朋友介紹到太古城附近的【AGE Cuisine Express】聚舊，點了凱撒沙律、夏威夷風情 pizza 及意式奶凍配芒果甘露，和好友享用美食，渡過了開心的一夜。

❤️凱撒沙律
以新鮮的羅馬生菜為基底，搭配香脆的麵包碎和濃郁的凱撒醬。沙律口感非常清新，醬汁的調味恰到好處，既不油膩，也不會掩蓋生菜的清脆。尤其是搭配上少許的帕馬森芝士，讓整體風味更上一層樓，是開胃的絕佳選擇。

🧡夏威夷風情 pizza
這款 pizza 的餅底薄脆，搭配豐富的配料。蕃茄醬的酸甜平衡得宜，水牛芝士的奶香濃郁，菠蘿的清甜與德國火腿的鹹香形成了良好的對比，每一啖都讓人感受到熱帶風情。

💛意式奶凍配芒果甘露
意式奶凍的口感滑順，甜而不膩，搭配上新鮮的芒果甘露，增添了一絲熱帶水果的清新。

📍美滋鍋 -旺角 @paradisegrouphk 最近好多人都問我成日都打邊爐唔悶咩？ 講真其實成日食肥牛打邊爐都有啲悶嘅！ 不過依一間火鍋店的確好唔同，依間火鍋店食緊嘅除咗係平時打邊爐嘅配料肥牛、羊、雞 、豬、餃子、主食、自助火鍋配料、蔬菜之外～ 店內其實主打好多好多不同種類嘅甜品，大菜糕砵仔糕都係比較特別嘅，好多餐廳都唔會有！竟然依一間餐廳有齊晒，自助吧枱嗰度從來都唔會有空位，因為店員會好努力補貨，唔會令到客人失望！ 自助吧超過20款甜品選擇- 提拉米蘇，懷舊碎仔及自動 Pancake機，估唔到仲會有地道小食-咖喱魚蛋、燒賣及碗仔翅等港式街頭小食～ 真心要讚一讚碗仔翅，落足材料去熬製，十分足料，醋同胡椒粉自己任加，終於唔使俾人哋話貪心🤭🤭 一入到店裏面，其實已經感覺好夢幻！ 好有少女氣氛，打卡一流📸 唔怪之得咁多朋友喺依度聚會。 我哋就叫咗旺角火紅同時性價比高既 全新甜品火鍋放題（$198起） 可以揀鴛鴦湯底，方便大家聚會嗰陣時有兩個味道可以揀，｛藥膳醉雞鍋+膠原蛋白養顏美容鍋｝ 湯底一嚟到梗係要飲咗個養顏美容湯底，奶白色嘅湯底，望到都好治癒❤️‍🩹 湯底唔會好重味精，而且仲有好豐富嘅膠原蛋白，仲有豆腐滋潤，淨係個湯底都已經值回票價！ 藥膳湯底反而唔係好重藥材味，勝在有少少醉雞嘅味道，烚牛肉都係一個唔錯，可以突出牛肉鮮味嘅湯底🙆🏻‍♀️ 店內每日營業至凌晨2時，9點後入座無限時任食，無論收工幾夜都可以同班同事或者朋友過嚟一齊食，打邊爐之餘仲有豐富嘅甜品，滿足晒男士嘅胃口加埋女士嘅兩個胃😋

第二次食哩間泰國菜，水準依然相當高，餐廳有三層，座位闊落，坐得好舒服，唔怕叫得太多張枱唔夠放 我哋兩個total叫咗三個餸，分別係麵包焗咖喱軟殼蟹、冬陰功湯金邊粉、蒜蓉炒貴妃苗，仲有千層糕同2杯野飲 咖喱軟殼蟹份量好大份，大概有兩至三隻軟殼蟹，軟殼蟹炸得好鬆脆，但依然食到好香濃嘅蟹味同埋有少少膏，咖喱調味好好，同個麵包絕配，係唔辣嘅咖喱，朋友唔太食得辣都食得好開心 冬陰功湯金邊粉，有好多海鮮，蝦、青口、魷魚，份量十足，亦都好抵食，只係$88，呢個必叫，冬陰功湯底冇得輸 蒜蓉炒貴妃苗，依然好大份，蒜蓉炒出嚟好香好有鑊氣，推薦！ 最後叫咗個千層糕，上枱時連隻碟都係暖嘅，仲要面頭有椰汁，好香好軟滑 兩杯嘢飲都好飲，青檸梳打正常發揮，芒果沙冰真材實料，一啲都唔假 係一間會食第三次嘅餐廳

⭐️T.Co為菲律賓人氣美食之一⭐️ 佢係菲律賓有連鎖品牌特色烤卷，當地有超過600間分店 憑著秘製滋味醬汁以及高質食材，成功俘虜萬千國民 佢係舊年12月登陸香港，總共有4間分店，咁岩有間好近我，係觀塘，所以去試試佢～ 而家做緊優惠$75就有兩件烤卷，$95有兩碗大碗飯，$60有兩碗細碗飯，咖啡買一送一，優惠超級抵！ 🔸牛肉烤卷 呢個有驚喜，牛肉碎粒夾係裡面，容易咬開，裡面有蕃茄青瓜，健康又好味，配合獨有的醬汁very good 🔸雞肉烤卷 唔食牛嘅你可以試吓雞肉，同樣都好味😋都係好清新好健康 🔸牛肉大碗飯 啲飯係黃色，係菲律賓特色飯，同樣都係牛肉碎配菲律賓獨有的醬，加蕃茄片青瓜片🥒 🔸即磨咖啡（凍） 咖啡可以自己落糖，所以唔會太甜，好濃咖啡味 之前都未試過菲律賓菜，原來菲律賓菜都咁好味，唔怪之得係菲律賓人氣美食之一，好開心進駐嚟香港🇭🇰

第一次試中環中東菜，聽講好抵食，今次嗌咗chef’s menu🤤 飽到食唔落🤣 【MEZZE PLATTER】 鷹嘴豆泥配扁餅食真係好正！個人好like✨亦有中東乳酪配新鮮菠菜，仲有幾款腌菜！夠晒開胃😆 【HONEY BAKED FETA】 蜜糖配上炸薯仔絲，口感脆卜卜，超級yummy!仲有芝士喺裡面添！✨ 【CHEF'S SPECIAL】 今日係香辣八爪魚配上新鮮芒果，酸酸辣辣咁，好惹味👍🏻 【MAITAKE MUSHROOM】 驟眼睇以為燒蠔，原來係生菜配菇，加埋沙律醬Yum!🤤 【LAMB RACK】 烤羊架配開心果牛油+鹽膚木乳酪醬，新鮮配搭，羊肉煮得啱啱好👍🏻 【GRILLED BEEF KEBAB】 烤牛肉串配番紅花番茄醬，加上古斯米沙律，滿滿藜麥！牛肉口感比較散，同平時食嘅唔同～ 【TABOULI】 塔布勒沙律裡面有好多杏仁粒同埋藜麥！！ 【SPICED RICE】 番紅花果仁飯，又係好多香料同埋堅果！ 【KONAFEH】 好有中東特式嘅甜品！金絲蜜酥口感好似炸米粉，配上雪糕，再淋上玫瑰糖，正😆👍🏻

打邊爐除左要個煲次外，湯底就最重要。餐廳有多種唔同風味既湯底，由重慶雞煲、冬瓜盅到海鮮湯都有，梗有一款岩食。而且仲免收加一、茶芥同醬油費。冇左咁多隱形收費抵食好多 🍲鮑魚花膠冬瓜盅 湯頭鮮甜清潤，鮑魚肉質彈牙，花膠膠質豐富，冬瓜清甜解膩。成煲都好滋潤養生 🥩安格斯肥牛 肉質鮮嫩，油花分佈均勻，入口即溶 🐙蟹子墨魚滑 口感豐富，每一口都能吃到彈牙的墨魚滑同脆卜卜既蟹子。令人驚喜 🐂黑栢葉 口感爽脆，因為冇漂過，建議烚10零秒就好食，過時會影響口感 🐖黑豚肉 肥瘦適中，口感軟嫩。肉味濃郁 🎋竹笙 口感滑嫩，吸滿哂湯汁既精華。清甜爽口既竹笙與濃郁既湯底相得益彰

🐻夏日依然熱辣辣，🐻👨🏽打邊爐既癮都停不了。今晚揾左間地點就腳既唐坊食，係正旺角同油麻地交界，好方便食完返歸。上到譽發廣場23樓的唐坊火鍋私房菜，入眼係大玻璃高處欣賞到旺角既景色，真係去左旺角咁多年都係第一次用咁個視野望。 🐻👩🏻想食酸少少，點左個蕃茄薯仔牛牛鍋，店員介紹可以先飲一碗湯先開始打邊爐，飲落一股香濃蕃茄味，清香舒服，唔好睇小湯底既牛肉，食落好有肉味又唔柴口，真係深藏不露。 口痕痕叫左個椒鹽粟米，一上枱就好香椒鹽味，粟米香甜多汁，椒鹽好入味，打開哂🐻👨🏽既胃口。 🐻打邊爐點少得食牛肉，來碟頂級手切肥牛，燙幾下入口牛味濃烈，口感嫩滑。韮菜餃拼蟹肉餃，外皮同餡料比例啱啱好，食到韮菜既甜同蟹肉既甜。 🐻之後既手打蝦滑，蝦肉新鮮彈牙，味道鮮甜。食左咁多肉梗係食下素，蜂巢豆腐口感綿滑，台灣豆腐紙好濃豆味，食落係一種嫩滑既感覺，兩種豆製品都好有質素。成餐邊爐都係重質不重量，🐻👨🏽食完都好滿意，開開心心咁返🐻居。

香港嘅夏天真係唔講得笑🥵日日都3x幾度 天氣太炎熱，梗係要買飲品解下口渴😏 「李圓圓」是出名的台式飲品店鋪 不過我今次都係第一次試飲😏 去到門口都已經見到有人排緊隊， 現在有咗手機程式下單，生意唔錯， 客人亦都可以預時間，不用在門口等太久👍🏻 見到職員好用心煮「珍珠」😅 而且每杯飲品都可以自選甜度，冰块多少🧊 奶茶到手後，飲一啖覺得果然名不虛傳！ 可能因為奶茶嘅甜味係自選，所以剛剛好👍🏻 珍珠十分有口感，煙煙韌韌😋 📍李圓圓 荔枝角億利工業中心大廈地舖

好想食火鍋 又想健康D 🤫 我地見鍋霸開幕五周年推出全新時間自主吃到飽火鍋套餐勁抵Wo🤓衝左去食 可揀120分鐘或者加$40就變無限時任飲任食🤐 120分鐘套餐7:30離場最平$219就食到🙆🏻‍♀ 自由地揀想食幾耐都得 我地就揀左第二級任食美國 Prime Grade 極上牛頸脊及西班牙伊比利亞黑毛豬 兩款肉都好靚 叫左好多不同的火鍋料 大大滿足 🥘鴛鴦鍋湯底 養生椰子雞涮涮鍋 較為清甜 養生蟲草花桃膠雞涮涮鍋 濃郁雞湯 送Shake Shake鹽酥雞花枝丸 有不同的味粉 任飲大量台式飲品 冷泡茶 如果叫多d朋友食每四位額外送多一碟價值$168手切安格斯prime grade 牛肉 第三個級別牛肉套餐 每兩位送多一碟價值$168手切安格斯prime grade 牛肉 📍鍋霸吃到飽台式養生火鍋 (創興廣場) 📌旺角彌敦道601號創興廣場4樓

這間位於旺角的【阿來泰式地道風味】，主打泰國菜，晚市除了有單點外，還有幾款二人及四人套餐供應，而且食物價錢貼地，份量十足，性價比高。 阿來海南雞飯 任何飯麵包熱飲，海南雞已去骨，雞皮皮下脂肪少，雞肉嫩滑，油飯很香。 泰式小食拼盤 有蝦餅、魚餅、雞翼及春卷，炸物即叫即做，新鮮熱辣，蝦餅炸至金黃香脆又彈牙。 泰式炒雜菜 有芥蘭、椰菜、粟米筍及菇，炒至翠綠又爽脆。 燒豬頸肉 豬頸肉加了些泰式香料醃製，十分入味，表面燒至焦香。

簡單家人生日晚飯 本來諗住就腳，近紅磡站，方便家人，沒有太大期望。估唔到喜出望外！ 點了一個四人套餐及一鴨兩食的片皮鴨、鴨鬆四季豆生菜包。 四人餐包括燒味拼盤，上湯蕃茄白菜仔，韭菜炒帶子，黃金大蝦，蒸石斑，還有甜品芝麻卷。 食物質素不錯，特別條魚又鮮又滑，黃金蝦好惹味，加上白菜仔中和下，整餐飯變得無咁油膩。 同時侍應服務周到，近年係香港較少遇到， 食得咁平都有呢個服務態度🙌🏻🙌🏻🙌🏻 仲有估唔到平日晚上都全場爆滿， 食得開心有氣氛！ 本人沒有收取任何利益！