甜記餃子 (已搬遷) 新店位置

同朋友都好鐘意食餃子，所以揀左食呢間良心餃子店。之前喺旺角見太多人排所以食唔到，好彩呢次去長沙灣分店竟然唔使排隊😝。小店座位都比較逼，坐得就唔太舒服，不過食餃子唔需要坐好耐都ok既。同朋友各叫10隻煎餃，$48有10隻仲要雙拼都幾抵食👍🏻。大約等左15分鐘就2碟一齊上，齊齊有得食😎。🔅椰菜冬菇雲耳豬肉餃個人比較鐘意傳統菜餃，所以叫左2款最basic既試。餃子皮厚薄適中，煎到好香脆，唔算好油，唔會煎到皮硬晒刮口💮。雲耳同椰菜好爽口，菇味唔算好突出，但整體不俗。🔅白菜豬肉餃白菜粒偏大，所以食落有口感，好juicy，仲有好微微既薑味。🔅粟米芝士雞肉餃同朋友交換左2款餃試。芝士味唔算濃，唔係拉絲嗰種芝士，不過平時怕芝士臭既我都食到。粟米唔算好甜，應該唔係新鮮粟米所以差啲，雞肉味都唔太明顯。🔅洋蔥薯仔牛肉餃一咬開洋蔥味好香，洋蔥粒大有口感，幾甜，但食唔到薯仔🧐，同埋牛肉味唔算濃又有少少筋。💬整體菜餃感覺上比較好，雖然簡單但幾好食又juicy，性價比高。菜脯朋友試左話幾辣，如果怕辣就要小心😌。另外一位朋友話佢既蕃茄湯好食，下次有機會再試。