影片
更多
2018-05-11
1187 瀏覽
元朗朋友叫左好耐，終於約到一齊去壽司之神食Omakase。久違了一排，再食仍有期待。敲定左食壽司12貫。原本坐普通枱，但可愛的侍應小子見我地鍾意影相，安排左我地坐吧枱~ 漬物有芝麻牛蒡及麵豉醬醃蒜頭，酸薑就一定唔少得。三者都醃得入味唔講，不時添加呢點的確貼心。牛旁仲沾滿芝麻!! 前菜小盤分別有南瓜豆腐、瑩光魷魚和廣島蠔。雖然係豆腐，但南瓜味好突出，甜甜地，入口即溶。瑩光魷魚細隻但爽口，肚入面有膏脹卜卜。 廣島蠔預先以汁醃，肥美飽滿。有淡淡黑松露香，插上水稻爆谷，賣相好靚。 然後便是壽司，春子鯛先上，顧名思義即是春天的鯛魚，當造期肥美，肉質帶散，但鮮甜。平正魚爽身帶油脂甘香。鳥貝望落黑黑地但爽口有韌勁，估唔到食落口好鮮甜真鯛，其車即鱲魚，魚肉入口即散。放上一塊washabi叶，入口有Wasabi 香。 平貝，通常叫慣沙茶，肉質實淨、肉身潔白，感覺似蒟蒻口感。油甘魚我的至愛，肥美甘香帶爽。 蝦名叫虎山灣白蝦，水份重，膠感不重但鮮甜非常。池魚，入口鬆軟。吞拿望到個樣已經知道入口即溶，食落口就更加唔使講，有魚香、又有油香。 一輪刺身後便來到了熟食壽司，新鮮銀
漬物有芝麻牛蒡及麵豉醬醃蒜頭，酸薑就一定唔少得。三者都醃得入味唔講，不時添加呢點的確貼心。牛旁仲沾滿芝麻!!
前菜小盤分別有南瓜豆腐、瑩光魷魚和廣島蠔。雖然係豆腐，但南瓜味好突出，甜甜地，入口即溶。瑩光魷魚細隻但爽口，肚入面有膏脹卜卜。
廣島蠔預先以汁醃，肥美飽滿。有淡淡黑松露香，插上水稻爆谷，賣相好靚。
然後便是壽司，春子鯛先上，顧名思義即是春天的鯛魚，當造期肥美，肉質帶散，但鮮甜。平正魚爽身帶油脂甘香。鳥貝望落黑黑地但爽口有韌勁，估唔到食落口好鮮甜真鯛，其車即鱲魚，魚肉入口即散。放上一塊washabi叶，入口有Wasabi 香。
平貝，通常叫慣沙茶，肉質實淨、肉身潔白，感覺似蒟蒻口感。油甘魚我的至愛，肥美甘香帶爽。
蝦名叫虎山灣白蝦，水份重，膠感不重但鮮甜非常。池魚，入口鬆軟。吞拿望到個樣已經知道入口即溶，食落口就更加唔使講，有魚香、又有油香。
一輪刺身後便來到了熟食壽司，新鮮銀鱈魚因爲經火炙，所以魚脂更突出，甘香可口，有淡淡葱香。日本花蟹拆殻起肉，所以食到的只剩下結實爽甜的蟹肉。灑上點點芝麻，入口全都是蟹肉，過足蟹癮。
火炙赤鯥帶韌勁，魚皮焦香，上面灑上葱花，富葱香。
海膽手卷的紫菜脆口，夾在其中的山葵攻鼻，海膽creamy而鮮甜。兩者起了化學作用，攻鼻得黎帶鮮味，感觀的刺激！
食完壽司再飲一碗日式洋葱湯，熱辣辣，湯夠濃稠，入面有日本菇及紫菜，洋葱的天然甜味伴著菇香，不失為一簡單又暖胃的收結。
最後食埋福崗士多啤梨，以香甜為這餐飯留一個句號，靜靜地，享受一下假日的悠閒，食一餐好西，以愉快的心情迎接blue Monday的到來。
張貼
