I had the opportunity to visit Udatsu Sushi in August. Located in the historic FWD House 1881, Udatsu Sushi offers a refined and modern take on traditional Japanese cuisine. The restaurant's intimate 12-seat setting, combined with contemporary art and jazz music, creates an elevated yet welcoming atmosphere. 

The eel nigiri was particularly memorable, and is a must-try for seafood enthusiasts. This Hong Kong signature item combines the rich texture of premium eel with a delicate sweet soy glaze, which enhances the natural umami flavors of the fish. 
The overall service was excellent and the staff were also warm and friendly. Looking forward to come back again, when I visit Hong Kong!

經常行過灣仔見到這棟古舊建築都好想進去，今次終於都有機會到訪喇😆 原來餐廳由地下到3樓都係不同餐廳及酒吧，而裏面既裝修風格好似1881咁，充滿外國風情😊 這次我是為了它的任飲任食來的，價錢是$388位🥰 前菜： ❤️意式前菜分享意大利冷肉拼盤 Parma Ham及Salami的質感油潤，味道咸香好惹味。 ❤️南意街頭水套：脆炸海鲜 橄欖配肉及芝士麵團炸到外脆內軟。 ❤️蕃茄青瓜沙律 蕃茄青瓜味道清新。 ❤️外婆燴肉丸 是日我最喜歡的前菜，大大粒肉丸配上濃郁茄醬又惹味又可享受大口吃肉的感覺。 ❤️燉小八爪魚配薯仔及番茄醬 充滿八爪魚鮮味。 ❤️焗千層芝生茄子配番茄盤（另加$80/份） 茄子煮到好軟淋，加上大量的蕃茄肉醬浸泡著茄子，每一口都令人有種食肉醬千層麵的感覺。 手工薄餅： 🍕番茄羅勒水牛芝士薄餅 🍕開心果青醬火腿芝士薄餅 🍕辣肉腸薄餅配查彻特拉水牛芝士 喜歡吃辣的可以試一下喔。 🍕四色芝士與風乾火腿薄餅 是日我最喜歡的Pizza，風乾火腿咸香香口，四色芝士厚度感覺比薄餅皮還厚，每一口都是芝士配用的滿足感。 🍕西西里鯷魚歐芹油封車厘茄沙律薄餅 （另加$80/份） 手工意粉： 🍝貓耳朵意粉配香草汁 🍝法邊豆及油漬風乾車厘茄 🍝傳統卡邦尼手工幼蛋麵 芝士味極濃郁，表面點綴的煙肉外皮香脆，內裏油脂四溢好棒。 🍝海鮮寬條麵（另加$80/份） 是日我最喜歡的意粉，海鮮味好濃郁，寬條麵吸收了蕃茄汁海鮮的味道。 甜品： 意大利芝士蛋糕 感覺食意大利菜都要食Tiramisu 的，Tiramisu的質順滑，味道濃郁，可以無限食是開心的。 食完飯後和朋友飲番2杯，享受一下悠閑下午都不錯呢。 無限暢飲2小時： 🍷指定汽水、氣泡水及礦泉水（$80/位） 🥂意大利氣泡酒（$100/位） 🍸啤酒、意式氣泡雞尾酒及濃咖啡馬天尼（$200/位）

今天阿美放工後喺中環附近試咗一間好特別嘅慢煮炸雞翼店🍗，佢哋提供雞翼放題，限時90分鐘，只係$188一位，任食10款唔同口味嘅雞翼，仲有汽水任飲🥤。 雞翼口味： 1. Buffalo 水牛城醬：微辣帶酸，啱啱好開胃，食完有種想再嚟多隻嘅感覺🌶️ 2. Cajun 紐奧良香粉：香料味十足，混合咗多種香草，味道非常豐富，啱晒重口味嘅朋友🌿 3. Cali 加州風情：清新帶點甜味，上面仲放咗芝士粉，增添咗一份奶香，絕對係意想不到嘅驚喜🧀🍋 4. Espresso 咖啡燒烤醬：獨特咖啡香氣，帶少少苦味，卻又唔會搶味，幾特別嘅選擇☕ 5. Hoisin 中式海鮮：有啲似海鮮醬，帶出中式風味🦪 6. Lemon pepper 檸檬黑椒：酸酸辣辣，黑椒味帶嚟一陣刺激，食完非常醒胃🍋🌶️ 7. Carolina Reaper 死神辣醬：超級辣！辣到舌頭都麻痺，挑戰辣味愛好者嘅極限🔥 8. Mongolian BBQ 蒙古燒烤：燒烤味香濃，帶出肉嘅鮮味，幾香口🍖 9. Ranch 田園風味：奶香濃郁，醬汁滑溜，帶出一種清新嘅田園風情🥛 10. Thai Sweet Chilli 泰式甜辣：甜中帶辣，味道層次分明，每一口都係新鮮嘅感受🌶️🍯 呢間店對於喺中環返工嘅朋友仔嚟講真係非常方便，價錢又相宜。每一日放工都可以去Wings night，試晒唔同口味嘅雞翼，真係一個唔錯嘅選擇！😋 💰雞翼放題 （汽水任飲）- $188pp. 雞翼口味： - Buffalo 水牛城醬 - Cajun 紐奧良香粉 - Cali 加州風情 - Espresso 咖啡燒烤醬 - Hoisin 中式海鮮 - Lemon pepper 檸檬黑椒 - Carolina Reaper 死神辣醬 - Mongolian BBQ 蒙古燒烤 - Ranch 田園風味 - Thai Sweet Chilli 泰式甜醬 📍Wingman (閣麟街) (中環) 中環閣麟街37-43號祥興商業大廈6樓

🍴TASTING MENU 6-Course $888 餐前小食 要兩種麵包，分別配咗蒜香醬同埋欖角醬！ 香脆，淺色嗰種重牛油香鬆化！ 仲有個鵝肝慕絲，幾香濃開胃！ 魚子醬配 黃酒，柑橘，鮑魚 好清香嘅黃酒味，鮑魚爽彈，魚子醬微微鹹香，釣出鮑魚更鮮味！ 豬腳薑配 八珍甜醋泡沫，初生蛋，馬鈴薯蓉，糖薑 冇諗過咁夾，食落去有醋嘅香甜，蛋嘅濃郁，豬腳做咗果凍有口感，冇咗平時食薑醋嘅辛辣肥膩！ 是日例湯 南瓜蟹肉，好濃郁南瓜味，仲有蟹肉鹹香，好飲！ 香煎本地馬友配 四川奶油醬汁 個皮煎得香脆，魚味清香，四川汁似酸菜嗰種，微微酸辣，好食的。 燒牛柳配 黑蒜頭，蘆筍，松子，雞油菌，松露醬 牛扒三成熟，嫩滑牛味出，個松露醬鹹香就蘆筍爽口。 牛油煮本地龍蝦配 紅腐乳，黑椒汁，椰子泡沫 +$150 龍蝦新鮮爽彈，勁甜，紅腐乳係南乳菇菌，個味太出了，椰子沫清香。 椰子糖雪糕配 馬蹄凍，南瓜子酥 好有香港特色，椰子糖味出又唔甜，馬蹄凍有口感爽口，仲有脆脆添！ 咖啡 有拉花，正常偏苦！ 推薦指數: 8/10 打卡勁靚，係古蹟1881食飯有feel！嘢食係香港Fusion法國菜，好有香港特色又夾到高級fine dining，好食又特別，服務幾好，仲有得慶祝生日！

朋友鍾意食自助餐，所以趁佢生日，請佢食呢間評價都唔錯嘅自助餐。 位置非常方便，就在1881對面。海鮮款式不算很多，但質素不錯。雖然冇生蠔，但係有兩款青口，都清甜。特別鍾意佢將蟹肉和蟹身分開盆，蟹肉非常鮮甜，啖啖肉，大愛❤️ 刺身主要有三至四款，不過不失。熟食方面款式都不少。特別多款式的是甜品，無論是蛋糕、雪櫃的凍品，都非常多，啱晒甜品控🍰 之前有同酒店講是朋友生日，所以有一個生日happy birthday 碟，不錯。價錢方面，優惠價買一送一尚可接受，如果正價，就不建議了。

Luma位於1881，白色的拱門和精緻裝飾，展現古典的英式風格。坐在室外露台，天花上的吊扇，枱上鮮豔的花朵，增添浪漫氛圍，營造輕鬆自在的用餐環境。開揚的景觀和綠色庭園相得益彰，是在陽光明媚午後，享受微風，慢活而愜意。 Luma午餐 前菜/主菜/甜品 $348任選三款，自由Mix & Match，可以選2前菜及1主菜，或是前菜/主菜/甜品各1款，愛吃甜品都我，自然不會錯過了! 前菜: 炸三黃雞小腿 炸小雞腿外皮金香酥脆，內裡鮮嫩多汁，配上紅咖喱香濃菌汁，帶有淡淡的惹味微香，搭配的油浸蒜頭、炸舞茸菇，則保留菇類的鮮美，增添了香氣與風味，口感豐富。 蕃茄蝦湯 蕃茄蝦湯色澤鮮豔，湯底香濃酸甜，清新的蕃茄香與蝦肉的鮮美襯托，十分開胃。灑上法蔥碎，入口清爽，讓人一口接一口。 主菜: 海螯蝦（+60） 海螯蝦彈牙、鮮甜，香脆的撻皮充滿牛油香，內裡填滿彩椒粒，倒上海鮮濃湯， 啖啖鮮香滋味，加上柔滑的白汁點綴，鮮甜黏稠，讓人欲罷不能。 牛柳（+98） 厚身的牛柳，肉質鮮嫩，燉有機大蔥的甜味，與香脆的炸舞茸菇伴碟，味道濃郁。牛柳入口軟腍，咀嚼間充滿香盈肉汁。香濃的牛香令人迷醉。 甜品 黃豆豉焦糖布甸 布甸香滑細膩，焦糖的甘甜，配上黃豆豉的風味，帶來驚喜。蜜糖的甜度恰好，百香果的脆脆則增加咬感，令整體更加吸引。 12年陳皮朱古力梳乎厘撻 配牛奶雪糕 切開朱古力撻，濃稠的朱古力醬，沁出輕輕的陳皮清香，形成獨特風味。牛奶雪糕十分滑順，給人完美的味覺享受。

最近天氣熱真係比較中意食d比較開胃d嘅越南野, 上星期就同幾個朋友仔一齊去左尖沙咀YMCA嘅再臨閣食自助晚餐, 今次E個全新「仲夏情迷法越夜」自助餐主打法式越南菜! 餐廳環境闊落, 落地大窗, 面對1881, 更可以望到整個尖沙咀夜景, 五光十色! 除左有無限量供應嘅冰鎮海鮮好似波士頓龍蝦、麵包蟹、雪場蟹腳、琵琶蝦、青口等等, 仲有多款精選越式冷盤：法式牛脷凍、法式肝醬、越式燒豬頸肉沙律、越式豬肉碎沙律伴七彩蝦片等等, 車車就最喜歡佢個越式燒豬頸肉沙律口感清爽醒胃, 燒豬頸肉香口惹味 熱葷方面有越式咸檸蒸魚、法式鴨腿燴白豆、越式蕃茄燴牛面頰、即煮越式牛湯麵檔、蜜糖法國芥茉焗豬排骨、越式燒雞、巴黎牛油焗田螺、炸越南豬肉春卷等等, 咸檸蒸魚、越式燒雞、燒原條有骨西冷、即煎虎蝦、即煮鮑魚同焗田螺都係encore之選, 食完咁多野, 最後就一定要食埋個即煮越式牛湯麵, 湯汁濃郁入味, 加入魚露、青檸、辣椒粒等更惹味! 甜品一定係另一個胃, 一入門口就已經見到多款精緻法越甜品, 例如劇院蛋糕、法式國皇餅、法式杏仁甜餅、瑪德蓮、咸檸檬撻、香蕉煎餅、越式焦糖布丁、越式水果撈、自製珍多冰等, 當然唔少得仲有哈根大師雪糕, 車車就最中意個劇院蛋糕同朱古力心太軟, 朱古力特濃而且又唔太甜, 朱古力愛好者必食!

星期二同老公一齊到尖沙咀1881 LUMA食lunch。餐前麵包係酸種麵包，外脆內軟，配蒜油同欖菜蓉，可以refill。醃製三文魚
三文魚新鮮肥美，夾住柑橘同獨特醬汁，好食。三黃雞小腿
雞小腿用咖哩粉醃完炸，肉質軟嫩多汁，配菜舞茸菇非常好味。海蜇蝦酥皮盒裝住隻蝦同其它材料，倒入龍蝦湯，好似變奏版既酥皮龍蝦湯，美味。牛柳
牛柳口感軟腍，有牛味，係靚牛。黃豆豉焦糖芭菲
上層係黃豆豉布甸，下層係雪葩，中間仲夾住鹹花生，好特別既甜品。12年陳皮朱古力梳乎厘撻
陳皮朱古力撻帶微微陳皮味，內餡係朱古力漿個種，配以九龍維記牛奶雪糕。飲品叫左咖啡同檸茶。

餐廳位於前身係水警總部嘅1881，環境靚，食物都靚，坐得舒服，又多一個打卡好地方！食完個中午飯，仲可以繼續喺1881行吓影吓相。 最鍾意佢嘅露台位置，影相好靚呀，如果天氣涼少少坐喺出邊仲正！ 食物方便可以2、3、4道菜都得，食多食少任君選擇。雖然係食中午，但係啲菜式都好精緻，侍應小姐每道菜都有介紹俾我哋，服務一流！ 特別推介，餐前麵包，熱辣辣，配埋啲自製醬汁！ 腌製三文魚 記得加埋柑橘一齊食，原來三文魚同柑橘係咁配！ 餐湯，蕃茄湯，蕃茄味夠濃味！ 牛柳配舞茸菇，菇類原來唔可以煎得咁好食，加咗牛油煎好香！ 黃豆豉焦糖芭菲 好靚呀，啲花花喺度裝飾，唔係太甜，上邊啲軟身布甸好味！

1881環境優秀，好有復古風味 LUMA食物質素好高，好有特色同創意🌟 服務又好好，好親切(⁎⁍̴̛ᴗ⁍̴̛⁎) 枱與枱之間距離遠，環境吾會太嘈 佢地既set dinner CP值高 吾係份子料理，一定夠食～～ 食物fusion，又好好味🤤 ✨餐桌麵包🥯 佢哋嘅麵包一啲都唔簡單 兩款都口感鬆軟，又鬆化 仲有兩款醬配合，蒜蓉🧄同蘑菇 兩款醬都好夾 ✨蘑菇撻🍄 撻用左兩種菇，上面有炸過既蒜絲 再有少少綠色檸檬草，淡淡香味 口感好creamy😍 ✨魚子醬配黃酒，柑橘，鮑魚❤️ 呢一道料理襯比較crispy既香檳 🥂襯鮑魚 上面有黃酒jelly ，蘋果絲 點綴食物既層次感，又吾會喧賓奪主👍🏻👍🏻 ✨ 豬腳薑配八珍甜醋泡沫🌟 平時都吾中意食豬腳薑，但呢個fusion方法 大開眼界，好值得一試 初生溫泉蛋，馬鈴薯蓉，糖薑，甜醋 容易入口，吾會太搶既味道👅 ✨ 是日例湯🍅 原先底部有青蔥油加brother cheese 上菜時再淋上蕃茄龍蝦湯 湯好濃厚，有鮮蕃茄香氣～～ ✨ 香煎本地馬友配四川奶油醬汁🐟 上菜時馬友配青蔥油，再淋上奶油醬汁 有點似酸菜魚汁既味道👅 ✨ 燒牛柳配黑蒜頭🧄 蘆筍，松子，雞油菌，松露醬 牛柳口感100分💯肉質一流 係未食過既口感，本身都濃牛香味 ✨ 牛油煮本地龍蝦配紅腐乳 紅腐乳配黑椒汁，好入味 旁邊再有龍蝦🦞 椰子泡沫有清新味道 ✨椰子糖雪糕配 馬蹄凍，南瓜子酥🍮 上面有蓮藕片脆片 椰子糖雪糕🥥吾會太甜，好鬼香椰子味 下面係馬提糕再有椰子金寶碎 成個甜品勁好食😋 本身set已經包welcome drinks🍸 一杯係橙汁🍊特飲，一杯係莓汁 另外仲有餐茶～～ 我地另外加左set wine🍷 佢地好精心設計 三杯都為吾同食物配合 香檳🍾，白酒，紅酒，甜酒😆 成餐都好精緻，好細心，好專業🌟🌟 慶祝生日🎁，節日，紀念日好值得一去

近來北上搵食成風，加上又到暑假，見到好多酒店嘅自助餐都推出好多優惠吸客。今晚嚟到尖沙咀「港青」嘅「再臨閣」餐廳食自助晚餐，又可以大擦一場。因為之前都嚟過，佢哋嘅剎食位喺環境，餐廳嘅座位絕大部份都喺挨窗，而落地大玻璃窗外嘅景正正喺對住文化中心或1881，景觀極之開揚，今次早嚟到，仲睇到少少黃昏景緻。整個場地嘅佈局都算幾歸一，一入門口右邊就喺食物區，順路直入，左右兩邊擺放晒各款食物，唔會東一忽，西一忽。而呢期自助餐嘅主題喺「仲夏情迷法越夜」，顧名思義，主打喺啲法國同越南菜式，相信好多人都鍾意。價錢方面，平日成人嘅原價要$668，不過，實際喺有6折，折實咗收$468。沙律、生果、冷盤小食 自助沙律吧有兩款沙律菜、10多款配料、5款醬汁，唔算好大陣容，亦喺常見嘅款式。反而，亮點晌幾款預製好嘅沙律：越式燒豬頸肉沙律、越式扎肉涼伴檬粉、越式豬肉碎沙律伴七彩蝦片。此外，仲有好多款的的骰骰嘅冷盤小食，賣相吸引；而近門口嘅甜品區放有4款新鮮生果，正好為小弟嘅頭盤DIY加多幾分健康。先登場喺砌咗一大碟「頭盤」，將上述嘅沙律、生果、冷盤小食樣樣執啲。啲沙律菜、生果確喺新鮮，預製好嘅沙律都亦有特色，試咗3款冷盤小食，當中嘅法式牛脷凍同越式大蝦薯仔沙律有意外驚喜。食罷大有開開胃之效，等陣就可以食多啲嘢。凍海鮮盤、凍肉盤 雖然無生蠔供應（熱盤有焗蠔），但所提供嘅凍海鮮有松葉蟹腳、龍蝦鉗、麵包蟹、波士頓龍蝦、大蜆、龍蝦仔、熟蝦及青口，再佐以幾款汁醬，如辣椒豉油、咯嗲汁、泰式沙律汁及檸檬角。凍肉盤嗰邊，就有莎樂美腸、煙三文魚同無骨黑椒豬柳。帶住回本心態，食凍海鮮喺走唔甩嘅選項，又喺砌咗一大碟凍海鮮加冷切肉返嚟，質素算唔錯，波士頓龍蝦啲蝦肉好爽彈，仲要有咁多膏添，啲龍蝦鉗最討人心，因為拆咗半殼，一拉出嚟就有得食，熟蝦亦非常之鮮甜。另外，搭單夾咗件南京鹽水鴨，嫩滑鹹鮮喎，好食。餐湯、麵包籃、芝士拼盤 跟住落嚟介紹下餐湯，一般自助餐都會供應一款中湯，一款西湯，呢度就有木瓜排骨湯同甘筍忌廉湯，而麵包籃內有多款軟包、硬包。此外，仲有法式蒜茸多士同法式肝醬配法包。芝士方面，都提供有成4款，包括藍芝士、高達芝士、金文畢芝士及車打芝士，呢幾款芝士我都好鍾意食。食完兩輪都喺凍嘢，喺時候飲少少熱湯暖番個胃，小弟今次無飲西湯，改試啲中湯，再配金文畢芝士拉蒜蓉多士、法式肝醬拼法包。個中湯幾夠老火，味道清甜，啲蒜蓉多士本身就脆口好食，加埋啲芝士，就更加正啦。刺身、壽司、越南米紙卷 食自助餐好就好在多嘢揀，但始終都試唔得晒所有嘢，總要有取捨。刺身、壽司、越南米紙卷今次雖然無試，但睇落啲質素唔錯，友人試咗就話幾好食，尤其啲米紙卷，捲住生菜、青瓜、甘筍,、粉絲、雞絲同扎肉，非常清爽有口感。越式牛湯麵檔 既然主題有越南元素，粉麵檔當然主打變成供應越式牛河啦。我就黐人哋碗河粉嚟試試，確喺唔錯喎，個牛骨湯濃而不濁，除牛肉、牛腩、豬肉丸，仲有好多配料。河粉唔啱嘅話，亦可以揀檬粉或金邊粉。慢煮鮑魚、燒美國肋骨牛肉、扒大虎蝦、熱盤 喺時候都介紹吓啲熱嘢啦，佔嘅區域亦都較大，鮑魚、燒牛肉、扒虎蝦自然喺亮點，而其他嘅熱盤都有好多款式，憑相記錄包括有炸越南豬肉春卷、香茅羊T骨、黑松露牛油焗蠔、越式燒雞、蒜茸魚露炒菜、芝士忌廉焗薯仔、巴黎牛油焗田螺、蜜糖法國芥茉焗豬排骨、法式鴨腿燴白豆、越式咸檸蒸魚、越式蕃茄燴牛面頰、椰香斑蘭飯……等等，睇名都知有唔少喺主題菜式。小弟就一口氣砌咗一碟熱食，胃納有限，都喺揀啲心水嘢。鮑魚果然好入味，口感柔韌有咬口；肋骨牛肉肉味濃，T骨羊亦比預期 好，燒得焦香，肉質軟腍；扒虎蝦亦都好正，蝦肉極之彈牙，充滿蝦鮮味！仲有，焗田螺同焗蠔都好食。食完都有八乘幾人飽，想再食多一轉熱盤嘢都有啲難，因為，留肚嘆甜品。甜品區 所有甜品都擺晒喺近門口一處，款式多，又色彩繽紛，更有唔少喺主題甜品，細細一數，有歌劇院蛋糕、法式國皇餅、法式檸檬撻、法式杏仁甜餅、西米香芒、越式焦糖布丁、咖啡奶凍、香辣馬卡龍、柚子果凍、法式焦糖燉蛋……等等，賣相確喺吸引。都仲未完，另一邊仲有好幾款，包括法式蘋果批、越式水果撈、心太軟、香蕉煎餅。小弟就睇啱蘋果批同心太軟喇，一定要試試。最後衝刺，連埋心太軟就一口氣掃咗11款甜點，算喺試咗絕大部份款式。綜合而言，質素比預期好，歌劇院蛋糕同法式檸檬撻做得好有水準，辣味嘅馬卡龍幾有驚喜，而柚子果凍食起嚟好清爽，焦糖燉蛋就醇甜嫩滑富蛋香。心太軟亦都好唔錯，雖未至好流心，但內心軟滑濃郁。Häagen-Dazs雪糕 結尾，個胃仲有虛位，加上見有啲口味未食過，就試番兩杯：柚子馬卡龍同抹茶口味。雪糕嘅質感軟滑富奶香，前者柚子味十足，又有啲馬卡龍碎碎混在其中，而後者嘅抹茶味非常突出。飲品自助區  雖然無乜點影到自己飲乜，其實，成晚用餐就不停飲果汁，到最後就咖啡配甜品，食完晒嘢，沖杯檸茶嚟舒緩吓！此外，仲有好多唔同口味嘅茶包，用上川寧，算有誠意啦。今晚算喺試咗唔少嘢，整體嚟講感覺唔錯，尤其一啲主題菜式，加上環境又幾舒服。

今次同朋友慶祝 喺1881行完街去嘆番個OMAKASE🥰 💗 體驗下5星級服務同食物質素🤩 一直是人生必到list之一 餐廳會按照返食材嘅新鮮程度才會推介✨✨ 瀧 TAKI HKD2280 - 3 Appetizers, 3 Entrée, 8 Sushi, Soup, Dessert 賣相全部都好精美喔😍😍 ✿ 前菜 - 3道 ✿ 🔸刺身:瀨尿蝦 - 蝦蛄 蝦蛄十分原整 蝦肉鮮滑彈牙 入口即化 咀嚼下頓時甘香四溢 另配以酸汁開胃 提升鮮味 🔸北海道牡丹蝦他他 甜美鮮嫩的牡丹蝦配以酸甜的蕃茄啫喱作為夾心層 加上龍蝦蝦膏奶凍 搭配濃郁的蝦膏 口感滑溜細緻 面頭有 Royal Caviar 魚子醬 Mix埋食層次豐富🥳 🔸北海道北寄貝 肉質細嫩飽滿 鮮甜多汁 配以酸甜柑橘果肉果皮 酸甜適度 加上爽口的青色蓮芋莖 清新怡人 ✿ Sushi Time - 8貫 ✿ 🔸伊左目: 肉質細嫩 口感肥美油香十足 🔸石垣貝: 質地緊實爽口 爽口且fresh🤣🤣 🔸帶子: Q彈爽口 肉質飽滿鮮甜 近乎入口即化 🔸魷魚：口感軟林 好食🦑 🔸赤鯥魚: 魚香氣十足🐟 肉質鮮美肥嫩 油脂豐富香醇 🔸縞蝦: 縞蝦相當罕有 比較少香港人認識 當造期是3月-7月 師傅即場剥殼👍 肉質飽滿彈牙 鮮甜可口 微帶海鮮風味 🔸太刀魚: 面頭經過炙燒 肉質細緻柔嫩 魚鮨味香濃 🔸海膽: 真係我最愛！滑口細緻 鮮味十足😍 ✿ 卷物 - 1貫 ✿ 🔸沙甸魚: 清淡爽口 配以爽脆可口的蘿蔔蔥除腥 風味獨特 ✿ 熱食 - 1道 ✿ 🔸平貝: 嫩滑細緻 清甜多油脂 配以鮮香烏魚子鹹香十足 估佢唔到又會咁match😋 🔸金鯛魚立鱗燒: 鱗片焦脆 肉質肥美鮮嫩🤤 另加入紅椒油醋汁及日本青椒仔提升風味~ ✿ プリンの卵焼き - 1道 ✿ ✿ 湯品 - 1道 ✿ 🔸玉子布甸: 綿密滑嫩 蛋香濃郁 微清且醇厚 🔸湯品 十分清甜 很夠熱呢!! 接下來的甜品為這頓豪華的日式料理畫上完美的句號😍 店員為我們由原先的綠茶換上了焙茶🍵可見其貼心之處 ✿ プリンの卵焼き - 3道 ✿ 1️⃣🔸Dessert盒子甜品 - 4款 ⭐️椰子冰條: 以新鮮椰子汁製成 清爽甜潤 菠蘿香甜 ⭐️日本靜岡縣鹿肉蜜瓜: 當季新鮮蜜瓜完美融合 ⭐️青提子沙冰: 以新鮮青提子製成清新沙冰 紫蘇花好fresh🌸 ⭐️艾草杏仁餅: 內餡為香濃的黃豆粉Butter cream 大滿足 2️⃣🔸豆乳奶凍福袋: 以濃郁香醇的豆乳為底 製成綿密滑順的奶凍 餅底為脆口的炸腐皮 一冷一暖感覺很特別 ~ 3️⃣🔸黑芝麻朱古力: 賣相似中式芝麻卷 以香濃的黑芝麻朱古力為餡料 內面有脆米增添口感和層次 兩個女仔食 份量岩岩好❣️ (不會飽過頭 呢點值得一讚) 而且餐廳係用時令高質新鮮食材 質素絕對對得著價錢😍

第一次來1881用餐，給同事兼好友慶生，餐廳整體環境舒適，用餐氛圍清靜。 午市套餐內容都算豐富，吃的很飽，值得一提的是甜品，作為不太愛吃甜食的人覺得非常驚艷，好好味😋

后園(THE QUEEN)位於尖沙咀1881內，餐廳裝潢古色古香，環境舒適優雅，而且餐具茶具也很漂亮呢～💖✨ 這裡大部份的點心都是一碟3件，如果4人來吃可以只加1件👍🏻 (不用點2碟太好了！👏🏻) 🤍蟹肉南瓜餃 （HKD131/4件) 🤍鴛鴦素餃 (HKD88/3件) 🤍軟殼蟹腸粉 （HKD118) 🤍蘋果叉燒酥 (HKD117/4件) 🤍芙蓉海鮮芋角 (HKD88/3件) 🤍麻辣安格斯牛肉包 (HKD108/3件) 🤍御膳炒飯 (HKD288) 🤍京都豆腐奶凍 (HKD78) 🤍是日甜品-桂圓馬蹄露 (HKD68) 🤍茗茶-雪菊 (HKD28/位) 整體食物質素很不錯，每款點心都做得很精緻💖 (家人都讚好😝👍🏻) 當中最推薦”蟹肉南瓜餃”、”麻辣安格斯牛肉包”及”御膳炒飯”😋 🤍蟹肉南瓜餃：外皮透薄，內餡豐富飽滿，味道鮮甜美味🤤💕 🤍麻辣安格斯牛肉包：外皮柔軟，裡面的牛肉鮮嫩多汁，麻辣調味非常惹味過癮🔥 🤍御膳炒飯：用料豐富，有帶子、蝦肉、蟹籽、蛋、蔥花等材料，層次豐富，蟹籽增添爽脆的口感🤩 而且飯粒分明，炒得很夠鑊氣😋👍🏻 📍后園 (THE QUEEN) - 尖沙咀廣東道2A號富衛1881公館主樓地舖

黃竹坑新商場終於開張，開多咗好多唔同口味嘅食肆，酒樓都有兩間，真係好開心！飲茶又多咗選擇👍 雖然係平日，下午兩點幾，商場都幾多人，好多食肆仲要等位。我哋又唔想等位，見到王子飯店有位喎！就決定飲茶啦！ 環境舒服，枱同枱有足夠空間，我鍾意！人手好似都算多，服務ok! 點心都算多選擇，好多都吸引！仲有小食和炒粉麵飯，夠多樣化！由於肚餓關係，三個人瘋狂叫嘢食，最後叫到成枱都係😂 可能當時客人唔多嘅關係，好快所有點心和小食都出現晒，擺到成枱都滿晒！點心幾大件，味道唔錯！唯獨對天下第一包好失望😞以前响1881店食過好多次，好大個，脹卜卜，見到已經好想食，食落又多餡，好味道！但呢度嘅包就真係唔得，縮咗水，咬開得好少餡，完全唔滿足！小食就大大碟，對得住個價錢！ 整體來講，今次試新嘢都幾滿意！希望好嘅質素可以維持落去，咁我哋就可以响屋企附近飲茶，唔駛特登出去銅鑼灣或者中環飲茶啦！