日悅極尚日式放題 (已結業)

星期六同朋友去旺角睇完戲，即興話食放題，上openrice揾了一陣，揾到日悦，貪未試過，又貪佢價錢唔算貴。 晚市7點幾未算好多人，所以就算walk in 都即入。坐低便即刻拎野飲，我鍾意呢度的韓國飲品，選擇好足夠，仲有罐裝啤酒，估唔到連梅酒都可以任飲。食物種類跟一般放題店差不多，而且更為豐富。 第一輪立即點了一大盤刺身。刺身厚切，而且好新鮮，三文魚夠肥美，甜蝦、牡丹蝦大大隻，仲有螺片、北寄貝、帶子，完全過足口癮。 鍾意呢啲串燒，尤其牛舌，爽口又厚肉，一連食了好幾串，食唔停口。免治雞肉串，魷魚都啖啖肉。因為怕喉嚨痛，所以唔敢點太多天婦羅，但炸蝦炸得香脆唔油膩，蝦肉夠彈牙。紫心番薯仔細細粒但好甜。 壽司細細件，食多一兩件都唔會太飽濟。炸榴槤波波新鮮熱辣，好好食，入面的流心好香，煙韌又好食，推介 雞軟骨細細粒，脆口又易食，唔覺唔覺食多左。燒大蝦大大隻，食多幾隻都回晒本。不得不讚呢度雖然晚市忙碌，但上菜好快而且無漏單，值得一讚。 除了餐紙上的食物外，還有個自助吧位，供各款冷盤及小食，當中有青口、翡翠螺、芝麻八爪魚、螺肉，沙律等都任食，在未有野食來時可以先墊墊肚。 整