阿里郎熱狗棒 (已結業)

同朋友去旺角去做facial，無咩時間所以就唔坐低慢慢食，揀左呢間有少少位企喺到食既韓式熱狗😝。即叫即炸大約等15min左右，食埋都係30min左右，輕鬆趕到😙。🔅S1熱狗2個+芝士球4粒+年糕香腸串 ($120)🔸薯條熱狗呢款中間有香腸🌭，外層沾左薯條粒先去炸，好大碌🙈好香口，口感豐富。🔸鴛鴦芝腸熱狗一半係芝士🧀一半係香腸，加炸粉食落口感就同薯條熱狗唔同，再脆啲。🔸芝士球4粒芝士球炸得好香脆，原本以為得芝士會好膩，但有埋香草平衡下，食下食下就食晒😝。🔸年糕香腸串年糕炸完又脆又煙韌，加埋韓式甜辣醬好正😍。🔅A1乜都有套餐 ($78)🔸OREO熱狗佢既oreo係cereal嗰隻oreo圈圈，所以食落更香脆🤤，比起加oreo餅更好👍🏻。🔸伯爵茶味冬甩Donut🍩鬆軟又大大個，入面有滿滿既earl grey cream 🤤，一咬就爆晒餡，唔會好甜好香earl grey味👍🏻。🔸柑橘碳酸水食完炸野飲返杯真係好fresh 🧡，酸酸甜甜解膩一流😳，又適合打卡😍，入面仲有啖啖果肉，唔係淨係糖水溝出黎🍊。💬熱狗即叫即炸特別正🥺，呢個份量2個人都食唔晒😂，$200好抵食。