尚香 (已結業)

尚香在旺角開了不久，平日經過廣華街，總見一條長龍，但一直未有機會試。今日趁有空經過，慕名而來。 當然急不及待，試了其招牌蟹黃湯包，45元大大一個，有成隻手咁，皮唔算薄但餡幾足。裏面湯汁頗多，好也算鮮甜。 食法有別於一般小籠包，需要用扮竹管的飲管吸啜，還有個專用的紙盒包著保温。的的骰骰的，好可愛。 尚香店中只賣4種食物的，食完個小籠包，我地嫌未夠，因為未食午飯，所以每一樣也點選了2籠，到附近的公園開餐。食物是即叫即蒸的，所以製作需時，我們等了約20分鐘包子才蒸好，可能因為小店，人手有限，難怪只做外賣，難怪店外總是長長人龍，因為人人都不介意為這神奇的包子而等。 20元4個的糯米燒賣，皮內糯米飯好多，好足料，粒粒飽滿，食落滿口糯米香。 鮮肉小籠包35元5個，裡面係豬肉一啖一個，不油膩，而且好多汁，吃到停不了口。 蟹黃小籠包，45元5個，同樣用蟹肉做的，蟹汁好多，包上有一點橙色的蟹作記認，不錯，值得一試。 雖然店仔細細，但出品卻頗有心思，將原本飲茶先食到的上海點心帶到街頭，點心街頭化，意念頗不錯，值得捧場支持一下。