OMG Kitchen (已結業)

觀塘真係有唔少工廈餐廳，今日lunch time就嚟咗一間試新野。間餐廳個名好搞笑，叫OMG，入面坐位唔多，不過唔知係咪無咩人知有呢間餐廳，成個lunch time都係得我地同隔離枱，好少人。湯+前菜+主菜+飲品$58起，其實都算幾扺食。賣相都唔錯，個沙律好爽口，不過唔夠黑醋汁。忌廉湯好好飲，非常creamy。黑松露野菌忌廉汁意粉就中規中距，意粉太過腍，醬汁又唔挺身，但份量算多。整體不過不失，如意粉味道改善會更好。

無意中同好朋友試下呢間CAFE， 佈置隨意，播住80後熟悉既音樂，可以細聲返小小會更好。價錢屬於便宜；加上有套餐之類，可以加多樣化既小食。蘑菇忌廉湯: 夠香濃，驚喜!黑松露菇意粉: 菇類只食到雞脾菇..但意粉軟硬度剛好，吸收到個汁，好味! 蜜糖芥末雞翼，焗薯角：好唔錯，新鮮夠脆跟餐咖啡：淡到乜咁，極度懷疑數少左咖啡粉份量芝士薯角焗西蘭花：味道OK，但薯角口感唔好，唔夾..

先到先攞位，推門入去，播緊最愛嘅容祖兒，心情大好4個course嘅lunch set，最平$58起，食物種類非常多，飯、意粉、沙律、多種漢堡包、小食及好多mocktail！蘑菇忌廉濃湯諗住係開金寶罐頭湯，完全無期望，點知非常有驚喜！雖然顏色唔吸引，但原來入面係非常多又大大片嘅菇！非常creamy又有濃郁嘅菇味，差不多啖啖都有菇食，口感激好！香草蒜蓉法包以為湯入面嗰兩粒麵包就係法包，原來只係裝飾！新鮮焗起嘅蒜蓉法包香脆，不過蒜味唔夠勁！蒜片辣椒蜆肉意粉 ($68)賣相普通，就咁睇以為冇乜蜆肉，但原來喺晒底，仲有好多粒添！我就咁試一條意粉都已經辣到想喊，不過大口仔話呢個辣度啱啱好，食到出晒汗好開心意式番茄肉醬意粉 ($63)賣相普通，肉醬偏少，好似唔夠撈意粉咁，不過味道都可以嘅呢度仲有玩具，不過樓底矮嘅關係，我哋食緊野嘅時候隔離嚟咗一大檯後生仔女，食lunch前玩遊戲就非常應聲了。食物質素OK啦，反而個湯就真係非常有驚喜，而且服務態度好好，以呢個價錢嚟講可以接受

地方混亂人手少。好奇怪點解會有好評。如果食物相差時間準嘅話，食物都係叫一般,更加唔好講出餐非常慢。作為消費者,就算店舖有誠意食物質素非常一般,價錢亦唔見得非常便宜

我本身用電話在4日前向OMG Kitchen訂坐，約了朋友在星期四晚上7:30去OMG Kitchen食飯。本來非常期待，但去到，餐廳根本沒有開門。打電話去，負責人說沒有人訂坐，餐廳不會開門，請我們離開。我和朋友2人非常生氣，非常無奈。好好的飯局，居然因為餐廳負責人嘅粗心大意/唔負責任嘅表現而告吹。失望的程度不能用筆墨形容。我真心真意建議各位，此餐廳不值得去，免失望。

整體裝修唔錯，燈光幾浪漫。仲有好多boardgame玩，menu多選擇，burger同小食最多人叫。個人覺得辣番茄雞意粉同埋黑松露燉飯最好食。午餐有set叫，抵食價錢公道～包場既話，大約可以容納20幾人有個唔錯既女侍應，幾好禮貌好似新購入左部冷氣機，整體舒適，可能多人會焗少少。整體唔錯既cafe。

衛生唔得🤷🏻‍♀️一入嚟地方一眼望晒，環境都正常，但見到枱面啲飲完嘅杯嗰啲未執感覺已經唔太好～食物方面普普通通都冇咩太大期望，除咗羅宋湯難飲外，蒜蓉包同意粉味道都OK。但！重點係！食到咁上下突然見到枱底有曱甴！更搞笑嘅係，見到曱甴大家都已經嚇親雞飛狗走，而本來企喺我哋隔離嘅Staff竟然一啲反應都冇😑😑若無其事行返入廚房😑後來我哋都費事繼續食，嗌埋單走人，個Staff繼續若無其事....道歉又冇...亦都完全冇理會隻曱甴😑😑wt the....?!?!絕對唔會再幫襯😑

OMG Kitchen 既辣芝士雞肉意大利燉飯 hkd54 😀 有時都幾鐘情於樓上cafe，細細地，但裝修樂有家既感覺，好溫暖😚環境唔錯～最岩同朋友吹下水，plan 下行程👌🏾食物質素都唔差架～同個名一樣，雞肉都算多～加埋啲芝士一齊食😍 仲叫左個蒜香牛油白酒蜆肉青口意粉 Hkd 48 😚 只能說呢個一入口真係超級勁爆蒜香😍就算唔中意食蒜既人都會接受到，係好香好好食！試下都ok🤔最後要大推佢地既野飲👏🏾右：香蕉鮮奶🙆🏽左：紫薯鮮奶😍呢野飲加番差價就ok啦😚佢紫薯鮮奶係堅用成個紫薯放入去，好澀好厚實好濃郁🍠而且唔甜😁香蕉鮮奶都一樣！真係真材實料，勁似smoothie 😚 必試呀！

前幾日，不斷喺openrice搵一啲舒服嘅café諗住同朋友去坐下傾計畫下畫。咁就比我揾到呢間OMG Kitchen，見到d食評都話佢地喺小店，好有heart，食物份量大份，價錢正路，同足料，所以就諗住要比個機會去幫襯下佢地。入到去，見到鋪頭唔大，我同朋友兩個人搵咗張角落頭位黎坐，見到張餐單，好亂唔喺好睇得明，所以我地都花左15分鐘研究個menu！我地嗌咗兩個餐share，嗌一個BBQ芝牛堡+蘑菇，同一個火灸芝土煙三文魚忌廉意大利燉飯。個burger侍應好好人幫我地切開咗2份。芝牛堡：包皮好脆，明顯有烘烤過，肉汁夠juicy，唔錯！燉飯：不過不失，唔夠濃味，食到最後好似食緊芝士撈飯，有點兒漏。朋友叫咗杯紫薯鮮奶飲，omg超伏，侍應拎比我地嘅時候見到杯野紫色得誇張都心知不妙了。好結、加上個味好淡冇咩紫薯味，飲了兩口已經唔想兩掂佢。環境其實中規中矩，真心建議佢地可以播返背景音樂。睇得出佢地自己落手落腳做埋樓面，但喺可能佢地太忙關系，搞到樓面長時期冇人執枱，而我地張枱同間黎座琴見到有蚊滋，不過我地都冇啲咩不滿嘅，畢竟食肆有呢啲都喺正常嘅。

早前在Groupon買了團購優惠，今日和男友來吃二人套餐~OMG這名字有玩味，就如它的logo一樣，很好笑XD入面的裝飾特別，有風格，此時店家剛開了沒久，未開燈所以好浪漫的感覺。枱上的乾花（？）好美，標了價錢可以買。餐牌有好多選擇，漢堡，意粉，小食等一應俱全。套餐價更便宜。我們的團購可選兩個58元或以下的漢堡，兩款小食，兩個甜品和兩杯12元的飲品~下面的是辣腸奄列芝牛堡，只看名字已知有好多材料。麵包鬆軟，奄列的蛋好軟滑，內裡的辣肉腸微辣有咬口。芝士份量好多，還有蕃茄生菜，無論味道還是口感都好豐富最重要的是牛肉餅超級厚，牛肉味重又juicy，一個字，另一個選了煙鴨胸芝牛堡。配料除了鴨胸都和另外的一樣，是味道更濃。肉餅又是好大好juicy~~~水牛城雞翼好辣薯角外脆內軟，就是典型的味道。甜品有兩款，所以每款要一個。焦糖面好脆，底下的布丁柔軟嫩滑，不用咬。咖啡奶凍也很滑，咖啡味非常濃，喜好咖啡的一定會喜歡。飲品只要了普通的熱檸茶和水。其實他有一大張飲品menu啊！這個團購超值了，一百元多點，吃到這麽美味的食物！其實就算套餐價也不貴，可再來encore不得不說店主好厲害，所有工作都是一個人做，

好偶然下發現這間小店，所以想去試下。黎到依度好有文青feel,門口放既裝飾和店內的擺設，都有著清新、懷舊的混和氣氛😁依度主打食平民漢堡包，所以我地揀左個經典漢堡包，黑松露露荀燴飯同香辣蒜蜆肉飯。餐湯我揀左南瓜湯，好香濃南瓜和忌廉味😘同事揀左雜菜湯，一個同事話好辣，一個話ok,哈哈😂再黎個蔬菜沙律，我揀左黑醋汁，好開胃，如果可以多d黑醋更加好😁同事同樣都係蔬菜沙律，但要千島醬😊我先試個漢堡包，麵包似係港式麵包，烘得脆；裡面塊蕃茄仲好juicy夠新鮮；酸青瓜都幾多夠惹味。重點梗係塊漢堡扒，好香牛肉味，唔乾又juicy,又唔散又唔實👍🏻黑松露露荀燴飯，黑松露味夠，唔石油氣味，唔錯！香辣蒜蜆意大利粉，超香蒜味又惹味，又唔會太濃，食完都唔覺個口好大股蒜味，但太辣！同事話好辣，但都再添😂😂如果下次可以少辣就更prefect😘餐飲我叫左綠茶latte, 綠茶味香濃。暫時為止，除左我去某d專門咖啡店飲綠茶latte 係比較滑，少起沙之外，一般餐廳可能要係這方面再鑽研一下😝題外話，依間餐廳由我黎到走都唔滿，雖然地方細細，但坐得好舒服！有一刻，我好自私咁唔想俾其他人知道依間小店，因為我唔想之後黎到要等位😝

今日嚟到觀塘,知道有兩間BURGER店唔錯,就試吓OMG先,位於工廈上面不易找,入到去有幾多位,但店內只有兩位店員,已包廚房和櫃面,我們二人嗌咗:芝士吉列魚堡餐: $50 包凍檸茶只屬一般,薯格不錯份量亦可,魚堡味道偏淡,芝士也無乜味 OMG牛堡餐: $66 包熱華田, 蜜糖芥末雞翼,只係煎香雞翼上面放一點蜜糖芥末醬,很普通, OMG牛堡有煙肉,菠蘿,芝士等,牛肉過熟,浪費了,味道僅不過不失 最後送兩款甜品,分別係咖啡奶凍和焦糖燉蛋, 咖啡奶凍不太甜幾出色,焦糖燉蛋太甜了, 整體只屬一般 係價錢較吸引 二人食了126元

這店开始经營至今吃了幾次，每次都有進步，擺設，坐位，味道，速度，餐具都不同了。以這價錢吃西式套餐算是不錯的選擇，在非繁忙的時間還可以慢慢坐，用wi-fi完成任務。 這裡還有音樂播放，感覺輕鬆自在的。 工作人員也不會打擾你的。食物方面，忌廉湯很香濃落足份量還有一粒粒的菇，推薦扒包香脆，香草橄欖油意粉。 食物製作很用心。改進的空間是小店人手不足， 份量也可以多點的 。预訂了這店搞10多人聚餐，時間是可以配合我的需要，還可以用投影機及音響，價錢化算，且看有沒有突破了

平身第一次寫食評,因為尼個羅宋湯實在難以入口,苦滐,焦窿味,擺一口入嘴之後,令人畏懼。另外熱奶茶都麻麻,實在忍唔住要評論一下。不過意粉味道還是可以的。本人就不會在試第二次啦~！

第一次寫食評昨晚用團購去食，估唔到個包都好足分量，要好大個口先咬到 ，好juicy ，包面好脆 手打牛肉 和煙肉都煎完唔會太硬好有肉汁薯角新鮮炸 放上枱出晒煙 水牛雞翼辣辣地幾野味炸磨菇外脆內超多汁 唔會炸到乾晒 個醬汁好正又唔會有石油氣味 另外飲品可以加錢轉做沙冰和奶昔兩杯都好好味焦糖蛋 又係叫時先燒 個質感好似食雪榚一樣滑 唔會好似出面食個啲水最後成晚只得一個店主招呼大家，但超快手有禮貌，所有客都讚他好勁，一人包辦晒所有野但仍然超水準味道和服務一定會再找下次試下意粉沙律所以一定要上來讚下