如意冰室私房菜 (已結業)

原本lunch time想黎食，但經常都好多人排隊，所以直接book夜晚算😂，同埋佢都適合夜晚叫小菜幾個人share食。冰室有2層，樓上靜啲方便傾計所以就揀左樓上坐。Menu都係好多選擇睇到花多眼亂，最尾叫左幾個晚市必食既小菜。①蜜椒薯仔牛柳粒薯仔爆得好香，加埋黑椒，少少燶好正。牛柳粒都算多，啱啱好一啖食到，唔韌無乜筋超級正😋！②椒鹽豬扒個人好鐘意食椒鹽豬扒，平時呢個餸意外地都會中伏，但呢間唔錯。佢份量都多，有好多炸蒜好正，食開濃味既我就覺得唔錯，撈飯一流。豬扒有口感，無乸到啲肉質散晒。③黃金鮮魷平時最怕食到無味魷魚，但佢啲魷魚都算大碟，幾彈牙，好鮮，炸得好香，幾濃鹹蛋香氣🤤 👍🏻！④粟米魚塊啲魚塊炸得幾滑，唔會乾柴柴，炸粉唔厚。同埋佢係炸起先加汁，所以炸皮唔會上碟已經俾啲粟米汁浸到個腍晒。呢個係相當大路，萬無一失既菜色。⑤鹹魚雞粒炒飯同行朋友都好鐘意食鹹魚雞粒炒飯所以就叫，不過原本已經跟左飯，其實都好夠飽。對比起小菜呢個就普通啲，雞粒無乜味，無乜鹹魚😂，但勝在夠大碟。💬好值得推介既💛餐廳，夜晚小菜好野味，暫時未食到伏野👍🏻，會encore。