林昌記 (已結業)

今日同經過尖沙咀果邊，行返去紅磡站搭火車。原來係天橋附近有間好味魚蛋，朋友唔講真係唔知。鋪頭係正向尖咀往紅磡的天橋中間，面積唔大，但生意應該唔錯，因為都有好多人黎篤魚蛋。點左原味同炸魚蛋，原味魚蛋好爽滑，細細粒，容易食，重點係超級彈牙。炸魚蛋都好味，外皮炸至金黃，但內裏同原味一樣彈牙，兩者配上少許辣椒醬同食，真係好好食。好耐未食過咁好食嘅魚蛋，呢啲小店希望仲可以繼續為我地服務啦。