Starry Night

營業中

休息中

朋友推薦食大角咀抵食西餐，在旺角行完街，順便一試。 Starry night 在博文街，位置唔算方便，但星期六晚市好熱鬧，因為晚餐不過398已經包2餐湯、1沙律、1小食及2主菜。 湯是番茄湯，茄味濃郁，巴馬火腿配密瓜大大件，蜜瓜清甜，火腿咸香，不錯吃！炸雞翼新鮮熱辣，外皮焦脆，而且配個汁酸酸地好好味！蒜香蜆肉白酒扁意粉好足料，啲蜆整齊排列得好靚，意粉軟硬適中，雖然酒味不濃，但加上了黑椒及蒜香碎，食落帶蒜味，也不錯吃。澳洲西冷要了5成熟，做得算稱職，切開見到嫩紅。雖不走脂油路線，但牛味夠！大大塊好抵食。 飲品則選了蘋果接骨木花特飲及薄荷檸檬特飲，2者都大大杯，易入口，啱晒女仔飲，呢度雖然唔就腳，但價錢公道抵食，不妨一試。