蝦麵店 (蘭杜街) (已搬遷) 新店位置

蘭杜街有好多好野食，早兩日同事帶我食呢間💛良心小店。等左一陣就有位，坐得都唔算太逼👍🏻。諗呢到叫蝦麵店，即係啲蝦🦐應該最出色，所以無理由唔試佢既蝦湯底。落完單都好快就齊野📝。🔅蝦肉魚片麵 ($60)拎緊黎已經聞到陣香濃既蝦湯味，飲左一啖湯真係超級濃🤯！雖然叫辣味蝦湯底，但佢唔算辣，香辣既香多過辣，又有少少洋蔥🧅既甜味，超高質！份量都幾大碗，魚片好彈牙，蝦就吸晒啲湯好正，但唔會煮到爛晒無晒肉質😬。💬食完真係齒頰留香，成個下晝個口都仲feel到陣蝦湯味都咪話唔誇張😂，食埋薄荷糖都搞唔掂就知有勁濃🙈。