza，一樣都係好食，咁焗飯算合格，但炸雞同小食拼盤就真係差少少，特別係炸雞、春卷同咖喱角都比較失色，下次都係主力叫pizza算啦！