京林屋 (希慎廣場)

營業中

休息中

放工又返左去京林屋，可惜今次鰻魚飯早早已經賣晒，點了金目鯛定食同埋林屋和食料理。 雖然呢度的咸點餐食唔算多，但水準一直十分不錯。金目鯛是滿滿的甜醬油係面，魚本身夠肥，魚油甘香，所以一啖一口送飯的確滋味。 林屋和食有4款配菜，八爪魚沙律，撈左魚子，咬落卜卜脆。帆立貝、魚仔乾、芝士魚腐，魚腐啲芝士有少少流心！木耳蛋角頗有心思，蛋入面混左不同顏色的蘿蔔絲，望上去顏色更靚，食落更有咬口。鯖魚比較之下就無乜特色，但4樣加埋黎送飯食，就可以過足口癮！ 朋友第一次黎，佢都覺得呢度啲咸食十分不錯～食完咸食到了甜品，點左最愛的芭菲。可能一排無食，雪糕入口特別滑，抹茶味夠濃。加上白玉、小丸子、抹茶啫喱、士多啤梨、紅豆蓉、忌廉，最愛的配料共冶一爐，放工等左咁，就係等一份期待已久的味道。 林屋抹茶餡蜜還是一如既往的份量，以為細，其實份量好多。一口蕨餅、一口抹茶啫喱、一粒丸子、一啖雪糕，那煙韌的口感，就是爽！所以每次黎都要食。 最後飲埋個桃味焙茶，清清喉嚨，便滿足而歸家，茶味伴著淡淡桃香，著實使人心曠神怡。