老婆安排位於1881 heritage "The Steak Room"同我慶祝生日。 本身餐廳位於屬於舊水警總部的法定古蹟內，所以氣氛幾好。 餐廳提供 3 - 5 course的 Tasting menu，而我地選擇5 course。 2 x 頭盤, 1 x 湯, 1 x 主菜, 1 x 甜品 頭盤: - 帶子及青豆配搭得幾好 - 大蝦沙律的肉夠爽 - 蟹餅香口，未算太油膩 湯: - 龍蝦湯夠鮮味，幾好 - 洋蔥湯略嫌唔夠濃郁，及洋蔥可以稍為多啲 主菜: US Ribeye - Medium well done US Striploin - Medium well done 2份牛扒整體OK, 當中以Ribeye碳燒味較為豐富 個人會較為喜歡Ribeye 2款甜品就較為普通，最重要有個“Happy Birthday”朱古力牌。 服務方面: - Serve我地的職員十分helpful, 而且對我地的BB亦十分友善 - 未必係做緊高級扒房或fine dining應有的標準，但friendly service的態度更加重要 環境: - 氣氛唔錯 - Weekday於8點後客人唔多，環境舒服

「北京道1號」嘅餐廳個賣點就喺有個維港景，今晚嚟到8樓嘅「花楽」，就喺老友負責嘅航天項目順利完滿結束，所以，一於食番一餐好嘅當喺賀賀佢又好，壯吓聲威又好，總之，趁啲藉口聚一聚！踏入餐廳，環境幾大，樓底比較高，所以，空間感十足；而裝修有別一般居酒屋般和風風格，相反，比較摩登時尚，尤其啲天花燈同乾花裝飾，都睇得出花咗唔少心思。配以柔和嘅燈效，整體感覺幾有氣氛。我哋被安排坐晌靠窗嘅大梳化卡位，既闊落舒服，又有個維港景，睇到1881（舊水警總部）、文化中心，景觀開揚，個人覺得喺最佳位置。此外，原來呢度有現場音樂伴唱，更可以點歌，逢星期三、五、六，撞啱今晚就喺，聽住音樂食吓嘢，都幾好架。餐廳採用二維碼落單，介面易用，分類跟番餐牌一樣。既然定位為居酒屋，食物嘅選擇就自不然多，翻開一版又一版，有沙律、先付、刺身、壽司、卷物、天婦羅、揚物、一品料理、燒物、串燒、鍋物、石鍋飯、飯麵、茶漬飯、湯品、甘味……等等一應俱全。食日本嘢，除欣賞食物之外，啲餐具都比較靚，值得多欣賞一下。講咗咁多，依家就去片，睇吓今晚我哋食咗乜！厚切宮崎煙肉黑糖醬燒 $98
第一道菜無晌先付度揀，反而睇啱晌燒物中嘅厚切宮崎煙肉，賣相有啲似港式叉燒，但味道跟口感都好唔同，啲宮崎煙肉咬落肉質喺煙韌好多，但又有啲彈牙感，味道方面有濃濃嘅煙燻香味，就好似平常食煙肉咁，雖然喺厚切，但唔會好鹹，因為加咗黑糖醬去燒，剛好有平衡之效。吉列炸蠔配黑松露醬 $98
仲喺前菜階段，再嚟喺一客吉列炸蠔，啲蠔就無標明嚟自邊度，不過，蠔鮮味十足，又炸得外層十分香脆而唔喺好油膩，沾上少少黑松露醬，陣陣黑松露嘅香氣，令炸蠔有種錦上添花嘅昇華感，清酒煮蜆 $138
食咗兩道前菜，再落嚟喺兩道海鮮菜式，先分享清酒煮蜆，啲蜆非常大隻，唔喺啲蜆仔，所以，睇落啲蜆肉厚身飽滿，入口味道鮮甜，質感柔韌，食得出喺新鮮靚貨，又完全無沙，而且，慢慢滲出淡雅嘅清酒香，好食。再試多口清酒湯，酒香撲鼻，但入口卻唔會太嗆喉，反而，有種清爽感。花樂燒賣甲羅燒 $218
老友未食過甲羅燒，所以，呢道菜佢就要試試喇。日本菜向來都好注重賣相，呢一道甲羅燒就正正體現出呢一點，除咗有甲羅燒，仲伴有一籠自家創作嘅中華風燒買壽司及野菜沙律，再加埋堂前幫你燒埋，呢個又喺加分位。店員好醒目，知道我哋鍾意影食物相，俾我哋影完先幫我哋拌勻蟹殼內嘅材料再燒香。蟹殼裏面有鮮拆蟹肉、蟹膏、海膽、生蛋黃、三文魚籽，睇見呢個組合都流口水啦，一路燒一路拌勻之後，搽上法包度食，味道甘腴，又帶點點鹹鮮，口感豐富，猶如食法式鵝肝多士咁，唯一挑剔位喺多兩件法包就更好啦。中華風燒賣壽司非常搞鬼，造型似足燒賣，仲要搵個蒸籠嚟裝住，咪以為綠色嘅外皮喺紙，其實可以放入口，面頭放有好多蟹肉同蟹籽，所以，入口好鮮味，而下面嘅壽司飯軟糯好食。
野菜沙律亦都有亮點，就喺沙律菜之外再加幾串海葡萄，海葡萄純粹外形關係，跟提子完全喺兩樣嘢，其實喺啲海澡類植物，味道鹹鹹哋，再自行淋上柚子醋，令到個沙律有清清味蕾之效。茗荷黑松露吞拿魚腩芝士卷 $148
「茗荷」喺乜？睇番餐牌嘅英文名，就知喺日本薑，「茗荷」有譯作日本生薑，呢一款壽司反卷就喺以日本米捲住忌廉芝士同火箭菜，再鋪上大量吞拿魚腩蓉，加點黑松露醬同幾絲生薑絲而成。單喺賣相都幾亮麗精緻，入口味道富層次，咬落去有唔同嘅口感，喺用心製作嘅出品。日本燒牛肉石鍋飯 $148
最後，就以石鍋飯嚟墊墊肚，石鍋飯上枱都感受到嗰種熱氣騰騰，牛肉份量都有幾多吓，夾雜唔少洋蔥，散發出少少香氣。牛肉味濃又鮮嫩，而飯粒好軟熟，底下仲有少少飯焦，雖然唔多，但脆卜卜過吓口癮都夠啦。一次過試到多款唔同嘅菜式，各有賣點，最緊要都喺用料靚，出品有質素，老友當然最欣賞個甲羅燒，因為對佢嚟講好有新鮮感，小弟就幾鍾意個壽司卷，因為味道紛陳。呢度環境就好正架啦，開揚有啲海景，而招呼亦都好好，侍應服務勤快有禮，不時為我哋加添熱茶、收拾枱面，喺一次幾好嘅體驗。

自助式正宗高級印度餐廳 “爵樂印度餐廳” 慶祝開業50週年，曾於1972年開業 更獲得米芝蓮推薦的印度菜老店 最新早午自助餐每人平均約$188一位 打破我對半自助式美食水準的要求 任吃多款咖喱，配上羊肉或雞柳 我沒有偏食，可不看餐牌，任何肉類也吃 一到午市已有一群印度人和港人來惠顧 已經好難找到空位，幸好我一早預約了 身位香港人的我，甚少接觸印度美食，所謂咖喱好吃的定義，就是不會太辣，也不要像即食咖喱哩包的平凡味道，我就是愛上吃這裏的充滿香料的咖喱，是有少許與眾不同和充滿美味滿足感。 💛黃咖喱辣味夠輕，而且風味十足，配上一大片滑柳雞肉，吃起上來零舍醒胃，配以下介紹Naan bread吃是最佳選擇。 💚我欣賞這裏奶綠色的咖喱，有芬芳香草🥗和天然椰漿的味道，口感清新，正好中和我吃濃味食物的油膩感。 🍞吃咖喱建議吃新鮮 Naan bread 用小麥粉製成的發酵麵餅，厚度剛剛好，吃起上來口感鬆脆，而且充滿油香。其好吃的程度，就是吃完一片，又有意猶未盡的感覺，下次直接叫外賣一打，回家當早餐吃。 海鮮邊方面有蝦仁，非常彈口，其口感就像新鮮蝦一樣有嚼勁，又容易去殼。如喜歡食血腸朋友，不防吃這類的紅香腸，有些像吃鴨潤腸般美味，另外沙律菜、炸角和原粒草菇也值得一試。 今次我竟忘記了喝餐廳主打的Indian Masala Cha，一款充滿香料和加入薑的奶茶。

后園食評 於2024年6月1日和英國回來的朋友飲茶。 於1881這種英式古典裝修內有間古式古香，Lubuds旗下的中菜廳—后園。 蟹肉南瓜餃🎃 問侍應有什麼推薦菜，他第一時間推薦這道菜。飽滿的球狀，味道較為清素一點，吃得出淡淡的南瓜味。 雪山叉燒包🐷 奶香味挺出，麵團都屬於薄，表面的脆脆一咬即散，十分之鬆軟，豬肉饀也香而甜。 麻辣小龍包🌶️ 小籠包皮簿，湯汁多，麻辣的紅湯一湧而上，辣度不算很勁，也不會吃完舌頭麻麻的，不過味道層次高。 春風得意米網腸🕊️ 我經常性覺得這類型腸粉比叉燒腸粉難度高，要外表的粉皮薄滑，內裏的米網鬆脆，蝦肉彈身，表面再灑上蔥花，不會因為熱度互相影響口感非常關鍵，這道菜我同行的朋友讚口不絕。 蟹籽燒賣皇🦀 唯一的評價是菇味甚出，蟹籽味不太覺。 整個氛圍，和侍應待人接物態度很正面，也會不停替我添茶，照顧我的需要，幾肯定我會再來。

今次嚟呢間食飯係慶祝朋友生日，幾個女仔想有個地方慢慢嘆吓下午茶吹吓水 本身我哋book咗戶外，但去到覺得有啲熱，餐廳嘅職員都好細心咁幫我哋安排返室內嘅座位 室內嘅裝潢係氣派得嚟唔會過分正式 我哋嗌咗價值$598兩位嘅下午茶 下午茶餐嘅擺盤相當之優雅 係一個花花鳥籠 餐廳都好貼心，幫我哋寫上生日牌同插上蠟燭 影相嗰陣有位女員工仲好有心機幫我哋砌好枱面，仲特登喺隔離拎咗盆花過嚟話咁樣擺落去構圖會靚啲，超好服務！ 冇諗過呢個姨姨影相都可以影得咁靚 下午茶餐 鹹點先食咗三款點心有蝦多士燒賣同芝麻卷三款都好味 然後職員叫我地趁熱食左scone 先 Scone 就正常味道 佢都俾左三款醬我哋搽 但只係得一舊原味同一舊藍莓 要大家share食 之後就食鹹點 整體而言鹹點都唔錯 份量就偏精緻 最後食甜品， 無刻意記得啲甜品係咩嚟， 但放入口每一款都係好好味 今次嚟呢到主要目的係同朋友慶祝生日，所以一流啲環境同服務，而食物質素唔差已經值得一個好評

有時食得多街頭野，都想搵返啲坐得舒服啲，而且可以同朋友傾偈嘅餐廳，今日就同好朋友試咗呢一間係北京道1號嘅日本餐廳，入到去嘅時候已經俾佢海景吸引住，真係完全望住1881同埋維港。 輕燒平目魚邊黑松露沙律(柚子醬) ($128): 輕燒完嘅平目魚令到魚油再更加突出，食上去煙煙韌韌而且好香燒過嘅味道，配上新鮮沙律菜夠晒清新。 中華風燒賣壽司四粒($118): 望到餐牌有呢一道都已經好想嗌，真係諗唔到可以整到啲咁新潮嘅嘢。上菜嘅時候會有個蒸籠仔，實質其實係蟹肉吞拿魚蓉壽司。燒賣有一張綠綠地色而且食得嘅紙包住嘅，但係絕對唔會影響本身壽司嘅味，反而令到口感幾特別，好似一個包咁樣，但係食到去中段真係有咬到啲飯嘅時候就會變返壽司嘅味道。成件事好特別😂 野菜天婦羅盛合($108): 有好多種唔同嘅菜，南瓜，秋葵，菇，茄子，番薯，粟米芯和素麵。全部都係新鮮炸出嚟嘅，而且粉漿唔口，師傅嘅工價做得好好，食上去完全唔油膩，就算放咗喺度一排都完全食唔到油益嘅味道。 茗荷黑松露吞拿魚腩芝士卷($148): 自己本身都好鍾意黑松露嘅，食落去嘅時候黑松露嘅味充滿成個口腔，之後就係新鮮嘅吞拿魚味。呢一種嘅芝士卷，好似近排喺日式嘅餐廳都幾興，呢一隻芝士加落啲飯度又幾Creamy！雖然唔似食緊傳統嘅壽司，不過都可以試吓。 串燒方面就叫咗手羽同埋煙肉日本蘆筍：前者外皮夠乾身，肉汁都可以保留到，而且佢會將兩支骨拆開燒，令火可以均勻啲，調味亦都啱啱好。日本蘆筍嘅蘆筍好新鮮，完全冇根同渣，兩樣完全唔使點任何汁都夠哂鮮。 總結：以呢一個地段同食品質素嚟講絕對係物超所值，加埋夜晚嘅時候望住個海景食飯真係完全值回票價。座位坐得舒服，好適合一大班人過嚟，而且侍應服務態度都好友善！

呢排天氣唔錯，同朋友在濕地公園行行，發現呢家在輕軌站對面嘅雞煲放題—至尊雲吞面雞煲 選擇了招牌至尊惹味雞煲！選佐小辣！可以食的出來雞嘅肉質幾唔錯都很緊實！吃到好多塊腿肉😋蠻入味的但感覺小辣唔辣能吃辣的可以點更辣一點～這款雞煲和花甲雞煲都可以無限加雞吃到飽！同時飲料以及汽水都可以無限暢飲！ 平日💰178一位 週末💰188一位 可以吃兩個鐘～ 因為我地嘅胃口比較小，淨加佐一輪一人份的雞煲就差不多飽了，開始打邊爐，選擇相對來說算多！配料特別推薦豆腐都蠻好吃的！吸滿湯汁的豆腐超級好吃！肉類都算新鮮！性價比唔錯！😌😌😌

LUMA LUMA is a highly romantic spot within the 1881 restaurant, offering an exquisite fine dining experience. The ambiance of this place is designed to evoke a sense of romance, making guests feel comfortable and relaxed. In addition to its elegant setting, LUMA features live band performances, adding a touch of music to the dining experience. This enhances the overall enjoyment and creates a unique atmosphere. At LUMA, you can indulge in refined cuisine, with each dish meticulously crafted and presented. Both the flavors and visual presentation leave a lasting impression. In summary, LUMA is a romantic dining destinationromantic dining destination located within the 1881 restaurant, offering an exquisite fine dining experience. The environment is elegant, and live band performances are featured. Whether it's the dining ambiance or the taste of the dishes, LUMA provides a distinctive dining experience. If you're seeking a romantic and refined dining spot, LUMA is an option not to be missed.

星期六同閨蜜行完APM，就係附近既居酒屋一齊食飯~無諗過佢雖然係工業區，但一定係高級居酒屋質素😁依間居酒屋有成4000呎，每一張枱都好大，坐得好舒服😌 一入門口已經可以進到佢有部自助清酒機🍻超過70款清酒~聽老闆娘講依部自助清酒機係全香港最大型添！我地當然要飲埋佢個清酒放題~$188一位😎我地試哂50幾款都已經醉醉地，好多唔同種類味道都有，而係呢兩款私心推介俾大家配搭唔同的餐點⬇️ 🍶農口尚彥 觀音下 (酒精濃度：18%) 年過80的「農口尚彥」先生，曾經釀造過好多金賞清酒🌟兩次退休後再次挑戰釀酒並開設「農口尚彦研究所」🍶觀音下有微微果香，口感順滑~配搭壽司刺身可以選這款🙌🏻 🍶 天之戸 淺舞酒造 醇辛 槽搾無濾過 純米 (酒精濃度：16-17%) 由秋田縣的淺舞酒造出品，米味香濃，辛口感中帶有微甜，餘韻較柔和，配搭燒肉或肉類可以選這款🙌🏻 居酒屋除左飲酒當然係野食都好緊要，依間居酒屋主打刺身同串燒，我地今次就叫左二人套餐💰998 前菜有好岩送酒既枝豆、鱈魚乾同埋自家製漬物~而刺身廚師推介既，今次就係原條日本魚既黑松二同埋刺身四款，刺身好新鮮🌟又甜又唔會腥，連好怕腥味既閨蜜都食唔停~另外仲有廚師推介既壽司四款 (共八件) 都好好味嫁~ 串燒就當然係居酒屋主菜之一，今次有五色串燒拼盤，個人最鍾意佢既燒牛舌~全部都唔會太乾或者太咸👍🏻想食辣可以加埋枱面上的麻辣粉或七味粉🌶️ 🐂M5澳洲和牛係佢地主打之一，牛的生熟恰到好處，同埋唔會好乾~而且亦都唔會太重味，如果唔鐘意食牛可以選擇吞拿魚下齶，有機會我都想去試下~ 怕唔夠飽既朋友，佢仲有跟牛肉瓦蕎麥麵同什菌蜆清湯。冷麵麵質唔會太軟仲會好重牛味，而蜆清湯隻隻蜆都好大隻，而且唔會有沙，高質=] 套餐跟飲品，可以選🍶清酒一壺或者🍹巨峰乳酸兩杯，最後還有特色雪花冰作為甜品添~為呢一餐畫上完美句號❤️ 呢度仲有和服免費試著🌟唔識著仲可以搵職員仲會教你點樣著和服👘而且有個寫願望牌既板~可以順便許願，真係岩哂我同閨蜜打卡出post 用❤️下次再去觀塘一定要再黎食過飲過打卡~

好耐無去食好嘢了，今次因為屋企人升職，所以就想食好啲，朋友介紹左係1881的一間餐廳，好有氣氛，有種歐洲feel，唔講以為自己去左歐洲🤭。 我哋order左牛肉他他蝦片、菠蘿帶子配蘋果木煙肉、鴨肝、澳洲和牛肉眼、龍蝦尾、鱸魚。 不過可能呢到係古蹟，都有唔少蟻係到行，但對我嚟講就唔算好介意，始終都明，古蹟就係咁，食物無就無問題。 一坐低就已經好快有麵包比我哋啦🥰，仲有唔同的選擇比你，總有一款啱你口味😊，仲要啲包好靚靚，我自己個人鍾意有南瓜籽的麵包，因為本身鍾意食多穀物的包，當然每個人口味都唔同啦。 牛肉他他蝦片個牛肉他他做得好出色，本身其實未試過食生牛肉，但係佢的牛肉他他真係整得超好食，配埋蝦片直情好易入口，唔會有抗拒感，而且佢整得好滑，牛味重又夠又但完全無腥味，正😘😘。 菠蘿帶子配蘋果木煙肉方面，一上枱已經超吸睛，打卡一流🥰，仲要超級好味，帶子唔會話overcook，所以仲有鮮嫩，仲有帶一點菠蘿汁的香甜，有少少微酸性，就更加開胃🤤，而蘋果木煙肉，燻得啱唔好，煙肉上帶有蘋果木的香氣🥰🥰，之後試過有啲餐廳整得唔好，但佢就恰到好處👍🏻。 鴨肝、澳洲和牛肉眼、龍蝦尾、鱸魚佢就一次過上碟的，每一道菜都好出色，鴨肝比係鵝肝更易入口，因為佢無咁油膩，因為佢脂肪更少，層次更複雜。 龍蝦尾肉質非常鮮嫩，彈牙，好好味😋。 鱸魚又係非常出色，魚處理得唔好會有腥味，同太靭，但餐廳真係整得好好，唔會咁，入口好嫩滑👍🏻。 澳洲和牛肉眼就聽左經理的推薦，揀左四成熟，就真係啱啱好，外面脆卜卜，入面就仲好嫩，而且澳洲和牛牛味又夠濃❤️，超出色。

愛美是人的天性，有人追求樣貌美，衣著美，而我覺得心情靚最重要。今日去食下午茶，太開心❤了，真係享受左一個靚爆鏡嘅下晝。北京道1號有好多食肆， 大門口裝修非常省鏡，雖然已經過左春節好耐，但係喜慶嘅裝修依然未拆，大紅福字同燈籠將整個環境裝點得喜氣洋洋，令人心情開朗。🥳🥳 一條好長好高嘅扶手電梯帶你去到輝煌大堂，🎢只見大堂樓底超高 ，裝飾新穎，簡單得來又不失氣派，高貴而且帶有青春的活力。搭電梯上到8樓， 一個花花世界展現眼前，【花樂】就是我們今日下午茶的餐廳 ，餐廳非常光猛闊落，大片玻璃窗對正文化中心，前面就係1881商場，隔離係YMCA，右邊係天星碼頭，👀望哂整個維多利亞海港🏞，這裡真是最好的打卡點。 餐廳名叫【花樂】，LOGO就係有一朵花，🌸門口的裝飾別具日本特色，粉紅色的字樣帶出溫暖的感覺，天花和墻身都是花葉裝飾，圓柱形的大酒埕給人豐足富裕的踏實感，一排蘆葦桿分隔了門口和餐廳的區域， 又多了一種環保原始的自然美。🪺🍀🍁 今日的下午茶非常豐富，淨係睇餐牌就已經可以開心半日，內容豐富度超出我的想像力。第一個呈上是生鮮食物熱氣球， 分開幾層放食物，裝飾用了不同的鮮花為食物扮靚，第二個是各式甜品水果的晶瑩通透玻璃櫃，第三個是鹹點盆。一個美食與鮮花融合的下午茶正式開始。🥁🥁 前奏曲🎼🎵🎶🎹 藍莓果粒茶在漂亮的瓷具中發出誘人氣味，紫藍色的茶在潔白的茶杯裡呈現高貴的美感。 主題（一）鮮生組合 先清後濃，先鹹後甜是飲食的規律，我們從沙律開始： 微微炙焦的粟米，清香多汁，香醋沙律開啟了期待的味蕾。 時令海膽，拖羅，油甘魚🐠，甜蝦，盈油光亮，鮮甜可口，配一朵黃菊花，吸睛之作。👀🌼 巴馬🐴火腿芝士卷，豐年的巴馬火腿，卷起濃香軟糯的芝士，吃在嘴👄裡，香味久久不散。 磯之雪雜錦魚🐠生卷，用海苔卷著魚生片，與壽司🍣飯共融出和諧的美味。 主題（二）鹹點組合 厚切三文魚🐠，紅白相間的三文魚片，點上芥末醬油，就得到滿足幸福的感覺。 日式炸蟹鉗，和港式炸蟹鉗不同，金黃的外表，雪白的蟹肉，外脆內嫩，蟹香揚溢，點些醬汁更是錦上添花。 鱈魚🐠干， 淺褐色的鱈魚干貌不驚人，味道卻是出奇的鮮香，從第一片吃到最後一片沒有停頓。😂🫣 主題（三）甜品水果 櫻花水信玄餅最漂亮，一朵粉紅色的璀璨櫻花🌸，綻放在水晶體的糕餅中，令人愛不惜手，不想破壞了美麗的容貌。🌸🌸🌸🌸🌸 芝士蛋糕🎂和芝士蛋卷，一朵鮮紅的玫瑰🌹，放在雪白的芝士蛋糕旁，紅白互相輝映 ，簡直是一幅最美的圖畫。 鮮紅草莓🍓，甜到漏的哈蜜瓜🍈，晶瑩剔透的波波提子🫒🫒，碟豆花，月季🌹花，菊花等再組成另一幅圖畫，令靚到爆表的下午茶更加完美。 有點遺憾的是，不能把全部靚相上載 ，美麗的畫面自能自己欣賞。😂😂

今晚是喺北京道1號食飯，入到餐廳，安排我哋坐窗邊位.然後我哋就哇左一聲😂 原來係無敵大海景嚟㗎，睇到維港景色1881，都未試過用呢個角度嚟睇！但可惜今日有霧😮‍💨 餐廳裝修都好有情調，好多花花嘅裝飾，而且一入門口就係吧枱，應該係可以同朋友喺度chilli下😂 餐牌有超多嘢食，我哋都要望咗一陣先至決定到叫咩嘢食！因為樣樣都好吸引！ 我哋叫咗個甲羅燒 入邊有海膽，蟹肉海籽等 超美味！ 仲要有侍應幫我哋處理，我哋就喺度等食😂 然後叫左吞拿魚芝士卷，超多吞拿魚，食落去口感好豐富！ 我哋仲叫咗啲串燒（牛舌/牛肉/大蔥雞肉/雞腎 ） 好少燒雞腎係會唔乾，竟然係juicy😋 另外我哋叫咗個天婦羅，都好出色，粉漿唔會太厚，食落都冇咩有油益味！ 最後我哋叫和牛石頭鍋飯😋 牛肉固然好味，石頭鍋飯又有飯焦！ 好好味

北京道一號嘅日式料理店花楽，外望1881、文化中心、及維港景色，環境時尚舒適！ 花樂燒賣甲羅燒 $218 甲羅燒有巨型海膽、三文魚籽、及大量蟹肉蟹膏，由店員喺席前燒製，鮮味濃厚，配多士食用真係一流！燒賣係用豆紙包住蟹肉蟹籽同埋壽司飯，賣相精緻！仲跟埋和風汁海葡萄沙律，正！ 海老野菜天婦羅盛合 $158 三隻超巨型嘅天婦羅蝦，蝦肉爽彈甜美！扇形嘅蕎麥麵天婦羅卜卜脆！下面係茄子、南瓜、蕃薯、秋葵、冬菇嘅天婦羅，份量豐盛！ 安格斯牛肋粒石鍋飯 $218 安格斯牛肋粒、溫泉蛋、炸蒜片、洋蔥等配合得宜，牛味濃郁，香氣四溢！ 鹽水紫菜芝士三文魚蟹肉卷 $128 入口首先係蟹肉嘅清甜，同埋三文魚嘅魚油味，尾韻係濃郁嘅芝士味！ 日式炒雜菜 $88 已猛火快炒，蔬菜香口得嚟仲好爽脆！ 鹽味枝豆 $38 日式前菜之選，好吃又健康！

又係Restaurant Week推介，揀左個晚餐$790pp，食物、環境、服務都讚👍🏻 餐廳位處1881呢個又靚又典雅嘅地方，讓人有走入時光機重返舊時嘅感覺😄 麵包🥯估唔到咁好食😋 Mocktail: Sheman（+$128） 真係好有心，睇到嗰條花邊幾浪漫💕 Appetizers "New Orleans" Style Crab Cake 真係超超超好食，蟹肉滿瀉，大滿足😋😋😋 TSR Signature Boston Lobster Bisque 香濃嘅龍蝦湯🦞只可以講你會想叫多個😋 Main Course U.S.D.A Ribeye Cap - 8oz (+$100) U.S.D.A Prime Beef Striploin - 10oz 經理話Chef建議4成，肉眼扒外脆內軟，讚👍🏻 另外嗰件，肉味濃，不過太「鞋」，伏左🙈 牛扒包括大蘑菇及薯條，都好食😄 工欲善其事、必先利其器 配合食牛扒🥩可以自己揀把刀，仲有咁多不同類型嘅鹽任揀任試😄 另外亦有咁多醬配襯牛扒 Desserts Black Forest Cake, Sour Cherry, Chocolate Sponge, Kirsch Cream 朱古力蛋糕、配車厘子，酸甜又幾夾😋 Apple Crumble Pie with Vanilla Ice Cream 個人特別鍾意食😋

2023年12月聖誕前窩夫終於有機會在1881的餐廳用餐。 於一個平日中午光顧「后園」。 典雅的餐具。 煙燻三色素鵝($118)的賣相太美，細細件一口大小，窩夫個人覺得將整件放進口裏慢慢咀嚼是最滋味的，深深感受到不同的口感和味道的層次。 蟹肉南瓜餃($98)非常飽滿。 野菌素腸粉($88)以翠綠色的腸粉包著滿滿的菇粒和甘筍粒，相信是自家製的甜豉油非常美味，大大提升了腸粉的味道。 雪山叉燒包($78)的水準亦不錯。 杏汁蓮子燉白肺湯($148)顏色雪白，杏汁夠香。